ZAKARI 14:10 - Boy Lonana

¹⁰ Mbassa halaŋ hin mbuɗ ki senena, col ha kay Gueba ta ta tew hu Rimmon keŋ Yerusalem mbayawna. Ndaɗ hin mbuɗ ki kolo ŋgolla, eg liiɗu, col ha vun grek ma vi Benjaminna ta ta tew ha ki hu li ma vun grek ma basina ta ta tew ha ki hu vun grek ma keŋŋa, col ay eg gulumun ma vi Hananeelna ta ta tew ha ki hu li ma em tlena vi mulna na.

ZAKARI 14:10 ပူးပေါင်းရင်းမြစ်များ

ZAKARI 12:6

Hu buu namma wanni an hin mbuɗ muli suu Yudana ko ndal kura ŋgali u gunara na, ko ndal dolla muni duk usuna na. Asi hin ci suu keŋesina ki halaŋ halaŋ bik njuf may, bik gulu may. Na may Yerusalem hin li kakira ni hu liiɗ ma dewna.

JOSUWE 15:32

Levaot, Silehim, Ain, Rimmon, ɦoŋzi ŋgolona halaŋ dok mba yam dleeŋe u ɦoŋzi ma gorina um ga hu olo.

JEREMI 37:13

Nam tew fun ziŋ Benjaminna may ni ŋgaf sa ŋgol ma asgaana yam ana Iriya, ma goŋ Selemiyana, goŋ Hananiyana. Sa namma vi Jeremi dam ana, «Aŋ tuɗ ndi ni duk suu Kaldena.»

JEREMI 30:18

Na ɗaŋŋi Yawe ɓak anaba, an hin hoŋ mbutluɓma vi Yakobma kolo balamamu. An hin wi hahaw suu hu ɦoŋzi nammana. Ҥoŋzi managelay ni minim ki kolo kay ɦini mamba. Zira jivi taragelay hin fi liiɗ ma jewna.

1 MULINA 15:22

Mulna Aza tok suu Yudana halaŋ hin sa ka ki dewɗi. Asi tuɗ yow ɦinira u gu ma Beasa cukum ha hu Rama a soosi usina. Mulna cuk tle asina ki hu Geba ta vi Benjaminda a soosi usira may. Hu Mispa may ko ndal mulna Aza dira na.

ZAKARI 2:4

An joɓ ɗaŋŋi ana, «Suu asina mbay a li ni mege?» Nam hoŋon dira ana, «Mekka ni mek mayra njay suu Yudana ki sa dew lay ka tli yam koloɗira. Suu dli caffa mba ni kay a mbuɗusi ndaanara, a kus mek suu asina kira, suu yow mekesi kolo kasi kay mbassa Yudara a njayaɗ kira.»

JEREMI 38:7

Ebed-Melek ma Kusna, sa ŋgol ma hu taraŋga vi mulnana hum ana asi vi Jeremi gam kaŋga hu zulla hu li ma mulna ha ki kaki fun ziŋ Benjaminda.

NEHEMI 3:1

Eliyasib, mul ŋgol ma li ɓivunna col kolo ko tam u gorsem muli suu li ɓivunna. Asi hin min vun grek ma Timigiinana. Asi paɗ vunusi ki kam hin ɓalam cogoromma funumu, ta ta tew ki eg zira fiyekka Kisnara olo. Asi paɗ vunusi ki kay gulumunna ta ta tew ha ki eg zira fiyekka vi Hananella.

SUU KAƁAKŊA 20:47

Na lay ni suu kis kis karkiya suu pii tin irisi u ɦinira Rimmonda nana hin suɗa. Asi lak u ɦini ta Rimmon ndaɗta gak gak tilna fiɗi.

SUU KAƁAKŊA 20:45

Suu vi Benjamin suu daŋŋa pii irisi ŋgoo bagi hu fulla a tuɗ hu Rimmon na. Dukusi ni suu ta buɓ buɓ vadl ni casi ki duk hu voɗta. Asi dik u suuna hinna gak gak tew hu Gidom, ci suu ki hu buɓ buɓ doogo olo.

AMOS 9:11

Hu buu namma ni an hin tli yam zira vi Davidta bowira kiyo, an hin miniɗ iriɗ ma bow kina lay. Min tlesuu ɓeŋ kina lay, an hin hoŋoɗ minda ko ndal ndaɗ ay jewra na.

EZAYI 10:29

Asi jak ŋguyra, asi tuɗ buu hu Geba, suu hu Ramana mbuɗ dlak ndaana cocoo, suu Gibea hu zi ma vi Solna yow ŋgayra gaw.

EZAYI 2:2

Buu maa hin mbaa ni ɦinira hu ziŋ Yawera hin mbuɗ fiyek a su ɦinira daŋga halaŋ, ndaɗ hin kak a ŋgolla kay ɦinira daŋga bel bel. Njaf suu daŋŋa halaŋ hin taɓ ay ki uɗu.

NEHEMI 12:39

Kolo kay vun grek ma vi Efrayimma, kay vun grek ma Basina, kay vun grek ma Kulufna, kay zira fiyekka vi Hananella, kay zira fiyekka vi suu Kisnara ta ta tew ki vun Grek ma Timigiinara. Ami col ki hu vun grek ma suuna kak hu a gol u zinana.

2 DLAŊ MULINARA 25:23

Joas, mul ma Israelna, ay hu Bet-Semes ni vi Amasiyas, mul ma Yudana, daŋgayna ni goŋ Joasna, goŋ ŋgolo ma vi Akaziyasna. Nam mbaaram ay vo hu Yerusalem. Nam to gulumun ma gi kay ɦoŋzi ma ŋgolnana ki gaa, fiyekem tew va ma meter kis kis mba' duk ɦoŋ vun grek ma Efrayimma u vun ma duk gayrana.

1 DLAŊ MULINARA 4:32

U ɦoŋzi ma gorina, Etam, Ain, Rimmon, Token, Azan ɦoŋzi ma vadlna

SUU KAƁAKŊA 21:13

Suu taɓi suu Israelna cuk suu vun sunda eg goryoŋ Benjaminna suu ha ki ŋgay u ɦinira Rimmonna. Asi tuɗ dasi ana, «Cemi ni dla ka duk taygi oloɗi.»

JOSUWE 21:17

Hu mbassa vi Benjaminda ɦasi ɦoŋzi ŋgolona hu fiɗi, Gabaon, Geba,

2 MULINA 14:13

Joas, mul ma Israelna, vi Amasiya, mul ma Yudana, goŋ Joasna goŋgolo Ahaziyasna daŋgayna. Nam jak hu Yerusalem hawaɗ gulumunna ki kaŋgaa, fiyek li ma nam toom kina li va ma meter kis kis mba' duk ɦoŋ vun gerek ma Efrayimma u vun gerek ma do ay keŋŋa.

JEREMI 20:2

Na ɗaŋŋi Pasehur vi sa jok vun Lona, Jeremi, njunum ki eg guna fun grek ma vi Benjamin ma ŋgolna, ma hu vun Zira vi Yawera.

2 DLAŊ MULINARA 26:9

Nam min zi ma saɓakŋa vo hu Yerusalem, kolo kay vun grek ma duk gayrana, tuɗ ki hu vun grek ma i ki hu ɦuɗugumbana. Ni hu li ma gulumunna tli ha huna na.

MISE 4:1

Hu fokka lina hin mbaa, ɦinira vi Yawera hin li ki tinira kolo kay ndarayaɗna, ndaɗ hin ti mulla kasiya. Njaf suuna hin hoŋ irisi ha kolo kaɗu.

ZAKARI 8:3

Yawe ɓak ana, An hin hoŋ ay eg Siyon, kak hu ɦoŋzi ma Yerusalemma. Asi hin yi sem Yerusalem ma daŋŋa ana, ɦoŋzi ma ɗegeena, ɦinira vi Yawe, ma Saɓakŋa Kom Belna, ɦinira teteɗta.