ZAKARI 2:11 - Boy Lonana

¹¹ Tuɗuygiya, Siyon, pii kiyo, ndak mayra ha ki kaki hu Babilonda.

ZAKARI 2:11 ပူးပေါင်းရင်းမြစ်များ

WIRA ŊGAYRA 11:15

Sa sunda huulona ma kiɗisiyana bu difna, della di ay kolo huulona eŋga ana, «Saɓakŋa a kak mulna kay ndaŋgara cecemi ni maŋ Bu Suuna mayna, u Kristu mamma, nam hin kakŋi a fafatɗa.»

SUNDA 28:28

Pol dasi hu ɗaŋ ana, «Boy ma suɗta vi Lona sunum ay ni maŋ suu ka njaf suu Juifnaɗina, asi hin hum umu.» [

Boy Ma Ayra Ma LUK Ɓiirimma 2:32

Nammi sa hin takaŋ seŋ ki fok suuna buruna. Sem suu maŋ suu Israelna hin tii ki um halaŋ.»

EZAYI 45:14

Yawe di suu Israelna ana, sunda suu Egiptena laɗta, u warak ma vi suu Etiyopina u suu may suu ay hu ɦoŋzi ma Sebana, suu wuli fiyeki cocona, halaŋ ca ni hin mba ki varagiya. Asi hin cuɗugi ugi ni u galina cuki sesiya, asi hin goɓ ga fokogiya, cenegi di ana, Lo ma daŋ ma ko magina na kaɗi, aragelay kaɗi.

Boy Ma Ayra Ma JAŊ Ɓiirimma 17:21

An ceneŋ kay ana asi taɓ dew, a asi taɓi u ay dew ko aŋ ka hurun may, an ka huruŋ mayra na. A asi taɓ dew a suuna wi ana aŋ sunun ay ni aŋu.

MALASI 1:11

Kay ana col ay maɗii day ta ta tew u fiɗigina ni anni ma ŋgolna duk suuna. Hu lina halaŋ li ɓivun ma ŋgal tlena ni u senu, u tlesuu jivi suu ɦasi ayna, kay ana anni ma ŋgolna duk suuna, Yawe, ma Saɓakŋa Kom Belna, di na.

ZAKARI 3:10

Yawe, ma Saɓakŋa Kom Belna, di ana, hu buu namma ni agi hin yagi tagi ay na zeɗ zeɗ u ŋgusu gugutlura, u ŋgusu tulumma.

EZEKIYEL 33:33

Lini dlara aŋ daɗta gijaŋ a lira wa ni, gola ndaɗ hin liya, asi hin wi ki ana gasi daŋ may sa ma jok vun Lona li ha dukusiya.»

JEREMI 16:19

Yawe, saɓak manna u ŋgusu ma kanna, liin ma ŋgayra hu li ma wihawra. Suuna hin mbay ni egeŋu, suu ay keŋ ndaŋgara day dayna hin di ana, va ma somoyomi fam hu ɓorowna na ni dla cora kaboyna. Dlara ganyamba sa ka li sun u ndaɗɗira.

EZAYI 66:19

An hin pi va ma tak kina kolo huwa. An hin sun u suu hin ay hu li ma daŋŋa nde ndena ay huwa, ay eg njaf suu daŋŋa halaŋ halaŋ. Suu Tarsisna, suu Pulna u suu Loudna mbas mayra duu u mburra, suu Tubalna u suu Yavanna u suu ay ki day day suu humun dlan ka dewɗina, suu wan bibiŋil manda ka dewɗi layna, asi hin di ki kay ŋgol manda duk njaf suuna halaŋ.

EZAYI 52:10

Yawe tak kom ma teteɗna ki fok njaf suuna halaŋ. Suuna hu duliyara halaŋ wi ki ana Lona suɗ suu mamsina ki wa.

SOOLLA 72:17

Sem yi ha ni na gak gak, suuna geleɗem sem ha na din din ko ndal faɗta na. Suuna gi deɓpa maŋ tasi u semu, njaf suuna halaŋ di kam ana ma jivi coco ɦayna.

Boy Ma Ayra Ma JAŊ Ɓiirimma 17:25

Bun ma ɗegeena, suuna ka waŋgi. Anu an waŋu. Suu asina wi ana aŋ sunun ay ni aŋu.

Boy Ma Ayra Ma JAŊ Ɓiirimma 17:23

An u asiya, aŋ u an may, a asi li gasi dlaɓi dew a suuna wi ana aŋ sunun ay ni aŋu, aŋ minisi ko aŋ mininda na.

KALKIRA 12:49

Gaɗ ndaɗta ni kay agi suu vona lay, kay koy ma cuki dukugina lay.»

EZAYI 48:16

Ҥuɗugi tagi ay egenu, humugi haa, ay hu gijaŋŋa day an di dla taa ka ki ŋgay gumunɗi. Hu cokira dla ndaɗta lira ni an kaa. Cemi ni Bu Suuna Yawe, sunun ay u Musuk mamba.

MISE 4:2

Njaf suuna bolowo hin gijaŋ tuɗta hin di ana, «Mbaagi aya, ɗiŋiygi kolo kay ɦinira vi Yawera, hu zi ma vi Loŋ Yakobma. Nam hin takaygi voɗ mamba, aygi hin tuɗ hu voɗ mamba. Gasi haɗ ndaɗta col ay ni hu Siyon, boy ma vi Yawena ay hu Yerusalem may.»

ZAKARI 1:16

Kay ndaɗta Yawe ɓak ana, an hoŋ ay eg Yerusalem u jivi manda, ziinda hin min ki kolo may, Yawe, ma Saɓakŋa Kom Belna, di na, hin waɗ zewna ha kay Yerusalem.

ZAKARI 2:5

An tli irin kolo na ni, an wi tlena. Sana u zew ma ŋgara kom viiya.

ZAKARI 8:3

Yawe ɓak ana, An hin hoŋ ay eg Siyon, kak hu ɦoŋzi ma Yerusalemma. Asi hin yi sem Yerusalem ma daŋŋa ana, ɦoŋzi ma ɗegeena, ɦinira vi Yawe, ma Saɓakŋa Kom Belna, ɦinira teteɗta.

ZAKARI 8:8

An hin hoŋosi aya asi hin kak hu Yerusalem. Asi hin li ni suu mansina, an hin li ni Loosina may, hu ɗegeera u jivira.

EZAYI 52:11

Tuɗugiya, tuɗugiya, cukugi kiyo, hinigi li ma njenjena kiyo, lagi tagi ki teteɗ, agi suu zii tlesuu teteɗ suu vi Yawena.

JEREMI 50:8

Liŋigi ki hu Babilon, mbassa vi suu Kaldenara. Selegi ay kiyo, mbuɗugi ki ko ŋgekgi suu tuɗ fok ndarayasina na.