An vi galamba u asi ni a fafaɗta. An hin ka seŋ ɦalla ɦasi tlesuu jivina dukgi, an min ana asi ŋgaanni u hurusi ma kurufu dayna, ka ɦuɗ tasi ki egen day oloɗi.
An ka ndak a li hurun yara egesi na gak gakgi, an ka ɓalakasi hurusi ha na gak gakgi, li ka naɗi ni ŋgus masira maŋ ki fokon cocoo, an lasi iiri masira ni an lay.
Hin ŋgaaŋŋi u Lo manage, aŋ ma bulum cora vi suuna kina, aŋ ma ka caa yaŋ kay yaraɗi lay na. Kay minda vi tlesuu hinna, jooŋŋa ka a mbuɗ co u yaaŋgaɗi, kay ana aŋ min a lami ni jivira egemiya.
Suu asina ka saara, aŋ wi lay ana Yawe noy njaf suu mba' suu nam ŋgaɓasina kiyo. Na ni asi hin noyon suu mansina ki kay ana asi ka suu masisina oloɗi su?
Na ɗaŋŋi Yawe ɓak anaba, Lini asi tew a ŋga huulona ma kolona, ŋga u ndaŋgara ma tin ay kaŋgana ki may ni, an may ni hin ndak a hin njaf suu Israelna ki kay dlara asi laɗta halaŋ. Yawe di na.
Yawe ɓak ana, li ni asi ki kay tasi bolow coco lay ni hin zaarasi ki wa ni daɓ ki gaw. Li ni an mbuɗuŋ ki zolo lay ni, an hin ka a mbuɗuŋ ki zolo oloɗi.
Gasi aygi hin miɗ ko ndal yo ma vooy kaŋga kay ndaŋgarana na, sa hin ka hoŋom gora koloɗina na, na may Lona hurum ka min dla ndaɗtaɗi. Nam tin saaram ki ana sa ma dikim kina li ha ki egem di ki na dayɗi.
