ZAKARI 10:5 - Boy Lonana

⁵ U tasi dew ko ndal muli suu duuna na, asi hin duura, hin tali luɓu ma hu voɗtana kaŋga u sesiya. Asi hin njogoɗ tasi u suuna. Yawe hin li u asiya. Suu duuna kolo kay kulumi masisina zolona hin casiya.

ZAKARI 10:5 ပူးပေါင်းရင်းမြစ်များ

Magaara Vi Sa Jok Vun Lona AGE 2:22

An hin to dlamba vi mulinara kiyo, hin bulum saɓak ma vi muli suu vi suunana kiyo, an hin to pupusna ki may, ci suu jaŋamma kiyo, kulumina u suu jaŋasina hin puk kaŋgaa, gegelay kaŋga fun ŋgewra vi wayammara.

ZAKARI 12:8

Hu buu namma wanni Yawe hin baa kom ha ki kay Yerusalem, suu maŋi dukusina hu buu namma ni asi hin mbuɗ ki ko David na, zi ma vi Davidna hin li ni ko Lona na, fokosi ko ndal sa sunda huulona vi Yawe na.

ZAKARI 9:13

An tli gu mburu manda kon wa, ni Yuda, an tiniɗ mburra huruɗ wa, ni Efrayim. An hin sook u goryogu, Siyon, ek goryoŋ Gresna, an hin vak kon ko sa duuna ko ŋgew mamba kolo kamba na.

SOOLLA 20:7

Cemi ni an wi ki wa, Yawe suɗ saam ma nam Fuurumma. Ay hu Ziim ma Teteɗna nam hoŋom dira aya, nam njunum u saɓak kom ma njufna.

2 TIMOTE 4:7

An duu duu ma jivina wa, an tew ki fun li ma ŋgaannana wa, an gol viinda u Lonara wa lay.

2 KORINTNA 10:4

Kawi ma aygi ka duu taygi, u namma ka ko ma vi suu duk ndaŋgarana naɗi, ni kawi ma saɓakŋa vi Lona ndak kay a to gulumunna ki kaŋgaa, ay to tlesuu ka u voɗosiɗina ki ni u kawi namma.

SUNDA 7:22

Ni Moiz haɗ wira u yalna vi suu Egiptena halaŋ, nam fi saɓakŋa hu boyna u sunda lay.»

Boy Ma Ayra Ma LUK Ɓiirimma 24:19

Nam joɓosi ana, «Ni dla mege?» Asi dam ana, «Dlara li eg Yesu ma Nazaretna, nammi sa ŋgol ma jok vun Lona fok suuna halaŋ lay.

MATIYE 4:3

Satanna mbay egem dam ana, «Aŋ li ni Goŋ Lonna ni, ɦinira wanni, aŋ mbuɗuɗ ki funa.»

ZAKARI 14:13

Hu buu namma ni Yawe hin gasi dlara ŋgolla kasi mbuɗusi ki ndaana cocoo. Gegelay hin kaw ndaramma komu, asi hin njogoɗ tasiya.

ZAKARI 14:3

Na ɗaŋŋi Yawe hin yow suuna ay um duu u suu asina hu buu ma asi ci tasina, hu buu ma yara.

ZAKARI 12:4

Hu buu namma wanni, Yawe di ana, an hin guruɗ kulumina ki may, suu fuli kasina hin mbuɗ ki ndaana, may irin ka tini kay zi ma Yudana na ta, kulumi suu vi suunana halaŋ an hin dugusi irisi kiyo.

MISE 7:10

Ndaɗ hin wi ki jiviya, babali manda, ndaɗ hin mbuɗ ki zolona, ndaɗ mayra li dan ana, «Yawe, Looŋŋa, ni aragera?» Irin ka tini kaɗ ta, an hin tayaɗ ki kaŋga u sen ko ndal luɓuna hu voɗtara na.

AMOS 2:15

Sa duu u mbuurura hin ka li kolo coli oloɗi. Sa liŋ cocona lay hin ka suɗ kiɗi. Sa duu u kulumina hin ka suɗ kiɗi.

EZEKIYEL 38:15

Aŋ hin mbay hu mbas maŋga ay ii mbayaw nara. Aŋ u suuna ay uŋ bolow cocoo. Asi halaŋ fuli kay kulumina. Agi hin li ni tokka ŋgolla, suu duu suu bolow cocona.

EZAYI 41:12

Aŋ halasi lay ni hin ka fasiɗi. Suu njogoɗ u aŋŋa hin ki ni ko sa kaɗira ɦawa na. Suu duu u aŋŋa halaŋ.

EZAYI 25:10

Ko Yawe ka gol yam ɦinira wandara, na may suu Moabma hin casi ki hu buu namma, ni ko ndal suuna cuk usuna hu zulla a cimimba na.

EZAYI 10:6

An sunum eg njaf suu ka wi Lonaɗina, an dikisi usi zak zak eg suu ka ɓalakan hurunna, kay a ɦurum jona, dikisi ziisi kira. Kay a tayasi ki ga ko ndal luɓuna tay ki u semmara na.

EZAYI 8:9

Wagi ki jiviya agi njaf suuna halaŋ, lagi ndaana. Agi suu ha ki hu mbassa daŋga dayna tin humugi ha huma. Minigi tagi a duuna asi hin cagi kiyo. Minigi tagi a duuna asi hin cagi kiyo.

SOOLLA 45:3

Aŋ jivi su suuna halaŋ, oora ɓaɗ ay ki funuŋ ko yona na. Lona paɗ vunum ki kaŋ a fafaɗta.

SOOLLA 33:16

Mul ma ndak a suɗ ki kay suu mam suu duuna ŋgolna kaɗi, sa ma saɓak coco ma ndak a suɗ tam ki kay tam kaɗi.

SOOLLA 18:42

Asi yi koloo sa ma humusi kaɗi. Asi yi eg Yawe, nam ka humusiɗi.

2 SAMUEL 22:43

An yursusi duk gugumma. An luɗusi kiyo. An tayasi ki kaŋga u senu, ko luɓu ma hu voɗtana na.

2 SAMUEL 22:8

Ndaŋgara iiriɗ njay ki dlaka u huulona ma dodona dlaka, njay ki hu li ma nam mbuɗ ki yarana.

1 SAMUEL 16:18

Sa goo gom maa dew di ana, «An wi gasi daŋ may, goŋ Jese maa dew ma Betlehemma. Nam wi bura. Nam saɓak cocoo, sa duu ma jivina lay. Nam ɓak dlara u yalna coco lay. Nammi sa jivina lay. Yawe u namu.»

JOSUWE 10:42

Josuwe suu kay muli masisina u mbas masira halaŋ halaŋ, ni hu koyra dewra ɦawaa. Kay ana Yawe, Lona vi suu Israelna, ka duu kasiya.

JOSUWE 10:14

Ay fok jew dayra lay, tuɗ ha fokka lay ni, faali ta fiyek ko ndaɗta na ka li oloɗi Yawe ka hum u sa warna ko wanda naɗi, kay Yawe duu kay suu Israelna.

GA 8ATAMBARA 20:1

Hu li ma agi cuk ki a duu u suu babali magisina, lini agi wi kulumina u puspus ma kulumina bolow coco lay ni, lagi ndaa kosiɗi. Kay Yawe Loogina ka u agiya, nammi sa ma cukugi ay ki hu mbassa Egiptera.

WIRA ŊGAYRA 19:17

Ŋgoo dagan an wi sa sunda huulona coli kolo kay fatɗa, nam sawalla u delem eŋga maŋ layagi suu pii kolona halaŋ, «Tokogi aya mbay taygi fu ma ŋgolna vi Lona.

2 TIMOTE 4:17

Bu Suuna mbay egen tok njunun ni namu, kay an ndak a di boyna maŋ suu ka njaf suu Juifnaɗina, asi humum ki halaŋ, nam suɗun ay fun dlona.

SUNDA 18:24

Sa ma Juifna sem ana Apollos nam vuɗ ni hu Aleksandri, nam mba Efes. Nammi sa ma haɗina wi Boy ma Ɓiirina ki jivi ɦay.

MATIYE 28:20

Haɗasi a asi vi vun gaɗta an gaɗagirara halaŋ may. Wi kagi ana, an ka u agi gak gak ndaŋgara tuɗ daɓ ki u ndaɗta.»

SOOLLA 44:5

Ҥi, Lona, aŋŋi mul manna, di dlaaŋga, Yakob hin su kay suuna.

EZAYI 41:25

Sa maa ay ka mbayaw dew an manam kiyo, tin ay u maɗiina na nam ka yanni senu, nam tay mulina ki ga u sem ko suuna a hoɓ luɓuna na. Ko ndal sa ma min doyogina taɓak luɓu mamma ki u semba na.

MISE 5:8

Ko koŋ tli kolo kay suu babali maŋsina, ko suu babali maŋsina bulum kiyo.

2 MULINA 9:33

Nam dasi ana, «Zuɗugira ay ki kaŋgaa.» Asi zuɗuɗ ay kaŋgaa. Ndaɗ ndi ay kaŋga busuɗuɗ ha ki pay gulumunna na dolɗoŋ. Jehu jak ha kolo kay maɗaɗ u kulumina u pus pusna halaŋ.

EZAYI 31:1

Hahawra ka kay suu hoŋ irisi ga tuɗ ŋgay hu Egiptena, suu tin saa masira kay kulumi suu bolow cocona, asi gol ni kulumi suu taɗ pus pusna, kay asi saɓak cocoo. Asi ka saa kay ma teteɗ ma vi suu Israelnaɗi. Asi ka min a hal Yaweɗi.