ZAKARI 11:16 - Boy Lonana

¹⁶ Gola an ka tli sa taa yoona ay hu mbassa wanda, timiira ba kira nam hin ka caa yam kaɗɗi mayra viɗ kira nam hin ka halaɗ ay oloɗi, mayra dakka nam hin ka ciliɗ kiɗi, mayra garaŋga nam hin ka laɗ uɗɗi lay. Nam hin kom suu ɗoorina kiyo, kususi gayasi ki lay.»

ZAKARI 11:16 ပူးပေါင်းရင်းမြစ်များ

JEREMI 23:2

Na ɗaŋŋi Yawe, Lona vi Israel, ɓak kay suu taaram suu mamsina tinisi kay haɗna na anaba, «Agi ni suu hiningi suu mansina kay tasi asi njay kina. Agi tin saaragi ka kasiɗi. Na ɗaŋŋi an tanda hin tin saaran kagiya, gagi daŋgayna kay dla cora agi laɗta.» Yawe di na.

Boy Ma Ayra Ma JAŊ Ɓiirimma 10:1

«An dagi ki ni gasira ana, Sa kal ha ka vun goŋga vi timigiinaɗi vekeɗ uɗ ha kaŋga na ɗowna ni sa kulna, ni u sa buu suuna voɗna.

EZEKIYEL 34:21

Kay ana agi suu ɗoorina ka daɓ suu iɗina. Agi dakasi u mekegiya ta ta dikisi ha ki kay haɗna.

EZEKIYEL 34:16

Yoo ma viɗ kina an hin halam aya, ma tuɗ ki dayna an hin koɗom irim ay may. Ma gayam ki kusina an hin jakamu, ma tuguɗiira an hin ɦam saɓakŋa. Na may yoori suu ɗoori cocona u suu saɓak cocona, an hin baasi kiyo. An hin taa yoori mansina ni u ɗegeera gasira.

EZEKIYEL 34:10

Bu Suuna, Yawe, di ana, an hin mbay kay suu taa yoorina asina. An hin mba hal yoori mansina, hin ɓaɗasi sina ki hu duk kosiya. An hin doorosi ki kay sun masira taa yoorina. Asi ka ndak a taa tasira hol holla oloɗi. An hin ɓaɗasi yoori mansina ay ki funusiya. Asi ka hin fasi a komba oloɗi.

JEREMI 23:22

Lini asi humun gaɗ manda ni, asi hin ɓakan boy manna ki maŋ suu mansina, asi humum may. Asi hin hoŋosi ay ki hu voɗ masira cora asi tlaɗta ki duk dlaasira cora lay.

EZAYI 40:11

Ko ndal sa ma taa yoorina na, nam ka taa yoori mamsina, nam tokosi yasi ay halaŋ u bik komu. Nam yow gor timigii suu gorina kom koloo, tuɗ cukusi hu li ma asi a ci pona.

URA TIN AYRA 33:13

Yakob hoŋom dira ana, «Sa ŋgol manna aŋ wi ana kemba ni maŋiya, dogoni timigiina u mbutli mansina gorra usi goriyo, lini ɦeɓesi a tuɗusi hu buu ma dewna ni yoori mansina miɗ ki halaŋ.

URA TIN AYRA 31:38

An li basara varaŋ dok-mba' ni huu timii maŋ taa ɗowba ɦuuŋ lay ndi ka kiɗi, an kom gamlagi suu duk yoori maŋsina ka kiɗi lay.

DANYEL 11:36

«Mulna hin li ni dlara u hurumba, hin ŋga tam coco lay, hin gol tam ŋgol suu loogi suu ɦawana lay, su Lo ma vi loogi suu ɦawana na lay, nam hin di boy ma ɦal saara maŋ suunana. Dlaamba hin li kom jivira ta ta hu buu ma yara hin daɓ kina, kay ana va ma Lona ŋgaamma hin li kiyo.