ZAKARI 14:4 - Boy Lonana

⁴ Hu buu namma nam hin col sem kay ɦinira Conora mayra vok taɗ u Yerusalem u maɗiinara. Ҥinira Conora hin wak ki duk ay u maɗiina ta ta fiɗigina, mbuɗ ki ɦuɗugum ŋgolla. Keŋ ɦinira maa dew hin ɦuɗ ha ki dali may, koɗ ma hiŋŋa hin ɦuɗ ha ki mbayaw may.

ZAKARI 14:4 ပူးပေါင်းရင်းမြစ်များ

EZEKIYEL 11:23

Bibiŋilla vi Yawera hin ɦoŋzina ka kiyo, tuɗ ha ki kay yam ɦinira coli u maɗiinara na.

ZAKARI 14:10

Mbassa halaŋ hin mbuɗ ki senena, col ha kay Gueba ta ta tew hu Rimmon keŋ Yerusalem mbayawna. Ndaɗ hin mbuɗ ki kolo ŋgolla, eg liiɗu, col ha vun grek ma vi Benjaminna ta ta tew ha ki hu li ma vun grek ma basina ta ta tew ha ki hu vun grek ma keŋŋa, col ay eg gulumun ma vi Hananeelna ta ta tew ha ki hu li ma em tlena vi mulna na.

ZAKARI 14:7

Buu namma hin li ni dew, Yawe wamu. Faalira hin ka liɗi lay. Njeŋgera hin ka liɗi lay. May lina tew fiɗigi wa ni kiɗikka hin weleɗa.

ZAKARI 4:7

Ndak li ay jew ni mege, ndak ɦinira ŋgolla? Fok Zorobabel ndak mbuɗ ki ni lii mbassa, ni hu li namma tli ɦinira ŋgolla ay ki u yira yi kolo kaɗ u saɓakam kaɗta.

HABAKUK 3:6

Nam cola, nam ŋga bubu ndaŋgara. Nam gol irim na ni suuna mbuɗ ndaana. Ҥini mayra didinda wak kiyo, ɦini mayra dadayra law ki lay. Li namma ni voɗomba dadayra.

EZEKIYEL 43:2

An wiya ni bibiŋilla vi Lo ma vi suu Israelna col ay u maɗiina na, vunna soo ay ko ndal mbo ŋgolna a soora na. Yam ndaŋgara halaŋ ɗi ki haɓpa na kew kew u bibiŋil mamba.

MARK 11:23

agi ndak a di ɦinira wanda ana, Gi tak ha ki duk mbo ŋgolna. Lini hurugi ka mbambaɗi ni, tin hurugi wa ana dla ndaɗta hin liya ni, ndaɗ hin li gasi may.

EZEKIYEL 38:20

Kuluf ma ga duk mbonana, layagi suu pii kolona, halaŋ hin dlak ndaana fokonu u mbuuri suu ŋgoo bagina u tlesuu ɦaram kaŋga kay ndaŋgarana halaŋ. Suu war suu ka kolo kay ndaŋgarna lay, ɦinira ŋgolora hin cukki kaŋgaa, zul ɦinira hin bow ki lay. Gulumun ma ŋguy kay ɦoŋzinana halaŋ hin bow ki kaŋgaa.

ZAKARI 14:8

Hu buu namma ni mbo ma heɓma hin baɗ hu Yerusalem, keŋ ɦiw tuɗ hu mbo lum ma ŋgolna maɗiina, keŋ ɦiw tuɗ hu mbo lum ma ŋgolna fiɗigina may. Hin li ko ndaɗta na hu til faɗta lay, hu ndolla lay.

2 SAMUEL 15:30

David ɗiŋ ha ni hu li ma mbuy ma ɦinira conora. Nam ɗiŋ ha u tiina. Nam dluɓ yam ki u barawna. Nam tuɗ ni sem siiliya. Suu tuɗ um a tinimma halaŋ dluɓ yasi kiyo. Asi ɗiŋa, ɗiŋ ha u tiina.