ZAKARI 13:2 - Boy Lonana

² Yawe, ma Saɓakŋa Kom Belna, di ana, hu buu namma ni dlara hin liya. An hin bulum sem fulina ki hu mbassa. Sa hin ka ɓak kasi oloɗi. An hin bulum suu jok vun Lona suu cona ki hu mbassa u ŋgus masira cora.

ZAKARI 13:2 ပူးပေါင်းရင်းမြစ်များ

1 MULINA 22:22

Ŋgus ndaɗta hoŋ dira ana, An hin tuɗ mbuɗ tan ki a ŋgussa kaboyna, kal ay ki fun suu mam suu jok vun Lona halaŋ halaŋ. Yawe hin daɗ ana, Ndak tuɗ ganam yamu, voɗta ka kay ndak a tuɗ ganam yamba. Tuɗa i li ko ndaɗta na.

SOOLLA 16:4

Suu hal jivi masira eg loogi suu ɦawana, tok kasi ni wihawra ɦawana. An ka ndak a vasi busu masi ma asi yamammaɗi, vunun ka yasi sesi fununɗi lay.

KALKIRA 22:13

Lini sana vi yoona ha vi ndaramma, nam dak kala, miɗ ki kala, bay malamma wiya ni, nam sa ma vam ayna warakamu.

KALKIRA 23:13

Agi saa kay dlara an dagira wanda tew tew, agi mba goɓ lo ma daŋgi, sa ka hum sem lo ma daŋ funugiɗi.

EZAYI 2:18

Fuli suu cona halaŋ hin daɓ kiyo.

EZAYI 2:20

Hu buu namma suuna hin cuk fuli masi suu asi yoorosi a goɓosina ki fok gi kolomba u jujugumma.

JEREMI 29:23

Dla coosira ni ana asi li dlara sa ka laɗɗira duk suu Israelna. Asi ɦal tasi ki a li zoŋga u boyogi suu vi ndaryasina na. Asi ɓak boy ma kaboyna u sen lay, doli ɗaŋŋi an joɓosi va ka kosiɗi lay. An wiya, anni sa vovoɗta kay dla ndaɗta lay. Yawe di na.

EZEKIYEL 12:24

Kay dlara waɗ ndaɗta halaŋ ta mbaɗ mbaɗi ka huɗi, dlara ganyam ka huɗi lay, dukugi agi suu Israelna.

EZEKIYEL 13:23

Kay ndaɗta agi ka a fi wira ganyam ndaɗta oloɗi. Agi ka ndak a di dlara ha fokka oloɗi lay. An hin ɓaɗ suu mansina ay ki hu duk kogiya. Agi hin wi ki ana anni Yawe.»

EZEKIYEL 14:9

«Ɗowba lini sa ma jok vun Lona ganyam tam a di dla mayra ka u voɗoɗira, ni an Yawe hinim li ko ndaɗta na. Sa ma jok vun Lona namma an hin lammi u tanda. An hin paɗam ki duk suu man suu Israelna.

EZEKIYEL 30:13

Bu Suuna, Yawe, di ana, An hin ɓalak fulina masina an toosi loosi suu bay gasina suu ka hu ɦoŋzi ma Memfisna kiyo. Mul ma Egiptena ka li oloɗi lay. An hin gi ndaa ma ŋgolna hu mbassa Egiptera.

EZEKIYEL 36:25

An hin yorokogi yo ma teteɗna kagiya. Agi hin mbuɗ ki teteɗ. An hin mbusugi ki ko dlaagira njenjera halaŋ, ko ɓivun ma agi goɓ fulinana lay.

EZEKIYEL 36:29

An hin buɗugi ki ko dlaagira njenjera halaŋ halaŋ. An hin yi wa blena. Nam hin jivigi cocoo. An ka hinigi mayra a cagi oloɗi.

EZEKIYEL 37:23

Asi ka mbuɗ tasi njenje u dlara tokol fulina oloɗi, ka li hurusi ma cona eg Lona oloɗi lay. An buɗusi ay ki hu li ma asi ay ki cuki huna halaŋ halaŋ. Li ma asi li dla cora ay huna, an hin mbususi kiyo. Asi mbuɗ ki ni suu mansina. Anni Loosina may.

EZEKIYEL 43:7

Vana dan ana, «Goŋ sanna, ni li ma dlam manda mulla ka huna, u li ma an cuk sen huna. An hin kak duk suu Israelna hu li namma ni a fafaɗta. Suu Israelna ka mbuɗun sen ma teteɗna ki njenje oloɗi. Asi tasiraɗi lay, muli masisina u dlaasira coraɗi lay, u maɗ muli masisinaɗi lay, u ususiɗi lay.

EZEKIYEL 6:6

Li ma agi cuki huna halaŋ ɦoŋzi namma hin hawaɗ kiyo. Li ma mbuy kolona hin ɓalak ki lay. Givin ma togolla magisina lay hin ɓeŋ kiyo. Fuli suu agi goɓosina hin toosi ki lay. Givin ma togolla magi suu ŋgal mbul ma his jivina hin toosi ki lay. Tlesuu agi lasi u bik kogina halaŋ hin ɓalakasi kiyo.

Magaara Vi Sa Jok Vun Lona OZE 14:8

Asi hin hoŋ aya, suu li ay kaki u ŋgusuɗna, asi hin holoŋ wana zumma, asi hin hoŋ ɦussa ko ndal gu gugutlura na. Asi hin ɓak kaɗ ko ɓak kay sum veŋ ma Libanna na.

Magaara Vi Sa Jok Vun Lona OZE 2:17

Hu li namma an hin hoŋoɗ sene gugutlu maɗta. An hin mbuɗ ɦuɗugumba Akorra ki a vun grek ma saara, na ɗaŋŋi ndaɗ hin hoŋ dira ko ndal ndaɗ ay u wayaɗta na, hu buu ma ndaɗ kal ay ki hu Egiptena na.

Magaara Vi Sa Jok Vun Lona OZE 2:19

An paɗaɗ sem Baal ki funuɗu. Sa hin ka ɓakasi dlasi oloɗi lay.

MISE 2:11

Na ni hin fi sa ma dol u semeɗna su, a hin kaboyna ana, «Kay veŋ u sum ma yara an hin kaboyna ni kagiya.» Na ɗaŋŋi nam hin li ni a sa ma di boyna maŋ suu asina na.

SOFONI 2:11

Yawe hin tak yaamba ki egesiya, nam hin hoŋ yam loogi suu ɦawa suu kay ndaŋgarana kaŋgaa. Suu wara suu ha ki hu mbassa day dayra hin goɓ kaŋga fok Yawe, gegelay kay ndaŋga mamba.

MATIYE 12:43

«Ful ma cona hu sana, kal ay ki kal ni, tuɗ ŋgoo bagiya, a hal li ma nam buu huna. Nam fi li ay ka kambi.

MATIYE 7:15

«Lagi tagi jivi ko suu kaboyna ana asi ni suu jok vun Lonna. Asi mba egegi ni, mbuɗ tasi ko timigiina na, doy hurusi kurufu ni, ko bosokona na.

Boy Ma Ayra Ma LUK Ɓiirimma 11:20

Gasira an dik fulina ki ni u ko Lona, ni ana Mul Lonara mba dukugi wa.

GA 8ATAMBARA 12:3

Agi toosi givin ma togolla masi kiyo, hawaɗas ɦini masira teteɗta ceɗira ki lay, gu masi teteɗ ceɗina ma piina suu vi Aserna agi ŋgalasi kiyo, fulina masisina agi toosi kiyo, agi bulumusi sesi ma ɓiiri hu liisi nammana kiyo.

GA 8ATAMBARA 18:20

Na may lini sa ma jok vun Lona ŋga tam u senu, gijaŋ di boy ma an dam ka ana nam damuɗina, ɗowba nam gijaŋ ɓak u sem loogi suu daŋŋa ni, sa ma jok vun Lona namma hin miɗa.»

JOSUWE 23:7

Kalagi ka vi suu ɦawa suu hin cuki keŋegi ca canaɗi, yagi sem loogi masisina funugiɗi, suu tagi u loogi masisinaɗi lay, sunusiɗi lay. Goɓogi ga fok loogi masisinaɗi ɗay.

WIRA ŊGAYRA 18:2

Nam sawalla u delemba eŋga kolo ana, «Ndaɗ ndi kaŋga wa, ndaɗ ndi kaŋgawa, Babilon ta ŋgolla. Ndaɗ mbuɗ cem cemi ni li ma fulina lak huna, njaf ŋgussa cora bel bel ŋgay tasi ni huwa, layagi suu njenje sa ka golosi jiviɗina lakŋi huwa.

WIRA ŊGAYRA 19:20

Asi vi vabakŋa daŋgayna u sa jok vun Lona ma kaboyna, sa ma li dlara mbuɗta irimma. Nam ganyam suu huɗukka vi vabakŋa egesina ni u boy namma, a asi cen vabakŋa u va ma tli tam ko nam nana. Vabakŋa u sa jok vun lona ma kaboyna cukusi ki duk mbo lum ma kura ŋgal suufra.