ZAKARI 2:10 - Boy Lonana

¹⁰ Tuɗuygiya, tuɗuygiya, Yawe di ana, coloygi zak hiniygi mbassa mbayawra kiyo. Yawe di ana ni hu keŋ li ma fiɗi ma semeɗna sii hu hulona ma an njayagi ki hurumma.

ZAKARI 2:10 ပူးပေါင်းရင်းမြစ်များ

SOOLLA 40:7

Aŋ ka minni ɓivunna u ɦalla ɦawaraɗi, aŋ ka minni ɓivun ma ŋgal kinaɗi lay. Aŋ tinin humba kan a hum boyna.

SOOLLA 68:18

Lona u pus pus ma kulumi suu duuna bolow ka ndumbi, nam ka mbay hu Sinay, hu Ziiŋ ma Teteɗna.

KALKIRA 29:45

An hin kak duk suu Israelna, An hinni a Loosina.

EZAYI 12:6

Gagi soolla furira agi suu cuki hu Siyonna, kay ma teteɗ ma vi suu Israelna nam ŋgol cocoo, nam ka dukugiya.

EZAYI 35:10

Suu Yawe buɗusi ay kina hin hoŋ aya. Asi hin cuk hu zi ma Siyonna ni u soolla furira. Golosi irisi ni u furira ka daɓ kiɗira. Ayra u furira ŋgafasi aya. Yoora u hahawra yow liŋŋa may.

EZAYI 37:22

gola ni boy ma Yawe damma ay kamma, ndaɗ ka panaŋu, ndaɗ ka san uŋu, gora Yerusalemba. Ndaɗ ka kisik yaɗ ha uŋ dagani.

EZAYI 42:10

Gagi soolla wilira, geleɗ Yawe, geleɗegina ta ta hu vun ndaŋgara dodora. Suu ay kolo kay mbo ŋgolnana u tlesuu duk mbona halaŋ, daara u suu cuki kaɗna halaŋ, geleɗegi Lona.

EZAYI 48:20

Cukugi ay ki duk suu Babilonna, liŋigi ki ko suu Kaldena. Della ka ɓak aya, dasira ha ki u furira, jokogi boy namma ha ki kay yam mbassa halaŋ, dagi ana, «Yawe buɗ zoŋ mamma Yakob ay ki wa.»

EZAYI 51:11

Suu Yawe buɗusi ay kina hin hoŋ aya, asi hin mba cuk hu Siyon u soolla furira. Furira ka daɓ kiɗira hin li kasi na din din. Ayra u furira ɦuɗ tasi ay egesiya. Yoora u zamba yow liŋŋa may.

EZAYI 52:11

Tuɗugiya, tuɗugiya, cukugi kiyo, hinigi li ma njenjena kiyo, lagi tagi ki teteɗ, agi suu zii tlesuu teteɗ suu vi Yawena.

EZAYI 54:1

Yerusalem aŋ sa ma goo ka koŋ oloɗina furiya, aŋ sa ma vuɗ goo ka dewɗina, cemi ni aŋ oo uŋ kolo u sawalla furira. Kay Yawe daŋ ana, aŋŋi ko ca mayra njufuɗ noyoɗ kira na, cemi ni goo ka koŋgi, mbuɗ ni cara njufuɗ miniɗ coco ɦayra.

EZAYI 61:10

Yerusalem ŋga Lona di ana, an furi cocoo, furi coco ni kay Yawe, iri manda furi coco kay Loonna, kay nam cukun baraw ma suɗta egenu, nam kalan hu baraw ŋgol ma kaɓakŋa, ko ndal goora min taɗ a hal njufna, ɗowba mul ma li ɓivunna tin jumba jivira kamba na, ko goora hal a i njufna min taɗ ki jivira na.

EZAYI 66:14

Agi hin wi na ni hurugi hin furi cocoo, sokogi hin mbuɗ eŋ coco ko usu ŋgolomma ɗuffa na. Yawe hin tak kom ii suu sunumma. Tak yaamba maŋ suu babali mamsina may.

JEREMI 30:19

Suuna hin gi deɓpa ŋgol cocoo, vun sunna hin soo a li luuna. An hin mbuɗusi ki bolowo, asi hin ka hoŋ ki kaŋga oloɗi. An ɦasi saɓakŋa wa.

JEREMI 31:12

Asi ka mbaya. Asi ka gi soolla furira ay kolo kay ɦinira Siyonda. Asi ka sulul ay kay tlesuu jivi suu vi Yawena, kay wana, kay sum veŋŋa, kay mbul ma heɓma, kay yoori suu gorina u suu ŋgolona. Asi hoŋ ki dliɗta ko sene ma mbaɗagira gamma na. Asi hin ka loɓ ki oloɗi.

JEREMI 33:11

della yi kolo u furira, luu ma jivina lay, gi soolla u furira ko ndal suu ɗum tasi wilina na lay, ko ndal suu mbay u ɓivunna u furira hu Ziŋ Yawera di ana, «Ŋgaagi Yawe ma Saɓakŋa Kom Belna kay ana nam jiviya, ɗegee mamba ni a fafaɗta.» Gasi an hin hoŋ mbas ndaɗta kolo balamaɗu. Ndaɗ hin hoŋŋi hu balamaɗ ma jewna. Yawe di na.

EZEKIYEL 37:27

Liin ma kakŋa hin li ni dukusiya. An hin li ni a Loosina. Asi hin li ni a suu mansina may.

EZEKIYEL 48:35

Fiyek gulumun ma ŋguy kay ɦoŋzinana li halaŋŋi meter buɓ buɓ dleeŋe. «Sem ɦoŋzi namma asi yam ana Yawe Samma ni ana Yawe ka tani.»

DLAŊ LEVIRA 26:12

An hin tuɗ ni u agiya, anni a Loogina, agi ni a suu mansina may.

SOFONI 3:17

Yawe, Lookŋa, ka vo varaku, u saɓak mamma, a su kay suunara. Nam furi cocora ni kaku, u min mamba nam holoŋok kolo ki wiliya. Nam luu njoŋŋa furi coco ni kaku.»

ZAKARI 1:16

Kay ndaɗta Yawe ɓak ana, an hoŋ ay eg Yerusalem u jivi manda, ziinda hin min ki kolo may, Yawe, ma Saɓakŋa Kom Belna, di na, hin waɗ zewna ha kay Yerusalem.

ZAKARI 14:5

Agi hin pii ki hu ɦuɗugum ndaɗta, kay ana ɦuɗugum ɦinira hin tew ha ki hu Azal. Agi hin pii ko agi pii ki hu cokira ndaŋgara dlak hu li ma Oziyas a mulna hu Yudara na. Olo, Yawe, Loonna, hin mbay u suu mam suu teteɗna umu.

ZAKARI 2:11

Tuɗuygiya, Siyon, pii kiyo, ndak mayra ha ki kaki hu Babilonda.

ZAKARI 2:5

An tli irin kolo na ni, an wi tlena. Sana u zew ma ŋgara kom viiya.

ZAKARI 8:3

Yawe ɓak ana, An hin hoŋ ay eg Siyon, kak hu ɦoŋzi ma Yerusalemma. Asi hin yi sem Yerusalem ma daŋŋa ana, ɦoŋzi ma ɗegeena, ɦinira vi Yawe, ma Saɓakŋa Kom Belna, ɦinira teteɗta.

ZAKARI 9:9

Li furira, goora vi Siyon. Yi ha kolo u delek eŋga, goora vi Yerusalem. Gola mul makŋa ka tuɗ vo varaku. Nam ɗegee, saɓak lay, lamlam, fuli kay korra, kay goo korra.

MALASI 3:1

Gologiya, an sun saan ma vun sunda ha wa. Nam hin minin huu voɗta ha ki fokonu. Toŋgo zak gaw ni nam hin kal hu ziimba, malaŋ haɗta ma agi halamma, sa sunda ma banara ma minimma, gologiya, nam ka mbaya, Yawe, ma saɓakŋa kom belna, di na.

MATIYE 28:20

Haɗasi a asi vi vun gaɗta an gaɗagirara halaŋ may. Wi kagi ana, an ka u agi gak gak ndaŋgara tuɗ daɓ ki u ndaɗta.»

Boy Ma Ayra Ma JAŊ Ɓiirimma 1:14

Boyna mbuɗ ki sana, kak dukuygiya, nam ka u oora u gasira coco may. Nammi goo ma dew ma ami wam bibiŋil mamba col ay vi Bumba.

Boy Ma Ayra Ma JAŊ Ɓiirimma 14:23

Yesu hoŋom dira ana, «Sa ma mininna, hum u boy ma an damma, Bun hin minimu, Bun may an may, ami mba lak hurumu.

GA 8ATAMBARA 28:64

Yawe Loogina hin njayagi ki kay yam mbassa halaŋ, hu li namma agi hin sunni loogi suu ɦawa suu somoyogi lay agi tagira lay ka wasiɗi, gugunina u ɦinira ceɗira.

FILIPINA 4:4

Furiyugi hu Bu Suuna na gak gak an di olo furiyugiya.

WIRA ŊGAYRA 2:1

Ɓii magaara maŋ sa sunda huulona vi suu vi Kristuna hu Efes. Humugi boy ma sa ma vi ciciwra kom ma njufna kiɗisiyana damma, ma tuɗ duk va ma gaɓ lamba kamma kiɗisiya ma mini u lorra.

WIRA ŊGAYRA 21:3

An hum della di ay kay dlamba mulla eŋga ana, «Cecemi li kakŋa vi Lona ka duk suuna, nam hin kak u asiya, asi hin lini suu mamsina may, Lona tamba hin lini a Loosina, asi hin li a suu mamsina may.