ZAKARI 1:4 - Boy Lonana

⁴ Lagi dlaŋ somoyogiraɗi, asi suu jok vun Lona ay jewna dasi ana, Yawe, ma Saɓakŋa Kom Belna, di ana, hoŋogi ay ɗaŋ, hinigi voɗ magira cora u dlagira cora kiyo, may asi hum kaɗi, tin saarasi ka kanɗi lay, Yawe di na.

ZAKARI 1:4 ပူးပေါင်းရင်းမြစ်များ

2 DLAŊ MULINARA 30:6

Suu vun sunda ŋguf yam mbassa ki u magaara mulna u suu muli mamsina ɓiiriɗta halaŋ ki u mbassa Israella ura Yudara bel. Dasi ko mulna dira na ana, «Suu Israelna hoŋ ay ki eg Yawe, Lona vi Abraham, vi Isaak, vi Israel. Nam hin hoŋ ay egegi may. Agi suu hin ka iiri tu suu suɗ ay ki ko mul ma Asirinana.

2 DLAŊ MULINARA 30:7

Lagi ko ndal somoyogi u gorsegina li ay ka ɗegee ii Yawe, Lo ma vi somoyosina, ɗira na oloɗi. Nam hinisi ki hu ɓalakka ko ndal agi tagira wi u irigi wandara na.

2 DLAŊ MULINARA 34:21

«Tuɗugi joɓogi Yawe kay u suu Israel suu hin ndena kay suu Yudana kay dla magaara gaɗta ta agi faɗ ay wandara kay yara vi Yawera tok kaygi ni ŋgol cocoo, kay ana somoyoygi li ka u gaɗta vi Yaweraɗi, li ka u dlara ɓiiri hu magaa ndaɗtara belɗi.»

EZDRAS 9:7

Col ay hu buu ma vi somoyomina day ta ta karammi suluk mamina ŋgolla ɦay, kay suluk mamina, ami lay, muli mamisina lay, suu mami suu li ɓivunna lay ɦami ki maŋ mul ma kay ndaŋgarana, maŋ ŋgewna, maŋ suuna a yowomi ki mborɓogina, maŋ suuna ɦurumumi tlegeyemiya, hinimi zolona cami ko karamba na.

NEHEMI 9:16

«Na may asi u somoyomi ŋga tasiya, so delesi ki eŋga ŋgiriŋ ŋgiriŋ humuŋ gaɗ maŋga kaɗi.

NEHEMI 9:26

«Na may asi mbuɗ ki honira, li yara u aŋu. Asi noyoŋ gaɗ maŋga ki ŋgoorosi dagan na day, asi ci suu jokoŋ vunuŋ kina, suu neesi ana asi hoŋ egeŋuna kiyo. Asi li suluk ma ŋgolona egeŋ cocoo.

NEHEMI 9:30

«Aŋ siɓ u asi basara bolowo. Aŋ neesi ki u saa maŋga ki fun suu maŋ suu jok vun Lona lay. May asi tin humusi kaɗi. Na ɗaŋŋi aŋ ɦasi ki ko suu hu mbassa daŋgana.

SOOLLA 78:8

Ko asi li ko somoyosi naɗi, asi suu hin vun Lona ki mbuɗ yara u namma, njaf suu hurusi cona saa masira ka taɓ ura vi Lonaraɗi.

EZAYI 31:6

Agi suu Israelna hoŋogi ay eg sa ma agi mbuɗ ŋgorogi hinim ka ki na dayna.

JEREMI 18:11

Cecem wanda aŋ tuɗ di suu Yudana u suu Yerusalemma, Yawe ɓak ana, «An hin tinigi dla cora kagiya. An hin faɗ vun dlaanda ki egegiya. Gegelay hom dla coomba ki gasi, mbuɗugi tuɗ magira jiviya, mbuɗugi dlaagira agi laɗta ki jiviya.»

JEREMI 23:22

Lini asi humun gaɗ manda ni, asi hin ɓakan boy manna ki maŋ suu mansina, asi humum may. Asi hin hoŋosi ay ki hu voɗ masira cora asi tlaɗta ki duk dlaasira cora lay.

JEREMI 25:8

Na ɗaŋŋi Yawe, ma Saɓakŋa Kom Belna, ɓak anaba, ko ndaɗta na agi ka humungiɗi ni,

JEREMI 26:5

Lini agi ka hum boy ma suu man suu jokon vununna dammaɗi, suu an sunusi ha egegi tew tewnaɗi, ka humugiɗi lay ni.

JEREMI 3:12

Aŋ tuɗ ɓak boy ma wanna ha ii ko ma mbayawna di ana, hoŋ ay ɗaŋ Israel ta noy Lona kira. Yawe di na. Kak manna dukugina hin ka lagi va oloɗi. Gasi an ɗegee, Yawe di na. An ka col saɓakŋa a fafaɗtaɗi.

JEREMI 3:14

Hoŋogi aya, goryon suu noyon kina. Yawe di na. Kay an ka a malagina ni anu, an tli dew hu ɦoŋzina, yow mba' hu njafagiya, hoŋogi hu Siyon.

JEREMI 35:15

An sunugi suu man suu sunda suu jokon vununna ha egegi tew tew lay asi dagi ana agi homogi kiyo, gegelay kay tuɗ mamba cora, gasi mbuɗugi dlaagira lira ki zeɗ liŋigi kay cee loogi suu ɦawana a goɓosiɗi, agi hin kakagi ni kay ndaŋgara an ɦagira ki magilay, maŋ somoyogi layra. Na may ni agi tinigi humugi kaɗi lay, humungi kaɗi lay.

JEREMI 4:1

Lini ndak hoŋ aya ni, ndak hoŋ ay ni egen anu. Yawe di na. Lini ndak yow zozot makka ki fokonu ni ndak hin ka poy na dadam oloɗi.

JEREMI 44:16

«Gasi daŋ may aŋ dami boy namma ni u sem Yawe may, ami ka humuŋgi.

EZEKIYEL 14:6

Kay ndaɗta aŋ tuɗ di suu Israelna ana, Bu Suuna, Yawe, di ana, hoŋogi aya, hinigi fuli magisina ha kiyo. Pereɗegi ŋgorogi maŋ dlaagira cora halaŋ.

EZEKIYEL 20:18

«An dasi goryosi ŋgoo bagi hu fulla ana, tuɗugi u gaɗta vi somoyogira oloɗi. Lagi u dlaasira asi laɗtaɗi. Mbuɗugi tagi ki njenje u fuli masisinaɗi.

EZEKIYEL 33:11

Dasi ana Bu Suuna suu tam u iiri mamba. Di ni Bu Suuna Yawe, an furi saɓaki ni kay miɗ ma vi suu li dla cora su? Ni na ɗow ana sa ma li dla cora mbuɗ poy mamba nam kak iiriya, hoŋogi aya hoŋogi ay hin poy magira cora kiyo, agi min a ba tagi ki ni kay mege, agi suu Israelna?

EZEKIYEL 33:4

Sa ma hum tii tokolomma caa yam ka huɗi, lini suu duuna hin mbay cam wa ni, busu sa namma daɓmi kam na ndoŋ.

DANYEL 9:6

Ami hum vun suu sun maŋsina suu jokoŋ vunuŋ kina kaɗi, suu ɓak boyna u seŋ maŋ muli mamisinana, maŋ goryoŋ muli mamisinana, maŋ somoyomiya, maŋ suu kay yam mbassana halaŋ.

Magaara Vi Sa Jok Vun Lona OZE 14:1

Samari hin warakka, kay ndaɗ mbuɗ yara eg Looɗna, hin casi ki u ŋgewra, kemba vuɗ wilira hin njereɓesi kiyo, boyogi suu wiina hin coosi hurusi kiyo.

AMOS 5:24

Na may, ko sa ɗegeena li u saɓakŋa ko yo ma ɓaɗna na, gasira ko ndal mbo ma ka ci kiɗina na.

MISE 2:6

«Ɓakagi boy nammaɗi, asi ɓakam su? Asi ka ndak a ɓak ko wanda naɗi, boy ma cona hin ka a ɦuɗ ki keŋ dayɗi.

ZAKARI 1:3

Dasi ana, «Yawe, ma Saɓakŋa Kom Belna di ana, hoŋogi ay egenu. Yawe, ma Saɓakŋa Kom Belna, di na, an hin hoŋ ay egegi may Yawe, ma Saɓakŋa Kom Belna, di na.

ZAKARI 7:7

Ni boy ma Yawe ɓakam ki fun suu basi suu jok vun Lona hu li ma Yerusalem kaki u heɓpa enna, ɦoŋzi maɗna ŋguy kaɗ lay, lii dalina u mbas mayra kaŋga ura suuna ka hurusi bolow coco lay.»

SUNDA 26:20

An gijaŋ boyna dira maŋ suu Damasna u suu Yerusalemma tuwa, ŋgoo dagan an di suu hu mbassa Yudera halaŋ u suu hu njaf ma daŋŋa ni na tuwa. U dira dasi ana jok hurusi ki zeɗta, mbuɗ irisi eg Lona a li sunda gasira tak ana hurusi ki joki zeɗta.

SUNDA 3:19

Jokogi iiri magira ki zeɗ, mbuɗugi irigi eg Lona a nam hin bulumugi coogira kiyo.

1 PIYER 1:18

Agi wi ana nam warak kagi ni ka u tlesuu ba kina ko gursura u lorra naɗi, kay buɗugi ki hu dla cora somoyogi haɗagirara.