ZAKARI 12:1 - Boy Lonana

¹ Di boyna. Yawe ɓak Israel. Yawe ma li huulona, li ndaŋgara, li ŋgussa hu suuna layna di ana,

ZAKARI 12:1 ပူးပေါင်းရင်းမြစ်များ

EZAYI 42:5

Lona Yawe di ana, sa ma li huulona ni anu, sa ma beɗem ki kolo nana ni anu. Sa ma ɦal musukka huu tlesuu iiri coco kay ndaŋgara wanna ni anu. An ɦal musukŋa huu tlesuu tuɗ kaɗna halaŋ.

JEREMI 51:15

Sa li ndaŋgara u saɓak mamma na, ma li duliyara u yal mammana, ma u yal mamma li huulonana.

EZAYI 57:16

An ka ndak a li hurun yara egesi na gak gakgi, an ka ɓalakasi hurusi ha na gak gakgi, li ka naɗi ni ŋgus masira maŋ ki fokon cocoo, an lasi iiri masira ni an lay.

HEBRENA 12:9

Saaraygi kay somoyoygi suu hu ndaŋgarana gige, asi gaɗaygiya aygi hum usi may. Ni aygi ndak a hum u Buygi ma kolo huulona kay a kak iiriya.

EZAYI 48:13

Na daŋ may, kon li ndaŋgara ni namu, kon ma njufna li huulona ni namu, lini an yasiya ni asi mbay fokonni na zak gaw.

EZAYI 44:24

Yawe ma suɗuŋ ay kina di ana, Sa ma miniŋ ay huu suŋŋa dayna ni gege? Ni an Yawe, ma li tlena halaŋŋa. Huulona halaŋ lammi an dew. Ndaŋgara halaŋ laɗ ni an dew daŋ.

DI BOLLA 12:7

Ndaŋgara hoŋ duk ndaraɗ ndaŋgara ndaɗ col ay hura, ŋgussa hoŋ eg Lona ma ɦaɗ ayna may.

NDUMBA 16:22

Asi girif kaŋga daɓ vogosi ga di ana, «Ҥii, Lona, Lo ma ɦal musukka huu tlena halaŋŋa, sa ma dewna li cora aŋ min tin co ndaɗta kay suuna na halaŋ gaw su?»

URA TIN AYRA 2:7

Yawe Lona yow ndaŋgara kom yowni min sana u ndaɗu. Nam hin foom musukka iirira cinimu. Sana hin mbuɗ ki iiriya.

EZEKIYEL 18:4

Gola iirira halaŋŋi manda, iirira vi buna u iirira vi goona halaŋŋi manu. Sa may ma li dla corana ni ma hin miɗ kina.

JEREMI 38:16

Na daŋŋi mulna Sedesiyas vi vunum ki ŋgay gumun ko tam u Jeremi ana, «Yawe ma ɦaygi iiri ndaɗtana ka iiriya. An hin ka caŋ kiɗi, ka ɦaŋ ki maŋ suu asi suu min a caŋ kinaɗi lay.»

JEREMI 30:16

Na ɗaŋŋi suu caŋ kina hin casi ki may. Suu babali maŋsina halaŋ dukusi sa ka hin kiɗi, hin tuɗ ki ŋgayra. Suu ɦurumuŋŋa hin ɦurumusi ki may. Suu ɦurumuŋŋa halaŋ an hin suuna ɦurumusi ki may.

JOB 26:7

Nam tin li mbayawna kolo kay li ma va ka huɗina. Nam vi duliyara kolo ni bay va ga uɗ lay.

JEREMI 10:12

Sa ma li ndaŋgara u saɓak mammana, ma min duliyara u yal mammana, ma u wiimba li huulona mayna,

EZAYI 51:13

Agi maa ki kay Yawe ma lagina gaw su? Nammi sa ma li huulonana lay, li ndaŋgara layna. Agi dlak ndaana hu buuna tew tew fok suu lasagina na ni kay mege? Agi gol ko asi saɓak coco a dikigi kira na ni amege? Cemi ni yaasi ndaɗta ni ara wan ologe?

EZAYI 45:18

Yawe li huulona ni namu, nammi Lona, nam li ndaŋgara ni nam lay. Nam laɗ ni hini yaɗ ka ki ɦawaɗi, ni kay a suuna cuk zina kaɗu. Nam di ana, anni Yawe, sa ma daŋ ma ko ndal an na kaɗi.

EZAYI 45:12

Anni sa ma min ndaŋgarana, cuk tlesuu iirina kaɗ ni an lay. An li huulona kolo ni u bik kon lay. Suu kolo huulonna halaŋ an golosi, ɦasi gaɗta ni anu.

EZAYI 40:22

Bu Suuna dlam mbamba mulla ka ki kolo kay huulona, nam ay kolo day wi suu warna ay ki halaŋ fokommi ko ndal horɓiira na. Nam li huulona ni ko sana a waa barawna ki gara na. Ni ko ndal mbutluɓ ma suuna vam a kak huna ɦawa na.

EZAYI 40:12

Sa ma ŋga mbo lumma hu duk komma ni gege? Sa ma ŋga fiyek huulona u komma ni gege? Sa ma tuk tam a ŋga gugum ma sii kolo wanna ni ge mayge? Sa ma tli nek ɦinira u gogoyra ŋgolora kay kelewna ɦoyna ni gege?

SOOLLA 104:2

kiɗikka cuki egeŋ ko ndal barawna na, huulona ni ko ziiŋŋa na.

MALASI 1:1

Di boyna. Boyna vi Yawe dam maŋ Israel ay fun Malachie.

ZAKARI 9:1

Di boyna. Boy ma vi Yawena mbay hu mbassa Hadrakka vunum hin do hu Damas, kay ana tlesuu jivi suu hu Aramma ni vi Yawe ko njaf suu Israelna na may.

YOORA 2:14

Suu mak suu jok vun Lona ka wi tlena ay maku, ni kaboyna u ganyamba. Asi ka gak u dla cookka kiɗi, ni dlara hoŋok ki daganda. Asi wak tlena ay ni maku, di ni dlara kaboyna viɗ suuna kira.

JEREMI 50:34

Na may sa njun kasina saɓak cocoo, Yawe ma Saɓakŋa kom Belna, ni semu. Nam li yara kay dlaasira cocoo a mbassa hoŋ fi heɓpara a hin viɗ suu Babilonna kira.

JEREMI 30:10

Aŋ saan ma sunda, Yakob, li ndaaɗi. Di na ni Yawe. Hin tok a asi kak ki Israel. An hin buɗuk ay ki hu mbassa dayra, njafak lay hu ndaŋgara agi ay ki ŋgayra huruɗta. Yakob hoŋ aya, nam fi saɓakŋa wa, nam ki kaki na en, sa mbuɗum ndaa ka oloɗi.

JOB 37:18

Aŋ ndak a njun Lona hu li ma nam ka min huulonana su? Nam eŋ cocoo ko ndal kotorom kawina na.

URA TIN AYRA 1:8

Lona yi va namma ana huulona. Njeŋgera liya, maɗiira fo may, ni buu ma mbana.

SOOLLA 134:3

Ko Yawe ay hu Siyon day paɗ vunum kaŋu, ma li huulona li ndaŋgara layna.