ZAKARI 10:6 - Boy Lonana

⁶ An hin ɦal saɓakŋa maŋ zi ma Yudana. An hin suɗ ziŋ Josefna kiyo. An hin hoŋosi kolo balamasiya kay ana hurun haɗ kasiya, ko ndal ana an noyosi ka ki gindira na, kay an ni Yawe Loosina. An hin humusiya.

ZAKARI 10:6 ပူးပေါင်းရင်းမြစ်များ

ZAKARI 13:9

Suu hin asina an tukusi u kura. An hin yoorosi ki ko suuna yoo doonora na, an hin yoorosi ki ko suuna yoo lorra na. Asi hin yan sen may, an hin humusi may. An hin di ana, «Ni suu mansina.» Asi hin di ana, «Loonna ni Yawe.»

ZAKARI 10:12

Asi hin hin saɓakasi ni kay Yawe. Asi hin tuɗ ni u semu. Yawe di na.

JEREMI 3:18

Hu li namma ni suu vi Yudana hin taɓ ki u suu Israelna. Asi col ay hu mbassa mbayawra hin mbay ko tasi dew hu mbassa an ɦaɗ ki maŋ somoyosi a jonara.

ZAKARI 8:11

Cecem wanda kay suu usi hinna an ka ko jewra na oloɗi. Yawe, ma Saɓakŋa Kom Belna, di na.

EZEKIYEL 36:37

«Bu Suuna, Yawe, di ana, an hin li ko ndal wanda na olo. An tak tan ii suu Israelna a njun usi hu dlara fasira. An hin zulusi ko ndal yoori suu zuli hu kadlaŋgana na.

EZAYI 41:10

Li ndaaɗi kay an ka u aŋu, gol golla ndaanaɗi, kay anni Looŋŋa. An mbuɗuŋ saɓaki na daŋ may an njunuŋu. An njunuŋ u bikin ma njufna ma ɗegeena.

MISE 7:16

Suuna hin gol u irisiya, asi hin mbuɗ ki zolona, u saɓakasi halaŋ, asi hin tin kosi funusiya, humusi hin ŋgel kiyo.

MISE 5:8

Ko koŋ tli kolo kay suu babali maŋsina, ko suu babali maŋsina bulum kiyo.

MISE 4:13

Col kolo, to wana, goora vi Siyon, mekka kakka an hin mbuɗuɗ ki kawina, sek ma tin kaŋgana an hin mbuɗum ki walakka, ndak tegeɗ suuna ki bolow cocoo, ndak hin doorosi ki kay bege masira u givunna hin ɦaɗ ki maŋ Yawe, bege masira ki ni maŋ mala mbassa halaŋ.

Magaara Vi Sa Jok Vun Lona OZE 2:23

Va hin li hu buu nammana ni an hin hoŋ ɗira ana, Yawe di ana, an hin hoŋ dira u juɓpa kolo huulona may. Asi hin hoŋ dira u juɓpa kay ndaŋgara may.

EZAYI 14:1

Yawe hin wi hahaw Yakob. Nam hin man suu Israelna olo. Nam hin hoŋosi ay hu mbas masira. Suu koyogina hin taɓ ay u asiya, asi hin cuk tasi duk suu vi Yakobma.

EZEKIYEL 39:25

Bu Suuna, Yawe, hin di ana, cemi ni an mbuɗ dlara vi Yakobpa ki zeɗ. An hin li oora kay suu Israelna, wasi hahawasiya. An hin tak yaanda ki kay sen ma teteɗna.

EZEKIYEL 37:16

«Aŋ, goŋ sanna, tli goo guna tani ɓii kam ana Yuda u suu Israelna taɓ ki ni dew. An hin tli gu ma daŋŋa olo, ɓii kam ana, Yosef ni gu ma vi Efrayimma. Suu Israelna halaŋ tok ay ni kam dew.

EZEKIYEL 36:11

Suu warna u yoorina an hin zuluk sina kak cocoo. Asi hin zul cocoo, hin vuɗ coco lay. An hin zuluki bolow a su jewra. An hin ɦagi tlena ni sura fok jewra. Agi hin wi ki ana anni Yawe.

JEREMI 31:31

Buuna ka mbaa, Yawe di na, ma an hin vi vunun u suu Israelna u suu Yudana vi galamba wilira.

JEREMI 31:20

Efrayimmi goron ma an minim ɦayna su? Ni goo ma li dlara hurun vaɗta su? Tew tew hu li ma an ɓakŋa ni, an hin yam sem olo. Hurun minim cocoo. An saa kam ɦay. An minimu, gasi an minimu. Yawe di na.

JEREMI 31:1

Hu coki ndaɗta Yawe di ana, an hin li ni a Lona vi suu Israelna halaŋ, asi may ni hin mbuɗ ki ni suu mansina.

JEREMI 30:18

Na ɗaŋŋi Yawe ɓak anaba, an hin hoŋ mbutluɓma vi Yakobma kolo balamamu. An hin wi hahaw suu hu ɦoŋzi nammana. Ҥoŋzi managelay ni minim ki kolo kay ɦini mamba. Zira jivi taragelay hin fi liiɗ ma jewna.

JEREMI 23:6

Hu coki mamba ni Yuda ki suɗiya. Israel kak u heɓpa. Gola ni sem ma asi hinimma kamma, «Yawe ni ɗegee maygira.»

SOOLLA 89:21

An fi David a saan ma sunda, an mbuɗum ki teteɗ ni u mbul man ma teteɗna.

MISE 4:6

Hu buu namma ni Yawe di ana, an hin tok suu dalira kay tasiya, an hin tok suu ŋjay kina kay tasiya, suu an lasasina kay tasi may.

ABDIYAS 1:18

Suu vi Yakobma mbuɗ ko kura na, suu vi Yosefna mbuɗ ko sin kura na may. Suu vi Ezawna mbuɗ ni ko usuna na. Suu vi Yakob u Yosefna mboɗosi ŋgalasi kiyo. Suu vi Ezawna sa hin ka iiri na dewɗi. Yawe di na.

Magaara Vi Sa Jok Vun Lona OZE 1:7

Na may zi ma vi Yudana hin minimu, an hin suɗusi ki u Yawe Loosina. An hin ka suɗusi ni u gu mbuuruɗi lay, u ŋgewɗi lay, u duunaɗi lay, ka u kuluminaɗi lay, ka u suu li duuna u kuluminanaɗi lay.»

EZAYI 11:12

Nam hin tak dla mayra ana nam hin tok yam suu mamsinara kiyo. Nam hin tok yam suu Yuda suu njay kina kiyo, suu ay ki keŋ ndaŋgara fiɗira halaŋ.

EZAYI 54:4

Li ndaaɗi, kay dlara zolo ka faŋ oloɗi. Li zoloɗi kay sa ma ndak a panaŋ ka oloɗi. Aŋ hin maa zolo ma laŋ ay u goo taŋŋa kiyo, humuŋ hin maa dono maŋga ay jewra ki lay.

EZAYI 54:8

U hurum ma yara an ŋgay tan ki irigiya day hu buu ew. Cemi u minda ka daɓ kiɗira an tak tan ki irigi wa, wagi ha hawagi wa, di ni Yawe ma buɗugi ay kina.

ZAKARI 1:16

Kay ndaɗta Yawe ɓak ana, an hoŋ ay eg Yerusalem u jivi manda, ziinda hin min ki kolo may, Yawe, ma Saɓakŋa Kom Belna, di na, hin waɗ zewna ha kay Yerusalem.

ZAKARI 9:16

Yawe Loosina hin suɗusi ki hu buu namma, asi ɦuguni suu vi suu mamsina na. Tli tasi ko ndal gogoy mayra jivira, asi hin ɓo lina kay ndaŋga mamba.

JEREMI 30:20

Goryom fi jivi masira jewra wa. Suu mamsina tok ki fokon eg tasi ŋgol wa. An lasasi suu babali masisina.

Magaara Vi Sa Jok Vun Lona OZE 14:9

Efrayim, va ma an hin lam u fulinana ni me ologe? Anni sa hoŋom dirana, ni sa ka golomma lay. An tanda ni ko ndal ŋgusu sipre na humum ka ɗuf tew tewna na, vuɗuŋ col ay ni egenu.

MISE 5:3

Nam hin col kolo taa timigii mamsina u saɓak Yawena, u bibiŋilla vi sem Yawe Lonara. Asi hin kak kaŋgaa, kay nam hin li a ma ŋgolna ta ta keŋ ndaŋgara ma daɓ ayna.