ZAKARI 10:1 - Boy Lonana

¹ Joɓogi Yawe kay mbo lo ma hu til faɗtana. Yawe mba ɗugulla ay ni namu. Nam si yona ay kaŋga ŋgolla cocora ni namu, ɦal vuɗ tlena bagi hu senena maŋ gegelay ni namu.

ZAKARI 10:1 ပူးပေါင်းရင်းမြစ်များ

EZAYI 44:3

An hin si mbona ki hu li ma yo ka huɗina, gi mbo ma ɓaɗna hu mbas mayra yo ka huɗira. An hin fo Musuk manda kay goryoŋu. Paɗ vunun ki kay njafaŋ halaŋ.

Magaara JAK Ɓiiriɗta 5:7

Gorsenna ɗiligi irigi u lalamba na ɗil gak gak falira Bu Suuna hin mbara. Gologiya sa ma horokŋa ka ɗigil irim kay juɓ tlesuu ndaŋgara neesina. Nam irim na ɗil gak gak juɓ lo ma si jewna u ma si daganna lay.

EZEKIYEL 36:37

«Bu Suuna, Yawe, di ana, an hin li ko ndal wanda na olo. An tak tan ii suu Israelna a njun usi hu dlara fasira. An hin zulusi ko ndal yoori suu zuli hu kadlaŋgana na.

EZAYI 30:23

Nam hin sagi mbona a horokŋa. Agi hin zaa tlena kaŋgaa, tlesuu agi hin feɗesina ŋgol cocoo, jivi ɦay lay. Hu buu namma ni yoori magisina ndak fi li ma ti haɗna, li ma haɗna egesi ŋgol cocoo.

SOOLLA 65:9

Suu hu duliyara halaŋ li ndaana ko dlara aŋ laɗta, an tak furira u maɗiina lay u fiɗigina lay.

GA 8ATAMBARA 28:23

Huulona kolo kagi ni mbuɗ ki eŋga ko ndal kawina na, ndaŋgara ga u segi ni mbuɗ ki eŋga ko kawina na lay.

Boy Ma Ayra Ma JAŊ Ɓiirimma 16:23

«Buu namma hin mba wa ni, agi ka joɓon kay va dew oloɗi. An dagi ha ni gasira, Bun hin ɦagi tlesuu agi joɓosi u senna halaŋ.

MISE 5:7

Kay ndaɗta suu vi Yakob suu usi hinna hin li ni duk mbassa bolowra, duk suu bolowna ko ndal dlona duk mbuuri suu duk gurana na, ko ndal goo dlona duk timigiina na, nam jak dukusiya, tayasi kaŋgaa, casi kiyo, sa ka hin ndak a buɗusi kiɗi.

AMOS 4:7

Ni an daŋ may, doorogi yona ka si kagi ŋgolɗi ni anu, tilna hin fok hindi a gijaŋ tlena feɗtara, an si yona ka kay zi maa dew may, hin maa ki mayraɗi, sene maa ɦiw yona si hu may, maa ɦiw yona kaɗi, so ki mayraɗi.

Magaara Vi Sa Jok Vun Lona OZE 10:12

Zaaragi ni zaara gasira, agi hin feɗegi tlena u furira. Poogi sene ma wilina, cecemmi ni li ma hal Yawena ta ta nam mba njayaygi ɗegee mamba kaygiya.

EZEKIYEL 34:26

Hu mbas ndaɗta u ɦini mayra ŋguy kay mbas ndaɗtara halaŋ, an hin paɗ vunun ki kay li namma. An hin si mbo lona u voɗom lay, hin li ni mbo lo ma vunna ki paɗi kamma.

JEREMI 14:22

Duk fuli suu cona na ni, suu ndak a mba yo Lona ay kaŋgana ka su? Yona col sira ay ni kolo huulonaɗi su? Ka ni aŋ, Yawe, Loominaɗi su? Ami ka juɓuŋu kay ana aŋŋi sa li tle asinanaɗi su?

JEREMI 10:13

kay ana nam tok mbo ma saɓak cocona ki kolo huulona, nam hin ɗugulla ŋgolora tin kolo kay ndaŋgara hu uɗ ma daɓ ayna, nam hin yona si kaŋga kaygi u welera lay. Nam sel semeɗ ma ay hu gurumma ki kaygiya.

EZAYI 5:6

An min hin li namma ki ɦawaa. Sa ka hin horok li namma oloɗi. Tlesuu siina ugi wayara hin day ki huwa. An hin doo ɗugulla ki ka ndaɗ si yona huɗi.

VUN ŊGOLNA 16:15

Lini vok mulna ka gol ki jivi u sanda ni iirira gaw. Jivi mamba ni ko ndal mbo lo ma heɓ tara na.

SOOLLA 104:13

Aŋ hu li ma aŋ ay kaki huna, aŋ ka ɦal mbona maŋ ɦinira. Ndaŋgara hoɓi u tlesuu aŋ lasina.

JEREMI 51:16

U tokka nam tok mbo ma saɓak cocona kolo huulona, tin ɗugul mayra ŋgolora ay u vun daŋgara ma daɓ ayna, nam si mbona ay kaŋga duk welera, nam sel semeɗ ma ay kom hu zanduk mambana ay kiyo.

1 MULINA 17:1

Eli sa ma ay hu ɦoŋzi ma Tisbena hu mbassa Galaadta mba di mulna Akab ana, «U sem Yawe, Lona vi suu Israelna, ma ka iiri tew tewna, ma an ka sunum wanna, basara hin fok cara ni lo ka siɗi, mbaɗagi ka gi kay ndaŋgaraɗi lay, bay an di an na baɗi.»

1 KORINTNA 3:6

an pi guna kaŋga ni anu, Apollos voom yona may, Lona hin wulummi namu.

Magaara Vi Sa Jok Vun Lona OZE 6:3

Loɓoygi taygi a waygi Yawe, col mamba kolora ni gasi ko ndal li ma fora na may. Nam hin mbay egeygi ko ndal yona mbay sirara na ko ndal mbaɗagira vun ndolla laɓ yam ndaŋgara na.»

SOOLLA 72:6

Asi li ni ko mbo lo ma si hu li ma goloŋiina na, ko lo ma laɓ yam ndaŋgara ki belna na.

JOB 29:23

Asi ka juɓunni ko ndal suuna juɓ yo lona na. Vunusi ki malira na hoŋ a furyunda.

SOOLLA 135:7

Ɗugulla tin ay hu vun ndaŋgara daɓ ayra day, ndaɗ li weleɗta ki jew hu li ma ndaɗ ka si mbonana, nam dug vun babaana ki hu li ma nam ay huna.

JEREMI 5:24

Asi ka ɓak tasi kay tasi ana, «Ŋgaaygi Yawe Looyginaraɗi, nam saygi yona kaygi hu liim tew tew vun ɦoɗogolna lay, vun walla lay, goloygi njaf tlena tew eg liisi ma feɗta.»