ZAKARI 14:9 - Boy Lonana

⁹ Na ɗaŋŋi Yawe hin tak tam ki a mul ma kay ndaŋgara halaŋŋa. Hu buu namma wanni Yawe li ni dew, sem dew may.

ZAKARI 14:9 ပူးပေါင်းရင်းမြစ်များ

WIRA ŊGAYRA 11:15

Sa sunda huulona ma kiɗisiyana bu difna, della di ay kolo huulona eŋga ana, «Saɓakŋa a kak mulna kay ndaŋgara cecemi ni maŋ Bu Suuna mayna, u Kristu mamma, nam hin kakŋi a fafatɗa.»

DANYEL 7:27

Kay mulla, saɓakŋa u ŋgolla vi muli suu kaŋga u huulona halaŋŋa ɦasi ki maŋ suu teteɗna vi Lo ma Kolo Dayna, mul mamba ni mulla didinda. Saɓakŋa halaŋ hin sunum may hin hum um may.»

SOFONI 3:9

«Na ɗaŋŋi an hin mbuɗ vun suuna ki teteɗ a asi halaŋ yi sem Yawe, a asi sunum u saɓakasi ma dewna.

GA 8ATAMBARA 6:4

Humugi haa agi suu Israelna, Yawe Looygina ni Yawe, nam dew daŋ.

SOOLLA 72:17

Sem yi ha ni na gak gak, suuna geleɗem sem ha na din din ko ndal faɗta na. Suuna gi deɓpa maŋ tasi u semu, njaf suuna halaŋ di kam ana ma jivi coco ɦayna.

MATIYE 1:23

«Goowayra hin vi wiina, ndaɗ hin vuɗ goona, tinim sem ana Emmanuel,» (ni ana Lona ka u aygiya).

JEREMI 23:6

Hu coki mamba ni Yuda ki suɗiya. Israel kak u heɓpa. Gola ni sem ma asi hinimma kamma, «Yawe ni ɗegee maygira.»

EZAYI 54:5

Kay sa ma mbuɗ tam a njufukŋa sem ana Yawe, ma Saɓakŋa Kom Belna, ma Teteɗ ma vi suu Israelna, ni sa ma buɗuŋ ay kina. Yam ana, Lo ma kay ndaŋgara belna.

SOOLLA 86:9

Njaf suu aŋ lasina halaŋ hin mba goɓ ga fokoŋu, Bu Suuna, hin a seŋ fi bibiŋilla fok suuna.

MATIYE 28:19

Tuɗugi ha duk njaf suu kay ndaŋgarana halaŋ, mbuɗusi ki suu mansina. Mbususi batemma u sem Buna, Goromma, Musuk Lonara may.

SOOLLA 67:4

Ko suuna halaŋ gaŋ deɓpa, Lona! Ko asi halaŋ gaŋ deɓpa ko tasi dew!

AMOS 9:12

A asi fi suu Edom suu hinna lay, li ma suuna humun sen ki hurumma halaŋ. Yawe di na. Hin a li dla ndaɗta ni namu.

1 SAMUEL 2:10

Yawe, suu babali mamsina hin miɗ kiyo. Ay kolo huulona day ni nam hin ŋgoɓosiya. Yawe hin kaɓakŋa kay ndaŋgara halaŋ. Nam hin ɦal saɓakŋa maŋ mul mamma. Nam hin tli yam saam ma suɗta koloo.»

URA TIN AYRA 49:10

Tokolora mulla hin li ni ko Yuda, ndaɗ hin li coli ni fokom gak gak malaɗna hin mba faɗu. Nammi sa ma suuna hin hum umma.

MISE 5:4

Nam kay tamba hin li ni a heɓpa. Hu li ma Asiri suu kay mbas maygira, hin tooygi ziygi kiyo, aygi hin sunuygi suu taa yoona kiɗisiya kamu, mulina kalavandi may.

EZAYI 45:21

Dagi boy namma ha ki maŋ suuna, vasi u dla ndaɗta kiyo, lagi tokka ko tagi dew. Sa ma tak dlara li wanda ay ki fok jewna ni gege? Ni ka Anɗi su? Yaweɗi su? Lini anɗi ni lo ma daŋ kaɗi, anni Lo ma ɗegeena, Lo ma suɗ suuna. Lo ma daŋ kaɗi, ni an dew daŋ.

ABDIYAS 1:21

Suu saɓakŋa ɗiŋ kolo kay ɦinira Siyonda a ti mulla kay ɦinira vi Edomba. Yawe hin vam a mulna.

HABAKUK 2:14

Kay ana saɓak ma vi Yawena hin oy ki kay yam mbassa ko ndal yona oy ki hu lum ma ŋgolna na.

ZAKARI 9:9

Li furira, goora vi Siyon. Yi ha kolo u delek eŋga, goora vi Yerusalem. Gola mul makŋa ka tuɗ vo varaku. Nam ɗegee, saɓak lay, lamlam, fuli kay korra, kay goo korra.

MALASI 1:14

Cora ka kay sa ɦulla, ma yoo ma njufna ka kom hu katlaŋ mamba, ɦal ɦalla ɦawara hin li ɓivunna maŋ Bu Suuna u yoo ma sunum kaɗina. Kay anni Mul ma Ŋgolna Yawe, ma Saɓakŋa Kom Belna, di na. Suuna halaŋ li ndaana ko senu.

SOOLLA 97:1

Yawe ni mulna. Ko suu kay ndaŋgarana halaŋ geleɗemu, mbo lumma lay furiya.