YOORA 4:2 - Boy Lonana

² Goryoŋ Siyon suu jivi cocona, suu gususi loɓma ko ndal lorra na na, ni nana asi hin ndumusi ki ko ndal doyogi luɓuna suu sa min doyogina minisi u komba na ni ge.

YOORA 4:2 ပူးပေါင်းရင်းမြစ်များ

EZAYI 30:14

Olo ni, ko ndal doy ma vi sa ma min doyogina to kira na, nam to ki ni na yereɓ yereɓ ka fam kamayambi, aŋ ka fi haɓalaw ma yow kuɗi lay, ka fi li ma go yo ay vo oloɗi lay.

JEREMI 19:11

Aŋ hin dasi ana, Yawe, ma Saɓakŋa Kom Belna, di anaba an ci suu asina ki hu ɦoŋzi namma ko ndal suuna to doyra sana miniɗta ki hin ka miniɗ oloɗira na. Li ma tos suuna kaɗi hin tososi ni hu otel ma ɓivunna lay.

2 TIMOTE 2:20

Hu zira ŋgolla ni tlesuu li tina ni ka suu lor u kawina doy holɗi, tlesuu guna u luɓuna ka lay. Ma jewna tinimmi kay luu ma ŋgolla. Hiŋŋa ŋgaɓi ni kay sunda hu buuna tew tewra may.

2 KORINTNA 4:7

Ami suu ka u begena vi Musukka komina, ami ni ko doy luɓuna na, kay sana wi ki ana saɓak mami ma mbuɗ mbuɗta namma col ay ni ko Lona ka komi amiɗi.

ZAKARI 9:13

An tli gu mburu manda kon wa, ni Yuda, an tiniɗ mburra huruɗ wa, ni Efrayim. An hin sook u goryogu, Siyon, ek goryoŋ Gresna, an hin vak kon ko sa duuna ko ŋgew mamba kolo kamba na.

YOORA 5:12

Asi ɓal goryoŋ mulinana ki kolo fun guna u kosiya. Suu basina sa ka ŋgaasi oloɗi.

EZAYI 51:18

Goryoŋ suu aŋ vuɗusi hu duliyara halaŋ ma njunuŋ ka dewɗi. Duk gor suu aŋ wulusina halaŋ ma njun kaŋ kaɗi.

YOORA 2:21

Ki kaŋga duk ndaŋgara hu voɗta suu maana u gorzoŋŋina casi kiyo. Gorɓii mansina u gorzoŋŋii mansina casi ki u ŋgewna. Aŋ cim suuna ki hu buu ma yaaŋga. Aŋ ŋgaɗ suuna ki ka saa kasiɗi.

JEREMI 22:28

Sa yam ana Koniyana mbuɗ ni va ma ki tooyna, ma ka li sun oloɗina, mbuɗ ni va ma suuna ka minim oloɗinaɗi su? Ni kay me asi cukusi ha ki ni ge? Nam lay goryom lay cukusi ha ki kay ndaŋgara asi ka waɗɗi layra ni ge?

JEREMI 19:1

Yawe ɓak anaba, tuɗ gus doyra aya, man suu maarina duk suuna, duk muli suu li ɓivunna.

Magaara Vi Sa Jok Vun Lona OZE 8:8

Israel ki ligiya, gola asi ka duk njaf suuna ni ko ndal va ma sunum kaɗina na.