ZAKARI 12:5 - Boy Lonana

⁵ Muli suu Yudana hin ɓak tasi hurusi kurufu ana, «Suu hu Yerusalemma saɓak masina ni eg Yawe, ma saɓakŋa kom belna, Loosina.»

ZAKARI 12:5 ပူးပေါင်းရင်းမြစ်များ

ZAKARI 10:12

Asi hin hin saɓakasi ni kay Yawe. Asi hin tuɗ ni u semu. Yawe di na.

SOOLLA 18:32

Yawe maygina dew a Lona ni namu. Ҥini ma fokoygina ni gege? Ni Lona dew.

SOOLLA 144:1

Soolla vi David. Gi deɓ maŋ Yawe sa ma suɗunna, nam ma ɦan saɓakŋa a li duunana, ma hinin kon eŋ a li yara u suunana.

SOOLLA 18:39

An casi kiyo, asi ka ndak a yow kolo egenɗi, asi cuk kaŋga u sen halaŋ.

EZAYI 28:6

Nam ɦal ŋgus mayra ɗegeera maŋ suu laki hu dlamba mullana. Ҥal saɓakŋa maŋ suu ka juɓ vun zina a doo suu yara ha kina may.

ZAKARI 12:6

Hu buu namma wanni an hin mbuɗ muli suu Yudana ko ndal kura ŋgali u gunara na, ko ndal dolla muni duk usuna na. Asi hin ci suu keŋesina ki halaŋ halaŋ bik njuf may, bik gulu may. Na may Yerusalem hin li kakira ni hu liiɗ ma dewna.

ZAKARI 10:6

An hin ɦal saɓakŋa maŋ zi ma Yudana. An hin suɗ ziŋ Josefna kiyo. An hin hoŋosi kolo balamasiya kay ana hurun haɗ kasiya, ko ndal ana an noyosi ka ki gindira na, kay an ni Yawe Loosina. An hin humusiya.

JEREMI 33:26

Na ni an hin noy njaf ma vi Yakobma u ma vi saan ma sunda Davidna ki su? Na ni an hin hin bay man mulina hu njafam maŋ njafna vi Abrahamma, Isaak u Yakobma su? Ka naɗi. An hin hoŋosi balamasiya kay ana an wasi hahawasiya.

JEREMI 30:21

Mul mamma hin li ni dukugiya. Sa hin tuɗ fokogina hin vuɗ ni varamu. An ɦam voɗta nam mbaya, nam ɦuɗ tam ay egenu. Sa hin ka min a ɦuɗ tam ay egenɗina ni gege? Di na ni Yawe.

EZAYI 60:17

An ɦagi lorra balam kawi ma tlawna, balam kawina an ɦagi doonora, ɦagi a guna ni kawi ma tlawna, ɦagi a ɦinira ni kawi ma warna. An hin tin a sa ŋgol ma gologina ni heɓpa. Mul ma hin ti kagi halaŋŋa ni ɗegeera.

EZAYI 32:1

Mulna hin ti mulla ni u ɗegeera, muli suu umma hin ti mulla ni u jivira may.

EZAYI 29:10

Kay Yawe gagi ŋgus mayra senna kagiya, ndaɗ dugugi irigi ki wa, ni suu jok vun Lonna. Ndaɗ baaragi yagi ki wa, suu wi dlara hu fokka.

EZAYI 1:26

An hin tin suu kaɓakŋa ko fok jewra na, suu ɗoɓ ii dlara ko jewra na lay. Ni suuna mbuɗ yaŋ ana ɦoŋzi ma ɗegeena, zi ma bay cora.

EZAYI 1:23

Muli maŋsina mbuɗ ni suu babalira, taɓ vunsi ni u suu kulna. Asi halaŋ minni tlesuu suuna ɦasisinana. Asi cuɗ ni sem li ma a fi warakŋa huna. Asi ka li kem suu kuyuna jiviɗi, ka hum tii ma vi boyogi suu dononaɗi lay.

EZAYI 1:10

Humugi boy ma vi Yawena haa, agi suu ŋgolo suu Sodomma. Tin humugi hum haɗta vi Lonara agi suu Gomorna.

SOOLLA 46:1

Soolla vi sa ma fok suu gi soollana, soolla vi goryoŋ Korena, kay gorɓiina.

SUU KAƁAKŊA 5:9

Hurunni u gaɗta vi suu Israelnara u suu ɦal hurusi u min masirana. Gagi deɓpa maŋ Yawe.

ZAKARI 12:4

Hu buu namma wanni, Yawe di ana, an hin guruɗ kulumina ki may, suu fuli kasina hin mbuɗ ki ndaana, may irin ka tini kay zi ma Yudana na ta, kulumi suu vi suunana halaŋ an hin dugusi irisi kiyo.

ZAKARI 14:14

Yuda hin taɓ ki ko taɗ u Yerusalem a duuna. Na ɗaŋŋi begera vi suu keŋesinara halaŋ hin tokoɗ ki eg taɗu. Lorra may, doonora may, barawi na may, tlena ŋgol cocoo.

EZAYI 28:5

Hu buu namma Yawe, ma Saɓakŋa Kom Belna, hinni a jumba mulla weleɗ cocora. Nammi a walakka humba ura del ko suu mamsinara.

EZAYI 45:24

Asi hin di ki u vunusi ana, suɗta u saɓakŋa ni vi Yawe dew daŋ. Suu ŋgulunna halaŋ hin mba ki fokonu, asi hin mbuɗ ki zolona.