ZAKARI 2:13 - Boy Lonana

¹³ Gasi an wanna, an hin tli kon kolo kasiya, a suu mborɓii masisina ɦurumusi ki may, agi hin wi ki gasi ana Yawe, ma Saɓakŋa Kom Belna, sunun ay ni namu.

ZAKARI 2:13 ပူးပေါင်းရင်းမြစ်များ

HABAKUK 2:20

May Yawe ka coli hu ziimba teteɗta, yam ndaŋgara halaŋ seŋ vunuɗ fokomu.

SOFONI 1:7

Seŋegi vunugi fok Bu Suuna Yawe, kay Buu ma vi Yawena mba wa tok. Yawe ka li ɓivunna, nam hin paɗ vunum ki kay suu mamsina.

SOOLLA 68:5

Gagi soolla maŋ Lona, gagi soolla u semu, minigi voɗta Lona tuɗ hura kiyo. Sem ana Yawe, furiyugi fokomu.

SOFONI 3:8

Yawe di ana jiviya, juɓungi haa, juɓungi ha hu buu ma an hin col ay kolo a kaɓakŋana. Saa manda ana an bulum suuna kiyo, tok mulina kay tasiya, cukusi yaanda kasiya, cuk tiitara vi yaandara kasi halaŋ kay ana yam ndaŋgara halaŋ an hin ŋgalaɗ ki u kura.

SOOLLA 78:65

Ko ndal sa ma ay buuri senna na, ko ndal sa ma ay gurɗi u summa na, Bu Suuna dliɗ ki kolo wa.

ROMMA 9:20

Aŋ sa namma ni gege, ma hin ciwayra u Lona? Doy luɓuna hin joɓ malamma minimma ana, «Aŋ lan na ni kay mege na su?»

EZAYI 51:9

Dliɗ kiyo, Yawe, dliɗ ki zak. Dliɗ ki u saɓak maŋŋa. Dliɗ ki ko fok jewra na, hu li ma vi somoyomi suu jak ki jewna, aŋ ci suu Egiptena ki ni ka aŋgi su? Aŋ ci vabak ma hu njaf Rahabma ay ki ni ka aŋgi su?

SOOLLA 46:10

Nam doo duuna ki kay yam mbassa halaŋ, nam kus mbuurura u saɓpa kiyo, nam ŋgal pus pus ma duuna ki lay.

SOOLLA 11:4

Yawe ka hu ziimba teteɗta, dlam mamba mulla ka kolo huulona. Irim ka gol aya, nam ka wi sunda suu warna laɗta halaŋ.

GA 8ATAMBARA 26:15

Gol ha kolo huulona na ni liiŋ ma kak ma teteɗna, suu Israelna gasi ni suu maŋsina, ndaŋgara aŋ ɦamirara ko ndal aŋ di ay ki fok jew maŋ somoyomira na. Mbas mayra law mbiira u mbul yumma.»

ROMMA 3:19

Aygi wi ana dlara gaɗta daɗta dini maŋ suu li uɗna, vun sa ka mal a di boy ma puruɗ tam kiɗi, kay a suuna halaŋ ɓakŋa vi Lona mba tok kasiya.

JEREMI 25:30

Aŋ may ni hin ɓakasi boy ma vi Yawe namma kiyo. Aŋ dasi ana, Ay kolo day ni Yawe hurum mbuɗ ki yara. Ay kolo hu ziim day ni Yawe ka ɓak ay u delemu. Nam mbuɗ ki yara, gasi nam mbuɗ ki yara eg suu mamsina. Nam yi ay kolo u delemba to tlena kira kay suu kay ndaŋgarana halaŋ.

EZAYI 63:15

Ay kolo huulona, hu liiŋ ma teteɗ ma aŋ kaki huna, gol iriŋ aya, gol dlara ka lamira, min maŋga aŋ suɗumi ki u ndaɗta ni arage? Ҥuɗ taŋ ha ki egemi dayɗi.

EZAYI 57:15

An Lo ma ay kolo dayna ma ka din dinna di na. Ma ka miɗina, sem ana ma Teteɗna. An ka kaki ni hu li ma teteɗna. May an ka hu sa ma hurum ki teteɗna, sa ma irim ɗilina kay a ɦal iirira maŋ ŋgus mayra hoŋ yaɗ gara, maŋ suu hurusi ka haɗ ɦayna may.

EZAYI 57:5

Agi ŋgaagi fuli magisina duk gura girmindiŋga u bubura ŋgoo bagiya. Agi ŋgaɗagi goryogi ki fun mbo ŋgolona, u ɦinira lay.

2 DLAŊ MULINARA 30:27

Ŋgoo dagan muli suu li ɓivunna yow kolo paɗ vunusi ki kay suuna. Delesi hum ki duk suuna kal ha ki kolo huu Lona, cen masira tew ha ki huulona, hu liim ma teteɗna.

EZAYI 41:1

Agi suu hu daara, lakagi en humugi haa. Agi suu wanna soogi tagiya fagi saɓakŋa. Ŋgoo dagan agi hin di boyna. Na daŋ may ɦuɗugi tagi aya, agi lay an lay a gaygijaŋ dlara.

GA 8ATAMBARA 18:21

Kala agi hin joɓ tagi ana, «Ami hin wi ni u me ana boy namma Yawe dam ay ka nambi nige?»

GA 8ATAMBARA 18:22

Lini dlara sa ma jok vun Lona daɗ kay sem Yawera ka liɗi, va namma li ka mbaɗi ni ka boy ma Yawe damma aynaɗi, sa ma jok vun Lona di boy namma ni u ŋga tara ɦawaa, ni agi ka li ndaa kay boy nammaɗi.

EZAYI 14:2

Suu daŋŋa ŋgolo hin vasiya, mba tinisi ki hu mbas masira. Kay yam ndaŋgara vi Yawera suu Israelna hin ɓorowoɗ kosiya, suu may suu asi ay varsi ŋgayrana, asi hin cukusi ki fokosi a mborɓii masisina, asi hin mbuɗ a ŋgolora kay suu lasasi ayna.

EZAYI 19:16

Hu buu namma ni suu Egiptena mbuɗ ki ni ko boyogina na, dlak ndaana hu li ma asi wi ko Yawe ka geŋeɗna, ma Saɓakŋa Kom Belna hin col kolo duu u asiya.

SOFONI 2:9

Ni kay ndaɗta Yawe, ma Saɓakŋa Kom Belna, Lona vi Israel suu tam u iiri mamba ana, Moab hin mbuɗ ki ko Sodom na, goryoŋ Amonna ko Gomor na. Asi hin mbuɗ ki ni sene ma wayra, mbuɗ ki ni li ma vuvuna, ndaŋgara bulumuɗ ki a fafaɗtara. Suu mansina usira hinda hin ɦurumusi tlegeyesiya, suu man suu hinna hin kak hu mbas ndaɗta.

ZAKARI 4:9

Zorobabel gi u zi ndaɗta kaŋga u kommi namu, kom hin daɓaɗ sunuɗ ki ni nam lay, agi hin wi ki ana Yawe, ma Saɓakŋa Kom Belna, sunun ay egegi ni namu.

ZAKARI 6:15

Suu ay ki keŋ day dayna hin mbay li sunda hu ziŋ Yawera. Agi hin wi ki ana, Yawe, ma Saɓakŋa Kom Belna, sunun ay egegi ni namu. Dla ndaɗta hin mba li ni agi humugi vun Yawe Loogina.