ZAKARI 14:16 - Boy Lonana

¹⁶ Na ɗaŋŋi suu may suu hin iiri duu u Yerusalemma hin yow ay kolo basara tew tew a goɓ kaŋga fok mulna, Yawe, ma Saɓakŋa Kom Belna, a hin li luu ma vi mbutluɓmana.

ZAKARI 14:16 ပူးပေါင်းရင်းမြစ်များ

EZAYI 66:23

Hu buu maragelay luuna hin li ha ni na gak gak, buu ma vi Lonna ha ni na gak gak koɗ tara mba wa kay suu goɓonna hu Yerusalem. Di ni Yawe u tamba.

WIRA ŊGAYRA 19:16

Sem ma ɓiiri kay baraw mamma u gayam kaŋgana ko fok wanda na, Mulna vi mulina, Bu Suuna vi Bu Suuna.

WIRA ŊGAYRA 11:13

Hu li namma na ni ndaŋgara wii na gizik gizik, keŋ ɦoŋzi ŋgol ma doogona bow ki kaŋga kirip! Suuna bup bup kiɗisiya wiira vi ndaŋga ndaɗta casi kiyo. Suu daŋ suu hin iirina mbuɗ ndaana cocoo, asi geleɗ Lona ma kolona.

ROMMA 11:26

Ni dla mayra suu Israelna halaŋ hin mba fi suɗtara, kay magaara di ana, «Sa ma hin buɗ suuna kina hin mbay ni hu Siyon nam hin yow dla cora kay suu hu njafna vi Yakobma ki halaŋ.

ROMMA 11:16

Lini fu ma sana bulukum kom jew a ɦal maŋ Lona ni, umba hinda ni mam lay, lini sok guna ɦam maŋ Lona wa gorgor kommi mam lay.

ROMMA 11:5

Suu Lona manasi ay ki u jivi mamba ka cecemi na nde daŋ.

SUNDA 15:17

Kay suu daŋŋa halaŋ mba hal Bu Suuna, u njaf suuna halaŋ suu an yasi a mansina na.

Boy Ma Ayra Ma JAŊ Ɓiirimma 7:2

Luu ma mbutluɓma vi suu Juifna ndak ndakŋi,

Boy Ma Ayra Ma JAŊ Ɓiirimma 1:49

Natanael dam ana, «Mala Haɗta, aŋŋi Goŋ Lonna, Mulna vi suu Israelna.»

Boy Ma Ayra Ma LUK Ɓiirimma 19:38

Asi di ana, «Lona paɗ vunuŋ ki kay mul ma mba u sem Bu Suuna. Heɓpa huulona, geleɗta maŋ Lo ma kolona.»

MALASI 1:14

Cora ka kay sa ɦulla, ma yoo ma njufna ka kom hu katlaŋ mamba, ɦal ɦalla ɦawara hin li ɓivunna maŋ Bu Suuna u yoo ma sunum kaɗina. Kay anni Mul ma Ŋgolna Yawe, ma Saɓakŋa Kom Belna, di na. Suuna halaŋ li ndaana ko senu.

ZAKARI 9:7

An hin kuɗuɗ busuna ki funuɗu, hin paɗaɗ tlesuu njenjena ki u siiɗ may. Na ɗaŋŋi ndaɗ ni ko va ma um hinna na, hin hin ki maŋ Looygina. Nam hin fi liim duk njaf suu Yudana, Ekron hin li duk suu Jebusna ko ndaɗta na may.

Magaara Vi Sa Jok Vun Lona OZE 12:9

Efrayim di ana, «An mbuɗ ni tan bege ɦawaa, an taa kolo egenni begera, sunda an laɗta halaŋŋi sa kafan boy co ma suluk egenɗi.»

JEREMI 51:57

An guruɗuɗ suu ŋgolo maɗ suu sunda u suu maɗ suu wi yalna, komanda maɗsina u muli maɗsina u suu maɗ suu saɓakŋa kiyo. Asi hin buu ni sen ma daɓ dukgina. Asi hin ka dliɗ ki kolo oloɗi, Mul ma sem ana Yawe, ma Saɓakŋa Kom Belna, di na.

JEREMI 48:15

Sa li dla cora eg Moabma col ay duuna hu ɦoŋziiɗna wa. Gorzoŋŋi maɗ suu jivi ɦayna tuɗusi ha ki hu li ma ŋgaɗta, di boy namma ni Mul, ma sem ana Yawe, ma Saɓakŋa kom Belna.

JEREMI 46:18

An ka iiriya, mul ma sem ana Yawe ma Saɓakŋa kom Belna. Ko ndal ɦinira yaɗ ana Tabora duk ɦinira na, ko ndal Karmel duk mbo lum ma ŋgolnara na an hin mbaya.

EZAYI 6:5

An ɓak tan ana, «Hahawra ni kanu, an ba ki wa, kay anni sa war ma vunum njenjena, an kaki ni duk suu vunusi njenjena may, irin wi mulna, Yawe, ma Saɓakŋa Kom Belna.»

EZDRAS 3:4

Olo, asi hin li luu mbutluɓma ko ndal ki ɓiirira na, li ɓivunna hu buuna tew tew daɓ buu ma ŋgaam ki u gaɗtana ki u ndaɗta.

2 DLAŊ MULINARA 8:13

Ko ndal gaɗta vi Moiz dira na hu buu ma daŋŋa ki zeɗ ma nam ka li ɓivunnana, nam li ɓivunna hu buu ma vi Lonna, hu buuma jewna hu tilna tew tew, hu buuma luu ŋgolo ma lam hindi hu basarana may. Luu ma fu ma bay kuffa, luu ma buuma dok-vadlna u luu ma vun mbutluɓma.

SOOLLA 66:4

Ndaŋgara halaŋ goɓ ga fokoŋu, ndaɗ ka gi soolla ni u seŋu.»

EZAYI 18:7

Hu buu namma ni suuna hin ɦal tlena maŋ Yawe, ma Saɓakŋa Kom Belna. Suu may suu wuli fiyeki cocona u suu tasi weleɗ ɦayna, ni suu may suu suuna hu duliyara halaŋ ka lasi ndaarasina, njaf suu saɓakaŋa suu ka las ndarayasinana, suu mbo lumma ɓorowosi irisi kina. Asi hin mbaa tle asina ay ni hu li ma Yawe ka kaki huna, ni kay yam ɦinira Siyonda.

EZAYI 19:21

Yawe hin tak tam ki ii suu Egiptena, suu Egiptena hin wi Yawe ki hu buu namma may. Asi hin sunum u ɓivun ma ŋgaɗ tlena u ɦalla ɦal tlenara lay. Asi suu tasi kay dlara fok Yawe, hin li dla ndaɗta ki lay.

EZAYI 27:13

Hu buu namma ni tokolom ma ŋgolna hin buwa. Suu may suu ay ki viɗi hu mbassa Asirira hin mbay kiyo u suu may suu ɗikisi ay ki hu mbassa Egiptera lay. Asi hin mba goɓ ga fok Yawe, kay ɦini mayra teteɗta hu Yerusalem.

MISE 4:2

Njaf suuna bolowo hin gijaŋ tuɗta hin di ana, «Mbaagi aya, ɗiŋiygi kolo kay ɦinira vi Yawera, hu zi ma vi Loŋ Yakobma. Nam hin takaygi voɗ mamba, aygi hin tuɗ hu voɗ mamba. Gasi haɗ ndaɗta col ay ni hu Siyon, boy ma vi Yawena ay hu Yerusalem may.»

ZAKARI 14:9

Na ɗaŋŋi Yawe hin tak tam ki a mul ma kay ndaŋgara halaŋŋa. Hu buu namma wanni Yawe li ni dew, sem dew may.