ZAKARI 10:2 - Boy Lonana

² Gasi daŋ may fulina hoŋ dira ni dlara uɗ kaɗira. Suu joɓpa dlara tak taɗ irisira ni kaboyna. Asi gijaŋŋa ni u dlara kaboyna, heɓ huu suuna u ganyamba. Ni kay ndaɗta suuna tuɗ ha ki ko ndal mbutlina hu katlaŋgara na, hahaw coco lay kay sa golosi kaɗi.

ZAKARI 10:2 ပူးပေါင်းရင်းမြစ်များ

URA TIN AYRA 31:19

Ni hu li ma Laban tuɗ a caw ta timigii mamsina, Rasel kul lo ma vi buɗna ay koɗ gaw.

1 MULINA 22:17

Mise hoŋom dira ana, «An wi suu Israelna njay ki kolo kay ɦinira ko ndal timigii suu sa taarasi ka usiɗira na. Yawe di ana, suu asina sa ma fokosi kaɗi. Ko gegelay ni hoŋ vo hu ziim u heɓpa.»

JOB 13:4

Lini agiya ni vunugi hoɓira ni u kaboyna ɦawaa, agi ni suu garaɗ suuna u kaboyna ɦawaa.

JOB 21:34

Ɗil magira ɗilin irin ndaɗta ka u voɗoɗɗi. Boy ma agi damma halaŋŋi kaboyna ɦawaa.

EZAYI 41:29

Gola asi halaŋ ki ni ɦawaa, sun masira ki ni ɦawa lay. Tlegeyesi suu asi goɓosina ki ni semeɗna ɦawaa.

EZAYI 44:25

An mbuɗ dlara mbuɗ mbuɗta vi suu kaboyna ki ɦawaa, suu may suu gol ciciwra an casi kiyo. Suu wi yalna cocona an hoŋosi ki dagani. An mbuɗusi yal masina ki a dlara ɦawara.

EZAYI 44:9

Suu min loogi suu ɦawana ki ni ɦawaa. Sun masira asi laɗta ka fi va huɗi. Suu a diki kasina ka wi vaɗi lay. Zolona vasi wa asi ka wi vaɗi.

EZAYI 46:5

Agi hin ŋgaanni u gege? An tli tanni u ge daŋge? Sa ma tli tam ko ndal an nana ni gege?

JEREMI 10:8

Asi halaŋ, sa hin ka ki dewɗi, ganyam tasiya, viɗ tasi ki lay. Haɗasi ki u dlara bay uɗta asi hin ba ni huwa.

JEREMI 14:13

An dam ana, «Aa, Bu Suuna Yawe na may suu jok vun Lona dasi ana, ŋgewra hin ka cagiɗi. Baktara hin ka mba kagiɗi. An hin ɦagi jivira ka daɓbira hu li namma.»

JEREMI 14:22

Duk fuli suu cona na ni, suu ndak a mba yo Lona ay kaŋgana ka su? Yona col sira ay ni kolo huulonaɗi su? Ka ni aŋ, Yawe, Loominaɗi su? Ami ka juɓuŋu kay ana aŋŋi sa li tle asinanaɗi su?

JEREMI 23:17

Asi min a di suu ka min boy ma vi Yawenaɗina ana, «Dlara hin li kagi agi jiviya.» Sa ma min a tuɗ fok u yamba eŋgana, «Dla cora hin ka mba kagiɗi.»

JEREMI 23:32

An hin li dla cora eg suu jok vun Lona suu doyra kaboyna dasina. Yawe di na. Suu njaɗaɗ ki u kaboyna u dlaasira ganyamba viɗin suu mansina kiyo. An sunusi ay kaɗi lay, joɓosi va kaɗi lay. Asi ka li va ma jivi eg suu asinaɗi. Di na ni Yawe.

JEREMI 27:10

Dlara asi dagirara ki ni coo, asi min a ɦuɗugi ki eg ndaŋga magira day lay. Gasi an hin njayagi kiyo, agi hin miɗ kiyo.

JEREMI 27:14

Humugi boy ma suu jok vun Lona dagina ana, agi hin ka sun mul ma Babilonnaɗi naɗi. Boy ma asi dagina namma ki ni coo.

JEREMI 27:9

Agi may ni humugi vun suu jok vun Lo magisinaɗi, suu magi suu dandaɗi lay, suu magi suu joɓpaɗi lay, suu magi suu tin gariraɗi lay, suu magi suu li kumuna suu dagi ana agi hin ka hom yagi kaŋga fok mul ma Babilonnaɗina.

JEREMI 28:15

Sa jok vun Lona, Jeremi, di sa jok vun Lona, Hananiya, ana, «Hum haa, Hananiya, Yawe sunuŋ ay kaɗi. Aŋ mbuɗ ana suuna jok saarasiya ni aŋu.

JEREMI 29:8

Gasi Yawe, ma Saɓakŋa Kom Belna, Lona vi suu Israelna, ɓak anaba, hinigi dlaagira mbuɗ bisna u suu jok vun Lona suu dukuginaɗi, ɗowba u suu joɓ suu dukuginaɗi. Gologi tagi jivi kay doy mayra dagiraɗi.

JEREMI 37:19

Suu jok vun Lona suu ɓakagi ana agi tagira lay, mbas ndaɗta lay ka a li ndaa lassa vi mul ma Babilonna ɗina ni arage?

JEREMI 50:17

Israel ni timiira viɗ ki dlona dikiɗta. Jew gigiŋŋi mul ma Asirina gaɗ jaŋaɗ aya, Nabukodonosor mul ma Babilonna hin jak u ndaɗu, hin daɓaɗ ki ta ta hiniɗ ni sokoɗu.

JEREMI 51:23

An ci suu taa yoorina ki u yoori masisina. An ci suu horokŋa ki u mbutli masi suu sunda. An ci suu komandana ki u suu mulina.

JEREMI 6:14

Asi li jivi toŋgo zak a doo kay dla cora vi suu mannara di ana, «Dlara ka jiviya, dlara ka jiviya.» Doli wanna va ka li dewɗi.

JEREMI 8:11

Asi li jivi zak a gi ii dla cora kay suu mansinara di ana, «Dla kaɗi, dla kaɗi.» Na may ni dlara jivi kaɗi.

YOORA 2:14

Suu mak suu jok vun Lona ka wi tlena ay maku, ni kaboyna u ganyamba. Asi ka gak u dla cookka kiɗi, ni dlara hoŋok ki daganda. Asi wak tlena ay ni maku, di ni dlara kaboyna viɗ suuna kira.

EZEKIYEL 21:21

Ŋgew ma sii ɦayna ka gulu may, ka njuf may, pereɗ ii kara ki hu lina halaŋ.

EZEKIYEL 21:29

Kay ndaɗta Bu Suuna, Yawe, di ana, cemi ni agi wi coogira ki wa. Gegelay ni wi suluk mam ma nam lamma. Agi ka tak dla coogira ki hu sunda agi laɗta halaŋ. Cemi ni ɓakŋa vagi wa. An ɦagi ki ko suu babali magisina wa.

EZEKIYEL 34:5

Yoorina njay ki dew dew ni ko coogira. Asi hin ki ni a ti ma vi vabakgi suu ŋgoo bagina. Asi njay ki na dew dew.

EZEKIYEL 34:8

Bu Suuna Yawe di ana, an suu tan u iiri manda ana, ni kayra yoori mansina suuna ɦurumusi kira, yoori mansina mbuɗ ki ni a ti ma vi vabakgi suu ŋgoo bagina, ni kay sa ma taarasi kaɗira. Suu man suu taa yoorina ka caa yasi kay yoori mansinaɗi. Suu taa yoorina gol ni hayasi doy hol, ka min a golon yoori mansinaɗi.

Magaara Vi Sa Jok Vun Lona OZE 3:4

Ko ndaɗta na goryoŋ Israelna hin kak buuna bolowo, mul kaɗi lay, ɓivun kaɗi lay, ka ceɗ gogoyɗi lay, ka tli va kosi a tuɗ fok Lona u nambi lay.

MISE 2:12

An hin tokogi kay tagiya, suu vi Yakobma halaŋ halaŋ, an hin tok suu Israel suu hinna, an hin taɓasi dew ko ndal timigii suu vi Bosrana na, ko ndal yoorina ay hu li ma tira na. Del suuna hin kal ay ki dukusiya.

HABAKUK 2:18

Foto mbutl ma sa ceɗ guna ceɗemma jivi mamba ni mege, ɗowba ma yoorom yoorina kay haɗ dla corana, li ni sa ceɗ gu nammana ɦal tam ki mamu a li fuli suu ndumuna.

ZAKARI 11:17

Cora ka kay sa taa yoo ma sunum kaɗi ma hin katlaŋ mamba kina. Ko ŋgewna ŋgaɗam bikim ki may, coom irimba njuffa ki may. Ko kom so kiyo, gasi ko kom so kiyo. Ko irimba njuffa mbek kiyo, gasi ko ndaɗ mbek kiyo.

NDUMBA 27:17

Sa namma hin kal kiyo tuɗ fok suuna, nammi sa ma hin cukusi ki kiɗik lay, hoŋosi vo layna. Na ni suu vi Yawena ka hin li ko timigii suu bay sa ma taarasina kasira naɗi.»

MATIYE 9:36

Nam wi hahaw suu moli egemma, kayme eŋesi kaɗi, asi ni ko timigii suu sa taarasi kaɗina na.

MARK 6:34

Yesu cuk ki kaŋga hu lumba ca ni, gol irimu ni, suuna molira na ndil ndil. Asi mbuɗ irim hahawi, kayme asi ni ko timigiina suu sa tarasi kaɗina na. Nam gijaŋ haɗasi tlena cocoo.

GA 8ATAMBARA 13:2

Lini sa ma jok vun Lona ɗowba sa ma wi dlara li ha fokka col wa kolo dukugiya, lini nam ka dagi kay dlara hin a tak ki kala, kay dlara mbuɗ mbuɗta kala ni,

SUU KAƁAKŊA 18:14

Suu vadl suu ay ki hu jew a gol mbassa Laissa di gorsesina ana, «Hu zigini asina ni zi taa dew ni tlesuu teteɗ suu li ɓivunna ka huwa ni agi wi su? Efodna u fuli masina u ɓalaŋŋana may. Cemi ni agi ndak wi dlara agi a laɗta ni agi ɗaŋ.»