ZAKARI 12:10 - Boy Lonana

¹⁰ An hin njay ŋgus mayra saara jivira u giyamba kaŋgara kay ziŋ Davidna u suu Yerusalemma. Na ɗaŋŋi asi hin golonu sa asi cokomma. Asi hin tiirim matam ko ndal goo ma dewna na. Asi hin tii kam ko suuna tii kay goo ma vuɗ jewna na.

ZAKARI 12:10 ပူးပေါင်းရင်းမြစ်များ

WIRA ŊGAYRA 1:7

Gologiya nam mba hu ɗugulla. Suuna halaŋ hin wamu, suu cokomma lay. Suu kay ndaŋgarana halaŋ halaŋ hin mbuɗ yoo kay boy mamma, ni dla ndaɗta hin a li ni na daŋ may, amin.

EZEKIYEL 39:29

An ka ŋgay tan ki irisi oloɗi kay ana an fo Musuk manda kay suu Israelna. Di ni Bu Suuna, Yawe.

JEREMI 6:26

Agi suu mansina, cukugi baraw bolla egegiya. Bulumugi tagi kaŋga duk buɗna. Ko ndal maɗ goo ma dewna na lagi doona, yoorogi tagiya. Kay ana kak njokŋi sa ci suuna hin mba kaygiya.

SUNDA 2:33

Lona tlam kolo hu bikim ma njufna, nam fi Musuk Lonara di ki kaɗ jewra ay ko Bumu. Nam hin njayaɗ ay ki kamiya, halaŋŋi va ma agi ka wam cecemi humum u humugiya.

EFESNA 6:18

Lagi dla ndaɗta halaŋŋi hu cenda, joɓogi Lona nam njun ugiya, cenegi kay tlena halaŋŋi u minda vi Musukka. Lakagi jek jekee, loɓogiɗi u ndaɗta na gak gak, cenegi kay suu vi Lonna halaŋ.

ROMMA 8:26

Aygi suu maŋina Musuk Lonara lay ni mba njun uygiya, aygi ka wi cen Lona u gasiraɗi, na may Musukka kay taɗta ka cen Lona kaygi u zamba sa ndak di u funumbi.

ROMMA 8:15

Musukka agi faɗta ni ka Musukka hin mbuɗugi ki mborɓiina a oyogi u ndaana na ɗowɗi, ni Musuk Lonara a mbuɗugi ki goryoŋ Lonna, u Musuk ndaɗta ay ndak sawalla maŋ Lona ana, «Bunu.»

MATIYE 24:30

Hu li namma va tak ki kay Goŋ Sanna hin wi ki kolo huulona. Suu kay ndaŋgarana halaŋ hin yoo tasiya. Na ɗaŋi, asi hin wi Goŋ Sanna mbay duk ɗugulla u saɓakŋa kom halaŋ, u bibiŋil mamba may.

AMOS 8:10

An hin mbuɗugi poy magira ki hahawra, soolla agi gaɗta hin mbuɗ ki ni yoo tara. An hin tinigi sawalna kay ufurugiya. An hin welegi yagi ki halaŋ halaŋ, agi hin ziriɗ ko ndal hahawra laɗ kay maɗ goo ma dewnara na, dlara hin mbay daganda hin li ni ko buu ma yoo tara na.

HEBRENA 12:2

Ŋgarasaygi iriygi ni kay Yesu, viiygira coli ni kay gi jaŋ ayra gak gak daɓpa. Nam vi kam a asi ɓalam ki hu gu garakŋa, nam li olo ka kay miɗ mammaɗi, kay nam wi furira ka juɓum fokka, cecemi nam ka kaki kay bik ko Lona ma njufna kay dlam mamba mulla.

SUNDA 11:15

An gijaŋ ɓakŋa may ni Musuk Lonara mba cuk kasi ko ndaɗ mba kaygi jewra na may.

SUNDA 10:45

Suu Juif suu vina suu mbay u Piyerna wi ana Musuk Lonara mba njay kay njaf suu daŋŋa ni boy namma su ki kasi ɦay.

SUNDA 2:17

Gologiya ni va ma Lona dam kay buu ma hin li ay daganna, An hin njay Musuk manda ki kay suuna halaŋ. Gor njufi magisina u gorɓii magisina hin di ki kay Boy Lonana. Gorzoŋi magisina tlena hin tak tasi ki irisiya, suu magi suu maana doyra hin dasiya.

JEREMI 50:4

Hu li namma na ni, Yawe ɓak hu li namma na gaw ana, Suu Yudana u suu Israelna ka mbay u tasiya. Tuɗ ay may, tii may, asi hal ni Yawe, Loosina.

JEREMI 31:9

Asi mbay u tiina. Asi yi kolo ana, «Oora.» Ni an zuɗusiya. An tuɗusi hu ɦuɗugum mayra laɓi jivira, hu voɗta dewra ka sesi daɓ eg vaɗi. Gasi an mbuɗ ki ni bu Israel, Efrayimmi goron ma ŋgolna may.

EZAYI 32:15

Ta ta hu li ma Musukka cuk ay kaygi kaŋgana. Li ma ŋgo bagina hin mbuɗ ki sene ma jivina, sene ma jivina mbuɗ ki li ma pi ŋgusugi suu tira huna may.

Magaara JUD Ɓiiriɗta 1:20

Agi banayanna tuɗugi fok u viigi ta teteɗta, cenegi u saɓakŋa vi Musuk Lonara.

SUNDA 2:37

Hu li ma asi hum boy namma na ni hurusi haɗ cocoo. Asi joɓ suu vovoɗta suu hiŋŋa ana, «Gorsemina ami lini nanage?»

VUN ŊGOLNA 1:23

Mbaagi ay humungi gaɗ manda. Gola an min kalagi saa manda ha hurugiya, an min takagi boy manna.

SOOLLA 51:12

Ҥi, Lona, mbuɗun huu ma jivina hurunu, kalan ŋgussa wilira hurun may.

MATIYE 26:75

Piyer humum gam kay boy ma Yesu damma jewna ana, «Tlekŋa bay hel tu ni, aŋ hin tin vunuŋ ki yaŋŋa hindi ana aŋ ka wanɗi.» Piyer kal ki, tii u simina irimu. Hurum haɗ cocoo.

Boy Ma Ayra Ma JAŊ Ɓiirimma 1:29

Faɗta vinda wanni, Jaŋ wi Yesu mbay egemu, nam di ana, «Gola ni Goo Timiina vi Lona ma daɓ cora vi suuna kina.

VUN ŊGOLNA 4:3

An lay ay vo vi bunni a goo ma jivina, sun minin coco ko goo dewna na.

EZAYI 45:22

Mbuɗugi irigi ay egenu, suɗ tagi kiyo, agi suu kay yam ndaŋgarana halaŋ kay anni Lona dew daŋ, lo ma daŋ kaɗi.

JEREMI 31:19

Hu li ma an gijaŋ hoŋ ay wa ni, an hinni tok a hom kay coonda. Hu li ma an ka wi tan tok eg buu mannana, an ci ŋgaf gudiginu. Zolona u hahawra hin tok kanu. An ay hu zoŋga ni va ma daɓ semma, an vi dla co ndaɗta kanu.»

EZEKIYEL 20:43

Ha hu li namma ni humugi hin gagi kay poy magira cora ay fok jewra u dlara agi laɗ mbuɗ tagi ki njenjera u ndaɗta. Hurugi hin haɗ coco kay dlaagira agi laɗ co ndaɗta.

EZEKIYEL 37:14

An hin foogi musuk manda hurugi a agi hoŋ ki iirira. An hin mba cukugi ki kay mbas magira. Agi hin wi ki ana an Yawe di dlara wa na ni hin li dla ndaɗta ki mbee. Di ni Yawe.»

ZAKARI 13:9

Suu hin asina an tukusi u kura. An hin yoorosi ki ko suuna yoo doonora na, an hin yoorosi ki ko suuna yoo lorra na. Asi hin yan sen may, an hin humusi may. An hin di ana, «Ni suu mansina.» Asi hin di ana, «Loonna ni Yawe.»

URA TIN AYRA 45:1

Yosef ka ndak a doo tam ii suu laki egemma oloɗi. Nam ɓak kolo eŋga ana cuk suuna ki kiɗik halaŋ. Nam tak tam ii gorsemma na ni sa hin ka usi kalafi dew oloɗi.

URA TIN AYRA 45:2

Nam tli delem kolo tiina, suu Egiptena hum ha ki lay, suu ha vo vi Farawna hum ha ki lay.

NDUMBA 21:9

Moiz yoo guy kawina gaɓam ki kolo fun guna. Hu li ma guy eɗ sa ay wa ni, sa namma gol guy kawi ma gaɓi kolona na ni suɗ ki ni na gaw.

1 SAMUEL 7:2

Ay hu buu ma asi tin Zandukka ha ki hu Kiriyat-Yerimma day ni, buuna jak ki bolowo, basara dok-mba'. Hu li ma suu Israelna gijaŋ fi koɗ tara ŋgoo Yawe dagani.