YOORA 5:18 - Boy Lonana

¹⁸ Ni kay ana ɦinira Siyonda bulum ki wa, bayakŋa mbuɗ poy ki kaɗu.

YOORA 5:18 ပူးပေါင်းရင်းမြစ်များ

MISE 3:12

Kay ndaɗta ni kagi agiya, ɦoŋzi ma Siyonna suuna hin zumum ki senena, Yerusalem hin mbuɗ ki ni didiŋga, ɦinira, Ziŋ Lonara mini kaɗta, hin mbuɗ ki ni bubura.

JEREMI 9:11

Lini sana wi yali ni, nam huma, ɓak dlara vun Bu Suuna dambara kiyo. Ni kay me mbassa ɓeŋeɗ ki nige? Ŋgalaɗ ki ko fulla sa ka jak huɗira na nige?

JEREMI 52:13

Nam gi kura eg zira vi Lonara eg ziŋ mulnana u zigini suu Yerusalemma halaŋ halaŋ, u ziŋ suu ŋgolo suu sunda lay.

JEREMI 26:9

Aŋ hal doli a ɓakŋi ana u sem Yawe, Zi ndaɗta hin mbuɗ ki ko Silo na, ɦoŋzi namma hin paliyam kiyo, hin cam suu hurumma kiyo.» Suuna halaŋ hu Ziŋ Yawera tok tasi eg Jeremi.

JEREMI 17:3

Aŋ ma ɗegee ma goɓ Lona kay ɦinira lay, hu lina bel layna, bege maŋga u tlegeyeŋ halaŋ an ɦasi ki maŋ suuna asi ɦurumusi kiyo, kay cora agi laɗ hu li ma kolo dayna kay ndaŋga magira halaŋ halaŋga.

NEHEMI 4:3

Na ɗaŋŋi ami cen Loomina. Ami hin hal li ma gol u lina hurum faali may, njeŋge may na kiyo, ni kasi asi lay, egesi asi lay.

SOOLLA 63:10

Suu halan iiri mandana, hin ba kiyo, asi sel kaŋga duk ndaŋgara, hu zulla uɗ ka doɗira.

DANYEL 9:17

Cecem wanda ɗaŋŋi, aŋ, Loomina, hum cenda vi saaŋ ma sunda u yoo taamba haa. Gol liiŋ ma teteɗ ma asi ɓeŋem ki kay seŋ aŋ, Bu Suunana.

2 MULINA 25:9

Nam ŋgal Ziŋ Yawera kiyo, ŋgal ziŋ mulnana ki may, ŋgal zi ma Yerusalemma ki halaŋ halaŋ, to zi ma vi suu ŋgolonana ki bel bel.

EZAYI 64:9

Ҥoŋziiŋ ma teteɗna mbuɗ ki ni ŋgoo bagira, Siyon mbuɗ ki ni ŋgora. Yerusalem ɓalak ki wa.

JEREMI 9:10

An mbuɗ Yerusalem ki a gogoyra moli kay taɗta, li ma bayakka moli huna, ɦoŋzi ma Yudana ki li ma hahawra. Suu huna casi kiyo.

JEREMI 44:2

Na ɗaŋŋi Yawe, ma Saɓakŋa Kom Belna, Lona vi Israel, ɓak anaba, «Agi wi dla co mayra an mbaaɗ ay kay Yerusalem u Yudara halaŋgi su? Gola asi cecemi bulum ki wa. Sa ka kak hu oloɗi.

JEREMI 44:6

Na ɗaŋŋi yaanda mba kasiya. Kura ko wanda na. Ndaɗ ŋgal ɦoŋzi ma Yudana u voɗta Yerusalemba kiyo. Asi mbuɗ ki ni didiŋga hu jonara, li ma hahawra. Ni dlara ka cecem wanda daŋ may.

EZEKIYEL 13:4

Aya, suu Israelna, suu magi suu jok vun Lona ni ko ndal bayakka viɗ ki bagi u lambara na.