ZAKARI 1:15 - Boy Lonana

¹⁵ Na may an hurun ki ɓeŋi coco eg mbas mayra ki mini jivira. An may ɗaŋŋi hurun gin ki ɓeŋira ni ew kay Israel, asi may ni mba cuk kay cooɗta ni cuk kiyo.

ZAKARI 1:15 ပူးပေါင်းရင်းမြစ်များ

JEREMI 51:24

An warak Babilon u suu Kaldena halaŋ ki kay dla cora asi laɗ eg suu Siyonna ki ni irigiya. Yawe di na.

EZAYI 54:8

U hurum ma yara an ŋgay tan ki irigiya day hu buu ew. Cemi u minda ka daɓ kiɗira an tak tan ki irigi wa, wagi ha hawagi wa, di ni Yawe ma buɗugi ay kina.

ZAKARI 1:11

Na ɗaŋŋi asi suu asina hoŋ dira maŋ sa sunda vi Yawe ma coli duk ɦoŋ ŋgusuginana ana, «Ami poy ay kay ndaŋgara wa, ndaŋgara cecemi ka kaki en, ka koɗ taɗu.»

ZAKARI 1:2

«Yawe ɓeŋ hurum ki coco eg somoyogiya.»

SOOLLA 69:26

Ko ziisi ma asi kaamma hawaɗ kiyo, ko sa cuk hu ziisi namma oloɗi.

AMOS 6:1

Hahawra ka kay suu tin u heɓ masira kay Siyonna. Suu ɦal hurusi a kak u heɓpa kay ɦinira Samarira. Asi suu ŋgolo suu jew duk suunana. Suu hu zi ma Israelna mbay ni egesiya.

EZEKIYEL 26:2

«Goŋ sanna, suu Tirna san ki u Yerusalem ana, Ha ha vun grek ma vi suu asinana hawaɗ ki wa. Jew ni suu paara tuɗ huruɗ cocoo. Cemi wanda asi mbay ki ni varaygi may ɗaŋ. Aygi varak ɦiz ki may.

SOOLLA 137:7

Yawe, saa kay goryoŋ Edomma, suu di hu li ma Yerusalem ndi gana ana, «To zina ki ta ta tewem umba ay gii kaŋgara kiyo.»

SOOLLA 123:4

Ŋgulla ndakami ki wa. Ŋgul ndaɗta hoɓomi kiwaɗi. Suu ɦizina panami ni pani ɦawaa.

ZAKARI 6:8

Nam yan dan ana, «Gola, suu tuɗ irisi mbayawna, hinin ŋgus manda ha hu mbassa mbayawra.»

JOB 30:13

Asi kaan voɗ manda kiyo. Gegelay hal ni dlara a lan hawra. Sa ma njun tam kaɗi lay.

JEREMI 30:16

Na ɗaŋŋi suu caŋ kina hin casi ki may. Suu babali maŋsina halaŋ dukusi sa ka hin kiɗi, hin tuɗ ki ŋgayra. Suu ɦurumuŋŋa hin ɦurumusi ki may. Suu ɦurumuŋŋa halaŋ an hin suuna ɦurumusi ki may.

JEREMI 50:33

Na ɗaŋŋi Yawe, ma Saɓakŋa Kom Belna, ɓak anaba, Asi hahay ɦay, suu Israelna u suu Yudana iirisi ka ɓorow kiɗi. Suu lasi dla cora egesina vasi wa. Asi ka min a cukusiɗi.

HABAKUK 3:12

Aŋ ŋguy yam ndaŋgara u yaaŋga aŋ tay suuna ki kaŋga u seŋ u yaaŋga.

ZAKARI 14:12

Gola, ni dla co mayra Yawe hin poŋ suu duu u Yerusalemma u ndaɗta. Nam hin cimisi kiyo, na ɗaŋŋi gegelay hin li colira ni kay semu, zozoy irisi hin cim ki hu zuluɗu, sinisi hin cim ki funusiya.