ZAKARI 12:4 - Boy Lonana

⁴ Hu buu namma wanni, Yawe di ana, an hin guruɗ kulumina ki may, suu fuli kasina hin mbuɗ ki ndaana, may irin ka tini kay zi ma Yudana na ta, kulumi suu vi suunana halaŋ an hin dugusi irisi kiyo.

ZAKARI 12:4 ပူးပေါင်းရင်းမြစ်များ

ZAKARI 12:3

Gasi, hu buu namma wanni an hin tin Yerusalem ki fok suuna halaŋ ko ndal gogoyra sa ka ndak a tlaɗ ki koloɗira na. Gegelay ma min a tlaɗ kolona hin dak tamu. Na lay njaf suu kay ndaŋgarana halaŋ hin vi vunusi kaɗu.

GA 8ATAMBARA 28:28

Yawe cukugi tuguɗi puluɗta u dukka u ŋgussa cora kagiya agi viɗ ki cocoo.

ZAKARI 12:6

Hu buu namma wanni an hin mbuɗ muli suu Yudana ko ndal kura ŋgali u gunara na, ko ndal dolla muni duk usuna na. Asi hin ci suu keŋesina ki halaŋ halaŋ bik njuf may, bik gulu may. Na may Yerusalem hin li kakira ni hu liiɗ ma dewna.

SUNDA 17:30

Hu li ma suuna ay ka wi va tuɗina Lona ka ŋga va kayambi, cecemi nam yi suuna hu lina halaŋ, asi mba jok iiri masira ki zeɗ.

ZAKARI 14:15

Dla cora ko ndaɗta nara hin mba kay kulumina, kay jamballa, kay koro ma Makkana, kay mburi suu vi suu babali masisina halaŋ, dla ndaɗta hin li kasi ni na may.

ZAKARI 12:11

Hu buu namma ni hahawra Yerusalemba hin li ŋgolla ni ko hahawra Hadad Rimmonda hu fulla Megidora na.

ZAKARI 10:5

U tasi dew ko ndal muli suu duuna na, asi hin duura, hin tali luɓu ma hu voɗtana kaŋga u sesiya. Asi hin njogoɗ tasi u suuna. Yawe hin li u asiya. Suu duuna kolo kay kulumi masisina zolona hin casiya.

ZAKARI 9:8

An hin kakŋi eg ziinda, hin goloɗ tew tew ko suu jakka, hin hoŋ ay jak olona. Sa hin ka fi yal ma mbuɗ maŋi hu voɗta oloɗi, kay ana cecem wanda an ka goloɗ irin tinira kaɗ na ta.

DANYEL 9:18

Aŋ, Loonna, tin humuŋ humun haa. Mal iriŋ ki golomi ɓeŋ mamira u ɦoŋzi ma seŋ ka yi hurum tewtewna, ka ni kay sun mamira ɗegeera ami tiniŋ yoo mamira fokoŋŋi naɗi, ni kay oo maŋga ŋgolla.

EZEKIYEL 39:20

Agi hin ti kay tabul manda hoɓ hayagi u tliw kulumina u suu ay fuli kasina. Tliw bigawlagina u tliw suu duuna halaŋ. Di ni Bu Suuna, Yawe.

EZEKIYEL 38:4

An hin hoŋoŋ ki dagani. An hin cukuŋ njamara funuŋu, tuɗuŋŋi u saɓakŋa. An hin ɦeɓeŋ kalaŋ ki hu mbas maŋga u eŋga. Aŋ u suu maŋ suu duuna halaŋ, kulumina u suu fuli kasina suu baraw ma jivi ɦayna cuki tasina, suu duuna bolow cocoo u mbarina may ŋgewina may.

JEREMI 24:6

Irin ka tinira kasi u oora, an hin hoŋosi ay hu mbas ndaɗta, an hin mbuɗusi ki saɓaki, an hin ka hawaɗasi kiɗi, an hin hoŋosi balamasiya, an hin ka paɗasi sariyasi kiɗi.

EZAYI 37:17

Tin humuŋu, Yawe, hum haa, mal iriŋ kiyo, Yawe, gola. Hum boy co ma Senakerib dam ma sun suuna ay a ŋgul Lo ma iirina wanna.

EZAYI 24:21

Hu buu namma ni Yawe kaɓakŋa kay suu duu suu kolo huulonna u suu muli suu hu duliyarna halaŋ.

NEHEMI 1:6

Ko humuŋ li tini ta, iriŋ li ki mali may a hum cenda vi saaŋ ma sundara. Hu li namma na ni an ka cen fokoŋ kay goryoŋ Israelna suu maŋsuu sunda ana, an hom ki ni kay suluk ma vi goryoŋ Israel ma ami lam egeŋŋa. An u suu vo vi bunna ami li suluku.

2 DLAŊ MULINARA 7:15

Cem wandara irin ki maliya, humun ka tini ta a hum cenda hu li nammara.

2 DLAŊ MULINARA 6:40

«Cem wandara, Loonna, ko iriŋ li ay ki maliya, humuŋ li ay tini a hum cenda suu maŋsina a ceneɗ hu li nammara.

2 DLAŊ MULINARA 6:20

Ko iriŋ li ki mali kay ziiŋ ndaɗta faali lay, njeŋge lay kay li ma aŋ di ana aŋ hin tin seŋ huwana. Hum cenda saaŋ ma sunda ka ceneŋ hu li nammara.

2 MULINA 6:18

Suu duu suu Sirina mbay ga eg Elize. Nam cen Yawe ana, «Dug ii suu bolow ca asina kiyo.» Yawe dugusi irisi ki ko ndal Elize dira na may.

2 MULINA 6:14

Mulna sun kulumina u pus pusna, sun suu duuna ŋgol cocoo. Asi mbay njeŋge, ŋguy yam ɦoŋzina ki na cutl.

1 MULINA 8:29

Ko iriŋ li ki mali kay zi ndaɗta na mal, njeŋge lay, faali lay kay li ma aŋ ɓak kam ana, Wanni li ma sen hin yi hunana. Hum cenda saaŋ ma sunda ceneŋ hu li namma wanda haa.

ZAKARI 12:5

Muli suu Yudana hin ɓak tasi hurusi kurufu ana, «Suu hu Yerusalemma saɓak masina ni eg Yawe, ma saɓakŋa kom belna, Loosina.»