ZAKARI 2:4 - Boy Lonana

⁴ An joɓ ɗaŋŋi ana, «Suu asina mbay a li ni mege?» Nam hoŋon dira ana, «Mekka ni mek mayra njay suu Yudana ki sa dew lay ka tli yam koloɗira. Suu dli caffa mba ni kay a mbuɗusi ndaanara, a kus mek suu asina kira, suu yow mekesi kolo kasi kay mbassa Yudara a njayaɗ kira.»

ZAKARI 2:4 ပူးပေါင်းရင်းမြစ်များ

ESTER 9:19

Ni kay ndaɗta suu Juif suu cuki hu ɦoŋzinana u suu cuki hu zigini suu hu ɦoŋzinana mbuɗ buu ma doogo yam fiɗi ma hu til ma Adarna ki a buu ma furira, ma ti ti ma luuna, sunum ki fun tasi na nde ndena.

EZAYI 33:20

Gologi Siyon ɦoŋzi maygi ma li luuna huna, irigi hin wi ɦoŋzi ma Yerusalemma mbutluɓ ma um ka jok kiɗina nam hin kak heɓpa ni ko ndal pikki ma sa ka paɗam ki oloɗina na. Zewem ka a nja kiɗi lay a fafaɗta.

EZAYI 44:26

An li u boy ma vi saan ma sunda, suu a dan vun sun mandana an njunusi a ndaɗ di ki u voɗoɗu. An di zi ma Yerusalemma ana, nam coli kolo balamamu. Zi ma Yudana an dam ana, ko nam hoŋ ki kolo minda suuna cuk huwa. Tlesuu ay ki hawaɗina an hoŋosi minda hu balamasiya.

EZAYI 49:20

Suu maŋsina mbuɗ ɓak humuŋ ana, «Li ma ami laki hu wanna ka ndakamiɗi, halami li ma daŋ a ami cuk ki huwa.»

EZAYI 54:16

Aŋ gol gige, sa ma gi u caffa ay kina ni gege? Ni ka anɗi su? Sa ma ka bu vugumma dli kawina zeɗ zeɗna. Na may an hin tli sa ma ɓalak kawi namma kina ni an lay.

JEREMI 1:6

An di ana, «Aa, Bu Suuna Yawe, an hin ka wi ɓakŋaɗi. An goo cocoo.»

JEREMI 31:24

Yuda u ɦoŋziimma hin kak ko tasiya, suu horokŋa u suu taa yoorina.

JEREMI 31:27

Buuna ka mbaa, Yawe di na, ma an hin zaa njaf suu Israelna u suu Yudana ki a njaf suu warna, njaf mburina lay.

JEREMI 33:22

Asgaari suu huulonana sa ka wasi ndumusiɗi, ŋgetl ma fun lum ma ŋgolna na sa ka wam ndumumbi lay, an hin zul njaf suu vi saan ma sunda Davidna u suu vi Levina, suu ŋgolo man suu sunda ni na lay.

EZEKIYEL 38:11

Aŋ hin ɓak taŋ huruŋ ana, an hin tuɗ duu u mbassa sa ma njun kaɗ kaɗira u suu may suu ka laki en u heɓpana. Suu ka cuki hu ɦoŋzi ma gulumun ka gii kambi lay, vun grekŋa ka dugi u cokorombi layna.

DANYEL 1:17

Doli ɗaŋŋi maŋ gor suu fiɗi asina Lona ɦasi yalna, haɗasi yalna a wi dlara. Maŋ Danyel may ni nam wi u dlara tak taɗ ii suunara, wi u doyra di suunara ki lay.

DANYEL 1:4

Gor njufii suu dla ay ka egesiɗina, suu a iriŋ golosi jivina, suu ki haɗi u yal dlara halaŋŋa, suu wi u dlara ki cocona, suu hum u haɗta ki u saɓakŋa a asi kak hu taraŋga vi mulna a asi haɗasi dlara u vun ma vi suu Kaldeenna.

MISE 7:11

Buu ma hin a min gulumun maɗnana, hu buu namma asi hin ɦuɗ ii haka makka ki dagani.

ZAKARI 1:16

Kay ndaɗta Yawe ɓak ana, an hoŋ ay eg Yerusalem u jivi manda, ziinda hin min ki kolo may, Yawe, ma Saɓakŋa Kom Belna, di na, hin waɗ zewna ha kay Yerusalem.

ZAKARI 1:17

Ɓak boy namma ha ki olo, Yawe, ma Saɓakŋa Kom Belna, di ana, jivira ka kay ɦoŋzi manna tuɗi. Na may Yawe hin heɓ hu Siyon daŋgadla, hin man Yerusalem.»

ZAKARI 12:6

Hu buu namma wanni an hin mbuɗ muli suu Yudana ko ndal kura ŋgali u gunara na, ko ndal dolla muni duk usuna na. Asi hin ci suu keŋesina ki halaŋ halaŋ bik njuf may, bik gulu may. Na may Yerusalem hin li kakira ni hu liiɗ ma dewna.

ZAKARI 14:12

Gola, ni dla co mayra Yawe hin poŋ suu duu u Yerusalemma u ndaɗta. Nam hin cimisi kiyo, na ɗaŋŋi gegelay hin li colira ni kay semu, zozoy irisi hin cim ki hu zuluɗu, sinisi hin cim ki funusiya.

1 TIMOTE 4:12

Hu zoŋ maŋga ni hin sa a ŋguluŋgi, tak taŋ ki a suu vina tli uŋu, u vunuŋ ma ɓak boyna, u poy maŋga, u min maŋga, u viiŋga, u ɗegee maŋga.