ZAKARI 10:9 - Boy Lonana

⁹ An njayasi ki duk suuna lay ni ay ki day lay ni asi humusi hin gasi ay kanu. Asi hin vuɗ gorra, hin hoŋ aya.

ZAKARI 10:9 ပူးပေါင်းရင်းမြစ်များ

NEHEMI 1:9

May lini agi hoŋ ay egen wa, li u gaɗ manda, vi uɗ may ni, li ni suu magi suu mbee kina li ha ni hu vun huulona ma dodona lay ni, an hin taɓasi kay tasi, hin hoŋosi ay hu li ma an ŋgaɓam a sen li ka huna.

ESTER 8:17

Hu ɦoŋzi ma bagi maanagelay hu ɦoŋzi maanagelay ma gaɗta vi mulnara tew ki huna suu Juifna gi boboora li furira, li luuna u furira. Suu hu mbassana bolow mbuɗ tasi ki suu Juifna kay ana asi mbuɗ ki ndaana ko suu Juifna.

EZAYI 44:21

Yakob humuŋ gaŋu. Israel aŋŋi saan ma sunda. An laŋŋi a sa ma sununna. Aŋ Israel ka hinin kiɗi.

EZAYI 64:4

Aŋ mbay ŋgaf vok suu may suu li min maŋgana, suu laɗ u furira, suu saa a tuɗ hu voɗta aŋ takaɗta. Li ni aŋ mbuɗ ya lay ni kay ami li cora, na may ami hin suɗ ki ni kay ami ka tuɗ hu voɗta tew tewra.

EZAYI 65:23

Asi ka li sunda ŋgal ki egesi hawaɗi. Asi ka vuɗ gor suu ba ki hawaɗi lay, kay asi ni njaf suu vunna ki paɗi kasi suu vi Yawena, goryosi lak u asi tew tew.

EZAYI 65:9

An hin paɗ vunun ki kay njaf suu Israel suu ɦiw, ni njaf suu vi Yudana, asi hin lak kay ɦini manda. Suu an manasina hin ti mbassa ni asiya, suu lan sun mandana hin lak hu ni asiya.

JEREMI 31:27

Buuna ka mbaa, Yawe di na, ma an hin zaa njaf suu Israelna u suu Yudana ki a njaf suu warna, njaf mburina lay.

JEREMI 51:50

Agi suu suɗ ko ŋgewnana, cukugi tagi voɗo, cologi dukgi. Ay ki day lay ni yagi Yawe, ko saara vi Yerusalemba hoŋ ay kagiya.

EZEKIYEL 6:9

U suu maa nde asina humusi hin gasi kanu. Ay duk njaf suu ɦawana an hin kususi hursi ma li dla cora kiyo. Asi hin hoŋ irisi ay egenu. May fuli masi suu asi goɓosina ka li kasi oloɗi. Ni ko dla coosira asi laɗta, ko suluk masi ma asi lam namma halaŋ.

Magaara Vi Sa Jok Vun Lona OZE 2:23

Va hin li hu buu nammana ni an hin hoŋ ɗira ana, Yawe di ana, an hin hoŋ dira u juɓpa kolo huulona may. Asi hin hoŋ dira u juɓpa kay ndaŋgara may.

AMOS 9:9

Gasi, gologiya, an hin ɦal voɗta, an hin dlamaɗ suu Israelna duk ɦoŋ suuna halaŋ ko ndal yik wana hu bewra ka hin ŋgetlna cuk kaŋga duk kira na.

MISE 5:7

Kay ndaɗta suu vi Yakob suu usi hinna hin li ni duk mbassa bolowra, duk suu bolowna ko ndal dlona duk mbuuri suu duk gurana na, ko ndal goo dlona duk timigiina na, nam jak dukusiya, tayasi kaŋgaa, casi kiyo, sa ka hin ndak a buɗusi kiɗi.

SUNDA 8:1

Sol vi kam a ci Etiyen kiyo. Hu buu namma ni lassa ŋgola ndi kay suu vi Kristuna hu Yerusalem. Suu vina halaŋŋi njay kiyo, hinni suu vovoɗta doy hol, asi njay ki ni hu ndaŋgara Yudera u Samari.

SUNDA 8:4

Suu njay ki dew dewna di Boy ma Ayra ki ɦoŋzina zeɗ zeɗ.

ROMMA 11:24

Aŋ sa ma ka Juifnaɗina aŋŋi gorgor gu cono mayra ŋgoo bagira, kaaŋ ka ni mba paŋ hu mayra vora, aŋ tli taŋ ka u ndaɗta zumuɗ uɗ voraɗi, nam hin hoŋ mba pasi balamasi ni bay loɓo.