ZAKARI 1:17 - Boy Lonana

¹⁷ Ɓak boy namma ha ki olo, Yawe, ma Saɓakŋa Kom Belna, di ana, jivira ka kay ɦoŋzi manna tuɗi. Na may Yawe hin heɓ hu Siyon daŋgadla, hin man Yerusalem.»

ZAKARI 1:17 ပူးပေါင်းရင်းမြစ်များ

EZAYI 51:3

Na daŋ may, Yawe ɗil ii zi ma Siyonna wa, zi mamma ɓalak kina, nam soosi hurusi wa. Nam mbuɗ li ma ki duk gurana ki zina. Li ma haw yona nam mbuɗum ki a sene ma vi Yawena. Zi namma cemi oy u furira, hum hu ni soolla gi deɓpa u tlesuu luuna zeɗ zeɗ.

ZAKARI 2:12

Yawe, ma Saɓakŋa Kom Belna, ma sunun ay u saɓakŋa kay suu ɦurumugi kina, ɓak ana, gasi sa ŋgenegina, ŋgenenni wawal irinu.

EZAYI 14:1

Yawe hin wi hahaw Yakob. Nam hin man suu Israelna olo. Nam hin hoŋosi ay hu mbas masira. Suu koyogina hin taɓ ay u asiya, asi hin cuk tasi duk suu vi Yakobma.

ABDIYAS 1:20

Goryoŋ Israel suu ay ki hu mbassa daŋgana, suu duu asina dik suu Kanaanna ta ta tinisi ha hu Sarepta, suu Yerusalem suu ay ki hu mbassa Sefaradta tli ɦoŋzi ma Edomma umba kaŋgara.

EZEKIYEL 36:33

Bu Suuna, Yawe, di ana, hu buu ma an mbusugi ki teteɗ ko suluk maginana ni, an hin zul ɦoŋzina ki cocoo. Zi ma ki tooy kaŋgana hin min ki kolo lay.

EZAYI 66:13

Ni ko sa ma sum lam um cocona na, an may ni hin lagi ugi ni na may. Na daŋ may agi hu Yerusalem halaŋ hin fi saɓakŋa.

EZAYI 54:8

U hurum ma yara an ŋgay tan ki irigiya day hu buu ew. Cemi u minda ka daɓ kiɗira an tak tan ki irigi wa, wagi ha hawagi wa, di ni Yawe ma buɗugi ay kina.

EZAYI 52:9

Gagi soolla furira agi suu Yerusalemma halaŋ suu las ayna, kay Yawe ɗil ii suu mamsina wa, nam suɗ Yerusalem ki wa.

EZAYI 44:26

An li u boy ma vi saan ma sunda, suu a dan vun sun mandana an njunusi a ndaɗ di ki u voɗoɗu. An di zi ma Yerusalemma ana, nam coli kolo balamamu. Zi ma Yudana an dam ana, ko nam hoŋ ki kolo minda suuna cuk huwa. Tlesuu ay ki hawaɗina an hoŋosi minda hu balamasiya.

SOOLLA 69:35

Ŋgaagina, huulona u ndaŋgara, mbo lumma u tlesuu dukumma halaŋ.

NEHEMI 11:20

U suu Israel suu hinna, muli suu li ɓivunna, suu Levina ay ki hu ɦoŋzi ma Yudana halaŋ, gegelay hu liim ma ti jona.

2 DLAŊ MULINARA 6:6

Na may an man ɦoŋzi ma Yerusalemma a sen yi huwa. An hin man David a mul ma Israelna fok suu mansina.

EFESNA 1:4

Kay Lona jew bay li duliyara tu ni nam manaygi ki ana aygi ni suu mamsina hu Kristu kay aygi mba li fokommi suu jivi suu bay cora egesina hu min mamba.

ZAKARI 3:2

Sa sunda vi Yawe di Satanna ana, «Ko Yawe seŋeŋ vunuŋ kiyo, Satan. Gasi ko Yawe seŋeŋ vunuŋ kiyo, nam ma ŋgaɓ Yerusalem kina. Kay sa namma ni ko vun gu ma tlam ay ki duk kurana naɗi su?»

AMOS 9:14

An hin mbuɗ ɦalla vi suu man suu Israelna kiyo, asi hin hoŋ ɦoŋzi ma ɓeŋem kina minda, kak huwa. Asi hin pi ŋgusu gugutlura a hin caɗ sumuɗta, asi hin horok senena, tam vuɗum may.

JEREMI 33:13

Hu ɦoŋzi ma kay ɦinirana, hu ɦoŋzi ma hu mbassa kaŋga ura, hu mbassa Negebpa, hu mbassa ŋguy kay Yerusalemba hu mbassa vi Benjaminda. Hu ɦoŋzi ma vi Yudana, timigiina hin hoŋ ay balamasi, hin ulul fok sa ma hin ndumusina. Yawe di na.

JEREMI 31:13

Na ɗaŋŋi gorɓiina luu njoŋŋa, li furira, gor zoŋŋina lay, suu maarina lay. An mbuɗusi hahaw masira ki furira. An ɦasi saɓakŋa. An mbuɗ suu hurusi ki ɓeŋina li furira.

EZAYI 51:12

Anni sa ma njunugina. Agi li ndaa sa war ma miɗ kina ni kay mege? Goŋ Adamma ni ko ndal ɓo usuna ɦawa na.

EZAYI 49:13

Huulona gi soolla furira, ndak ndaŋgara li furira, agi ɦinira saagi walla furira may. Kay Yawe so u suu mamsina wa. Suu mam suu yasi li homi kaŋgana nam wasi hahawasi wa.

NEHEMI 11:3

Gola muli suu ay hu ɦoŋzi ma bagina mbay kak hu Yerusalemma. Suu daŋŋa hu ɦoŋzi ma vi Yudana a gasira ni Israel, suu Levina, muli suu li ɓivunna, suu li sunda, goryoŋ suu li sunda vi Salomonna kak ki ni gegelay hu liimma, hu ɦoŋziimma.

ZAKARI 1:14

Nam sa sunda huulona ma ɓak u anna dan ana, «Ɓak ha kiyo, Yawe, ma Saɓakŋa Kom Belna, di ana, Yowmusna ka hurun ŋgolla eg Yerusalem u Siyon.

ZAKARI 2:4

An joɓ ɗaŋŋi ana, «Suu asina mbay a li ni mege?» Nam hoŋon dira ana, «Mekka ni mek mayra njay suu Yudana ki sa dew lay ka tli yam koloɗira. Suu dli caffa mba ni kay a mbuɗusi ndaanara, a kus mek suu asina kira, suu yow mekesi kolo kasi kay mbassa Yudara a njayaɗ kira.»

JEREMI 33:9

Asi hin li ni a gogor guun ma ɗuf wilina, ni semma tiira, ni dlara eg sana jivi mayra tak ki maŋ njaf suuna kay ndaŋgara halaŋ ana an ɦal tlesuu jivina maŋ Yuda u Israel ɦay lay. Asi hin mbuɗ ki ndaana ko tlesuu jivi suu an ɦasisinana lay, begera an ɦasira ŋgol cocora lay.