ZAKARI 14:8 - Boy Lonana

⁸ Hu buu namma ni mbo ma heɓma hin baɗ hu Yerusalem, keŋ ɦiw tuɗ hu mbo lum ma ŋgolna maɗiina, keŋ ɦiw tuɗ hu mbo lum ma ŋgolna fiɗigina may. Hin li ko ndaɗta na hu til faɗta lay, hu ndolla lay.

ZAKARI 14:8 ပူးပေါင်းရင်းမြစ်များ

SOOLLA VI SALOMON 4:15

Ndakŋi mbo ma ka yorok hu senena na, ni goloŋga ɓaɗ mbona ta col ay hu Libanda.

EZAYI 35:7

Mbas mayra ŋgetlna mbuɗ ki li ma lokka. Ҥoŋzi ma mbo li ka huɗina, goloŋga mbiira hin mbuɗ huwa. Li ma gi bayakka buu huna hin mbuɗ ki li ma cerewna u usu ma yam ana papirusna day ki huwa.

EZAYI 49:10

Suu asina may ka casi oloɗi, laa ka lasiɗi lay. Sa ka poŋosi oloɗi. Faɗ ka ŋgalasi sesi oloɗi lay kay sa ma hurum haɗ kay suuna cocona ka taarasi ni namu, nam tuɗusi ni fun mbo ma jivina asi ci kay laa masira.

EZAYI 58:11

Lini ki ŋgoo bagi duk gura lay, Yawe ni sa ma goloŋŋa, nam hin hoɓoŋ hayaŋu, ɦaŋ saɓakŋa. Aŋ hin mbuɗ ni ko sene ma malamma yorokom mbona um tew tewna na. Ni ko goloŋga mbii coco ta ka soɗira na.

JOEL 2:20

Sa ma col ay mbayawna an ɦuɗum ha ki egegi na day. An dikim ha ki hu fulla kay ndaŋgara sooyra. Sa fokom a golomma ha ki hu mbo lumma ŋgolna u maɗiina. Sa ŋgorom a golomma ha ki hu mbo lumma ŋgolna u fiɗigina. Hisna hin cola, lina hin mbuɗ ki hissa. Gasi nam li tlesuu ŋgolona ni namu.»

MISE 4:2

Njaf suuna bolowo hin gijaŋ tuɗta hin di ana, «Mbaagi aya, ɗiŋiygi kolo kay ɦinira vi Yawera, hu zi ma vi Loŋ Yakobma. Nam hin takaygi voɗ mamba, aygi hin tuɗ hu voɗ mamba. Gasi haɗ ndaɗta col ay ni hu Siyon, boy ma vi Yawena ay hu Yerusalem may.»

ZAKARI 14:4

Hu buu namma nam hin col sem kay ɦinira Conora mayra vok taɗ u Yerusalem u maɗiinara. Ҥinira Conora hin wak ki duk ay u maɗiina ta ta fiɗigina, mbuɗ ki ɦuɗugum ŋgolla. Keŋ ɦinira maa dew hin ɦuɗ ha ki dali may, koɗ ma hiŋŋa hin ɦuɗ ha ki mbayaw may.

Boy Ma Ayra Ma LUK Ɓiirimma 24:47

Suuna hin njaɗam sem ha ki hu mbassa halaŋ gijaŋŋa ha Yerusalem kay a di suuna asi jok hurusi ki zeɗ, daɓ coosira kiyo.

Boy Ma Ayra Ma JAŊ Ɓiirimma 4:10

Yesu hoŋoɗ dira ana, «Lini ndak wi tlesuu Lona ɦasina ni, ndak wi sa joɓok yo ma cira may ni, ndak a joɓ yona ko sa namma ni ndak ɗow. Nam hin ɦak yo ma iirina.»

Boy Ma Ayra Ma JAŊ Ɓiirimma 4:14

Sa ma ci yo ma an ɦammana, laara ka cam oloɗi, yo namma hin egemmi a iirira ka daɓ kiɗira.»

Boy Ma Ayra Ma JAŊ Ɓiirimma 5:4

Sa sunda huulona mba gi tam duk yona zalam irim koloo. Yona seŋ zala wa ni, sa tuguɗi ma gi tam fok jewesina lini tuguɗi mege lay ni hinim kiyo.]

Boy Ma Ayra Ma JAŊ Ɓiirimma 7:38

Sa tin hurum kanna mbo lum ma iirira na hin ɓaɗ hurum kurufu ko magaara dira na.»

WIRA ŊGAYRA 22:17

Musuk Lonara u Cara vi Goo Timiina di ana, «Mbaya.» Sa ma hum boy ma namma di ana, «Mbaya,» na may. Sa ma laara camma nam mbaya, sa ma min yo law iirirana nam fam ɦawaa.