ZAKARI 1:12 - Boy Lonana

¹² Sa sunda vi Yawe hoŋ dira ana, «Yawe, ma saɓakŋa kom belna, aŋ hin juɓmi ara na ta ta a hin wi hahaw Yerusalem u ɦoŋzi ma Yudana suu huruŋ ɓeŋ ki egesi basara dok kiɗisiyana ni ge?»

ZAKARI 1:12 ပူးပေါင်းရင်းမြစ်များ

ZAKARI 7:5

«Di suuna halaŋ u muli suu li ɓivunna ana, hu li ma agi lagi laara u yoo tara hu til ma vadlna u ma kiɗisiyana ta ta basara dok kiɗisiyara na ni agi lagi laa ndaɗta ni kan ko su?

DANYEL 9:2

hu basaɗamba dewra a mulna, an Danyel hal ndum basara hu magaara ko boyna vi Yawe di sa jok vun lona Jeremiera a faɗ u ɓeŋga vi Yerusalemba basara dok kiɗisiyara na.

JEREMI 29:10

Na ɗaŋŋi Yawe ɓak anaba, hu li ma basara dok kiɗisiyara jak ki kay Babilon wa ni an hin gologiya, hin tak dla mayra an vi vunun kaɗ a laɗ kay hoŋogi ay hu li nammara.

SOOLLA 102:13

Na may aŋ, Yawe, ka tew tew, basara basara halaŋ ka tak ki kaŋu.

SOOLLA 74:10

Ҥi, Lona, suu babali mamsina hin hinimi panda ni saɓage? Asi hin hin ŋgulla ŋguluŋ seŋga ni saɓage?

WIRA ŊGAYRA 6:10

Asi sawalla ay kolo u delesira eŋga ana, «Bu Suuna ma jivi teteɗ gasina, aŋ juɓ na gak gak, hin kaɓakŋa kay suu hu ndaŋgara a cukusi daŋgayna kay cira asi cami kira ni saɓage?»

ZAKARI 1:8

Tlena tak tasi ki irin njeŋgee, sana fuli kay kulumma tam tlaw tlawi, nam coli duk ɦoŋ ŋgusugina ha ki duk na day, kulumi suu tasi tlawina ay njari ŋgoromu, suu tlawasi haɓ haɓma u suu haɓagina.

2 DLAŊ MULINARA 36:21

Gola boy ma Yawe dam ay fun sa ma jok vun Lona Jeremina li ki ni ko ndaɗta na, ma di ana, «Mbassa hin hin ki ɦawaa ta ta basara dok-kiɗisiya, ta ta basa mamba koɗ tara daɓ ki tuwa, kay a warak ki ni balam koɗ tara mbassa fi koɗ ta kaɗira ta asi li ka u gaɗtaɗi ndaɗta.»

HEBRENA 7:25

Nam ndak suɗ suu mba eg Lona u semma kiyo, cecemi lay a fafatɗa, nam ka iiri tew tew, cen Lona kasiya.

EZAYI 63:9

Hu yoo masira halaŋ a suɗusi kira ni nam sun sa ay ka suniɗi, nam u tamba suɗusi ki ni namu. Hu min mamba u hurum ma haɗ kay suuna, nam u tamba buɗusi ay ki ni namu. Nam yowosi ki koloo, nam ziirisi kolo hu buuna halaŋ ay hu fok jewra.

SOOLLA 69:5

Asi zuli su tlimiɗ yanu, ni suu kaan dlara kan bay uɗna. Suu asina saɓak cocoo, asi kaan boyna kanu, va ma an kulum kaɗina, hin hoŋom mi ana mege?

SOOLLA 102:10

An ti a fuuna ni buɗna, mbo ma an camma tlumi u simina.

JEREMI 12:4

Ndaŋgara hin yoo taɗ ni buuna ta ta gage, usu ma bagina hin so ki ni saɓa mayge? Mburi suu bagina miɗ ki ni kay cora vi suu maɗsinara. Asi suu di ana, «Nam ka wami voɗomiɗi.»

JEREMI 15:17

An ka tuɗ a hal ni jivi mandaɗi hu li ma an tuɗ eg suu luu u dlara na. U ndaa ma lam koŋŋa an kak ki keŋe kay ana aŋ oyon ndaana ki hurun cocoo.

JEREMI 30:18

Na ɗaŋŋi Yawe ɓak anaba, an hin hoŋ mbutluɓma vi Yakobma kolo balamamu. An hin wi hahaw suu hu ɦoŋzi nammana. Ҥoŋzi managelay ni minim ki kolo kay ɦini mamba. Zira jivi taragelay hin fi liiɗ ma jewna.

DANYEL 12:6

Asi ɓak sa ma baraw dlemba cuki egem coli kay yona hu lummana ana, «Tlesuu ɦal saara maŋ suuna asina hin daɓ ki ni saɓage?»

HABAKUK 1:2

Yira an yaŋ ana Yawe mbay njununura tew kaɗi ni hu li manage? Aŋ ka humbi. An yaŋ ha kolo u delen eŋga ana aŋ mbay u saɓak maŋŋa, aŋ ka suɗunɗi.

SOOLLA 79:5

Ҥi, Yawe, ya ndaɗta tuɗ ta ta tew ni ara na gage? Yaaŋga ŋgalami tami ko kura nara hin hinimi ni saɓage?

DI BOLLA 3:3

Buu ma ci kina ni dew, buu ma garaɗta ni dew may. Buu ma to zina kina ni dew, buu ma minda ni dew may.

EZAYI 47:6

An hurun ɓeŋ ay eg suu mansina, An mbuɗ suu mansina ki zolona. An hiniŋsina ki aŋ lasasiya. Aŋ wasi hahawasi ka na ndeɗi lay. Aŋ las suu maarina lay, golosi kaɗi.