ZAKARI 12:8 - Boy Lonana

⁸ Hu buu namma wanni Yawe hin baa kom ha ki kay Yerusalem, suu maŋi dukusina hu buu namma ni asi hin mbuɗ ki ko David na, zi ma vi Davidna hin li ni ko Lona na, fokosi ko ndal sa sunda huulona vi Yawe na.

ZAKARI 12:8 ပူးပေါင်းရင်းမြစ်များ

ZAKARI 9:8

An hin kakŋi eg ziinda, hin goloɗ tew tew ko suu jakka, hin hoŋ ay jak olona. Sa hin ka fi yal ma mbuɗ maŋi hu voɗta oloɗi, kay ana cecem wanda an ka goloɗ irin tinira kaɗ na ta.

ZAKARI 2:5

An tli irin kolo na ni, an wi tlena. Sana u zew ma ŋgara kom viiya.

MISE 7:16

Suuna hin gol u irisiya, asi hin mbuɗ ki zolona, u saɓakasi halaŋ, asi hin tin kosi funusiya, humusi hin ŋgel kiyo.

MISE 7:8

San unɗi, ndak babali manda. Li ni an ndi kaŋgaa, an hin col koloo, lini an ka kagi hu li ma ndufunna ni Yawe ni kiɗik manda.

Magaara Vi Sa Jok Vun Lona OZE 3:5

Ŋgoo dagan wanni goryoŋ Israelna hin hal Yawe, Loosina, daŋgadla, u David mul masina, asi hin hoŋ irisi ay eg Yawe u dlakka eg tlegeyem suu jivina hu buu ma fokŋa.

WIRA ŊGAYRA 22:16

«An Yesu sun saan ma sunda huulona ha ni a di boy namma maŋ suu vina halaŋ, an ni hu njafna vi Davidna, an ni vel ma fo lina.»

WIRA ŊGAYRA 22:13

An ni Alfa u Omega, ma Jewna u ma Daɓ daganna, Gijaŋŋa u Daɓpa.»

HEBRENA 11:34

asi ci kura ŋgal cocora kiyo, suɗ tasi ki ko cira suuna a casi ki u ŋgew ŋgolnara ki lay. Asi li maŋiya mbuɗ saɓaki, mbuɗ saɓak hu duuna, su kay suu masi suu babali suu daŋŋa.

1 TIMOTE 3:16

Sa ndak ka a di va ma daŋgi, ŋgayra vi ɗegee ndaɗta wanni ŋgol ɦay. Nam mba tak tam ki ko sa warna na, Musukka takam tam ki ana nammi sa ma ɗegeena. Suu sunda huulona wamu, suuna halaŋ dlaamba di ay ki dukusiya, suuna vi um coco lay. Nam kal ki kolo huulona.

ROMMA 9:5

Asi ni hu dee somora vi suu Israelna, u Sa Lona Fuurumma, ko sa warna na, ka hu dee masira may. Nam su suuna u tlena halaŋ, Lona, ma suuna geleɗem na gak gak hu daɓ kiɗira. Amin.

MATIYE 1:23

«Goowayra hin vi wiina, ndaɗ hin vuɗ goona, tinim sem ana Emmanuel,» (ni ana Lona ka u aygiya).

MALASI 3:1

Gologiya, an sun saan ma vun sunda ha wa. Nam hin minin huu voɗta ha ki fokonu. Toŋgo zak gaw ni nam hin kal hu ziimba, malaŋ haɗta ma agi halamma, sa sunda ma banara ma minimma, gologiya, nam ka mbaya, Yawe, ma saɓakŋa kom belna, di na.

MISE 5:8

Ko koŋ tli kolo kay suu babali maŋsina, ko suu babali maŋsina bulum kiyo.

Magaara Vi Sa Jok Vun Lona OZE 12:3

Yawe ɓakŋa ka kom u Yuda, a Yakob ɓak ki kay dlaamba, kay tuɗ mamba a hin kaam ɓakŋa kam u sun mamba.

JEREMI 27:10

Dlara asi dagirara ki ni coo, asi min a ɦuɗugi ki eg ndaŋga magira day lay. Gasi an hin njayagi kiyo, agi hin miɗ kiyo.

EZAYI 63:9

Hu yoo masira halaŋ a suɗusi kira ni nam sun sa ay ka suniɗi, nam u tamba suɗusi ki ni namu. Hu min mamba u hurum ma haɗ kay suuna, nam u tamba buɗusi ay ki ni namu. Nam yowosi ki koloo, nam ziirisi kolo hu buuna halaŋ ay hu fok jewra.

EZAYI 53:3

Suuna panam cocoo, sa ka caa yam kambi lay. Sa ma wihawra, haɗi u lassa, suuna wam na ni pereɗ irisi kiyo, panamu, sa ma saa kam kaɗi.

EZAYI 49:7

Yawe di ana, sa ma buɗ suuna kina, ma Teteɗ ma vi suu Israelna, nammi sa ma suuna noyom kina, suuna halaŋ golom ko sa ma puluɗiina na, lasam cocoo. Mulina hin wam wa ni hin yow kolo fokomu. Ni kay Yawe ma ɗegeena. Ni kay ma teteɗ ma vi suu Israelna ma manaŋŋa.

EZAYI 30:26

Kiɗikka vi tilnara hin mbuɗ ni ko kiɗik faɗtara na. Kiɗik faɗta hin mbuɗ seɗ na kiɗisiya sura jewra, ko ndal kiɗikka li buuna kiɗisiyara na. Hu li ma Yawe njun mbil suu mamsinana, tin tlena ii mbil ma asi famma.

SOOLLA 82:6

An ndak di ana agi ni loogina, agi halaŋŋi suu vi Lo ma ay kolo dayna,

Magaara Vi Sa Jok Vun Lona OZE 1:7

Na may zi ma vi Yudana hin minimu, an hin suɗusi ki u Yawe Loosina. An hin ka suɗusi ni u gu mbuuruɗi lay, u ŋgewɗi lay, u duunaɗi lay, ka u kuluminaɗi lay, ka u suu li duuna u kuluminanaɗi lay.»

KALKIRA 14:19

Sa sunda huulona ma tuɗ fok suu Israelna jak a tuɗ ha fok suu Israelna gi tam ha kay ceresiya ɗugulla tuɗ ha fokosi may, hin col ŋgoorosi hu may.

KALKIRA 33:2

An hin sun sa sunda huulona ha fokoŋu, An hin dik suu Kanaanna, suu Amoreenna, suu Hetna, suu Perizina, suu Hivna u suu Jebusna.

DLAŊ LEVIRA 26:8

Suuna dukugi vadl ni dik suuna kis, suu kisna dik suuna bup bup doogo, suu babali magisina hin cuk kaŋga fok kawi magina.

JOSUWE 23:10

Sa ma dewna ndak a dik suuna buɓ, kay Yawe, Loogina, duu kagi ni namu, ko nam dagi ki fok jewra na.

SOOLLA 8:5

An joɓ tan ana, sa warna ni mege a humuŋ gaŋ kamba ni ge? Goŋ sana ni ge a aŋ tin saaraŋ kamba ge?

EZAYI 31:4

Yawe dan ana, ko ndal dlona u gorom gi ŋgomba hu li ma asi vi buunara na. Suu taa yoorina bolow sawalla lay ni nam ka mbuɗ ndaa ko soo masiraɗi. Ni na may Yawe ma Saɓakŋa Kom Belna hin cuk sem ay ga kay ɦinira Siyonda kay a li duuna ni na may.

ZAKARI 9:14

Yawe hin kal ay ki kolo kasiya. Sin mbuuru mamba hin weleɗ ko welera huulonara na. Yawe Lona hin bu tokolomma. Nam hin tuɗ ha duk babaa may ma dalina.

EZAYI 33:24

Suu hu zi nammana halaŋ sa ma di ana, «Tan karam tanu» kaɗi. Suu cuk zina hu Yerusalemma halaŋ, Lona bulumusi coosira kiyo.

ZAKARI 10:7

Suu vi Efrayim ma hin mbuɗ saɓakŋa ko muli suu duuna na. Asi hin li furira ko suuna hoɓ u summa li furira na. Goryosi wasi na ni li furira may. Asi hin li furira coco kay Yawe.