ZAKARI 1:3 - Boy Lonana

³ Dasi ana, «Yawe, ma Saɓakŋa Kom Belna di ana, hoŋogi ay egenu. Yawe, ma Saɓakŋa Kom Belna, di na, an hin hoŋ ay egegi may Yawe, ma Saɓakŋa Kom Belna, di na.

ZAKARI 1:3 ပူးပေါင်းရင်းမြစ်များ

2 DLAŊ MULINARA 15:2

Nam kal ki tuɗ fi Aza dam ana, «Mulna Aza, agi suu Yudana u njaf suu vi Benjaminna halaŋ, humungi vunun haa. Yawe ka u agi ni hu li ma agi ka u nam mayna. Lini agi halamu ni nam hin tak tam irigiya. Lini agi noyom ki wa ni, nam noyogi ki may.

2 DLAŊ MULINARA 15:4

May hu yoo masi ndaɗta asi hoŋ ay eg Yawe, Lona vi suu Israelna wa. Asi halamu. Nam tak tam irisi wa.

NEHEMI 9:28

Na may hu li ma asi fi koɗ tara fi ni, asi gijaŋ li dla cora fokoŋ olo. Aŋ hinisi ki ko suu babali masisina, asi lasasiya. Asi hoŋ yaŋ ay kolo u delesi eŋga olo. Aŋ ay kolo huulona day ni aŋ humma. Aŋ buɗusi ki ko dlara nara bolow coco u oo maŋga.

JOB 22:23

Lini aŋ hoŋ ay eg ma Saɓakŋa ni aŋ hin fi saɓakŋa. Ni aŋ hin dik dla cora ha ki hu ziiŋu.

EZAYI 31:6

Agi suu Israelna hoŋogi ay eg sa ma agi mbuɗ ŋgorogi hinim ka ki na dayna.

EZAYI 44:22

An bulumuŋ cooŋga ki ko ɗugulla valaw kira na. An bulumugi suluk magina ki ko kuɗna valaw kira na. Hoŋ ay egenu, an suɗuŋ ki wa.

JEREMI 12:15

Na may, hu li ma an paɗasi ki u sariyasi wa ni, an hin wasi hahawasi, yowosi hurun olo, an hin hoŋosi gegelay tinda kay joomma, gegelay hu mbas mamba.

JEREMI 25:5

Nam dagi ana gegelay hom ki kay tuɗ mamba cora, kay dlaagira bay uɗta, agi hin kak kay ndaŋga mayra Yawe ɦagira ki magi u somoyogi ay ki fok jew day a fafaɗtara.

JEREMI 3:1

Lini sana dik caamba kiyo, ndaɗ hinim ki tuɗ a kak ki u sa daŋŋa ni, nam ndak a hoŋ egeɗ olo su? Ndaŋga ndaɗta ka ki ni mbuɗi njenje gawɗi su? Ndak may ni li gawlaŋŋa u suuna bolowra ndak hin mbay egenu. Yawe di na.

JEREMI 3:22

Hoŋogi aya, goryon suu noyon kina. An hin garaɗagi tuguɗi magira ki a fafaɗta. Ami wana, ami ni varaŋu. Gasi ni aŋ, Yawe, Loomina.

JEREMI 35:15

An sunugi suu man suu sunda suu jokon vununna ha egegi tew tew lay asi dagi ana agi homogi kiyo, gegelay kay tuɗ mamba cora, gasi mbuɗugi dlaagira lira ki zeɗ liŋigi kay cee loogi suu ɦawana a goɓosiɗi, agi hin kakagi ni kay ndaŋgara an ɦagira ki magilay, maŋ somoyogi layra. Na may ni agi tinigi humugi kaɗi lay, humungi kaɗi lay.

JEREMI 4:1

Lini ndak hoŋ aya ni, ndak hoŋ ay ni egen anu. Yawe di na. Lini ndak yow zozot makka ki fokonu ni ndak hin ka poy na dadam oloɗi.

EZEKIYEL 18:19

«Agi hin ɓak ana, goona ka zii dlara vi bumbaɗi ni kay mege? Na may kay ana goona li dlara ɗegeera. Nam li u gaɗ manda halaŋ a gasira ni nam hin kak iiriya.

EZEKIYEL 18:31

Cukugi dla cora ci maɗna ta mbuɗugi ki suu ci maɗnara kiyo, mbuɗugi hurugi ni huu ma wilina u ŋgussa wilira may. Agi suu Israelna, agi min a ci tagi ki ni kay mege?

EZEKIYEL 18:32

An ka furi kay maɗ ma vi sa ma miɗ kinaɗi. Di ni Bu Suuna Yawe. Hoŋogi aya, mbay lakagi iiriya.»

EZEKIYEL 33:11

Dasi ana Bu Suuna suu tam u iiri mamba. Di ni Bu Suuna Yawe, an furi saɓaki ni kay miɗ ma vi suu li dla cora su? Ni na ɗow ana sa ma li dla cora mbuɗ poy mamba nam kak iiriya, hoŋogi aya hoŋogi ay hin poy magira cora kiyo, agi min a ba tagi ki ni kay mege, agi suu Israelna?

Magaara Vi Sa Jok Vun Lona OZE 14:1

Samari hin warakka, kay ndaɗ mbuɗ yara eg Looɗna, hin casi ki u ŋgewra, kemba vuɗ wilira hin njereɓesi kiyo, boyogi suu wiina hin coosi hurusi kiyo.

Magaara Vi Sa Jok Vun Lona OZE 14:4

Asiri ka ndak a suɗumiɗi. Ami ka ful kolo kay kulumbi, ami hin ka di olo ana tlesuu ami minisina ni Loominaɗi, aŋ taŋga sa ma ka wi hahaw goo ma kuyuna.»

Magaara Vi Sa Jok Vun Lona OZE 6:1

«Mbaagi aya, hoŋoygi eg Yawe. Nammi sa dakaygi kina, nam hin ciliygi ki ni nam lay. Nam waɗaygiya, nam hin njunuygi mbiliygi ni nam lay.

JOEL 2:12

Cecem wanda, Yawe di ana hoŋogi ay egen u hurugi halaŋ, u laara lira, u tiina, u yoo tara.

MALASI 3:7

Ay hu cokira vi somoyogira day ni agi ka min a van dlaanda kagiɗi, ka li uɗɗi lay. Hoŋogi ay egenu, an hin hoŋ egegi may, Yawe, ma Saɓakŋa Kom Belna, di na. Agi di ana, «Ҥoŋŋi ana mege?»