YOORA 3:25 - Boy Lonana

²⁵ Yawe jivi kay sa juɓumma kay sa ka halamma.

YOORA 3:25 ပူးပေါင်းရင်းမြစ်များ

EZAYI 40:31

Na may suu hin tasi kay Yawena hin fi saɓak ma wilina, asi hin mbuɗ ni ko bakŋa na, asi tuɗ fok na ɗow ɗow ka mbuɗ maŋiɗi. Asi huɗ tasi foko ka loɓ kiɗi lay.

SOOLLA 37:34

Juɓ Yawe, col hu voɗ mamba, nam hin ɦaŋ saɓakŋa a kak mulna kay mbassa, aŋ hin wi suu cona ki dikiya.

EZAYI 25:9

Hu buu namma suuna hin di ana, Nammi Loomina, ami tin hurumi kamu, nam buɗumi ki wa. Yawe ni sa ma ami tin hurumi kamma. Ŋgaaygina, furiyuygiya kay nam suɗuygi ki wa.

YOORA 3:26

Ni jivi a tin huruŋ seŋi selewen kay suɗta vi Yawera.

SOOLLA 27:14

Juɓ Yawe, kak saɓagi, li ndaaɗi. Juɓ Yawe.

SOOLLA 37:7

Kak na en eg Yawe, saa ni kamu, ɓeŋ huruŋ eg sa ma ka finaɗi, eg sa ma li dlara u mbambaraɗi lay.

EZAYI 30:18

Na may Yawe ka juɓmi buu ma nam a li oora kagina. Nam hin col kolo tak oo mamba kiyo, kay Yawe ni Lo ma ɗegeena. Furira ka kay suu tin hurusi kamma.

2 DLAŊ MULINARA 31:21

Hu li ma nam gijaŋŋa a min Ziŋ Lonara kira ni, nam hum u gaɗta vi Lonara u neemba halaŋ, nam so tam a wi minda vi Lonara. Nam li dla ndaɗta na ni u hurum halaŋ. Lona njun um hu dlaamba bel may.

Magaara JAK Ɓiiriɗta 5:7

Gorsenna ɗiligi irigi u lalamba na ɗil gak gak falira Bu Suuna hin mbara. Gologiya sa ma horokŋa ka ɗigil irim kay juɓ tlesuu ndaŋgara neesina. Nam irim na ɗil gak gak juɓ lo ma si jewna u ma si daganna lay.

Magaara Vi Sa Jok Vun Lona OZE 10:12

Zaaragi ni zaara gasira, agi hin feɗegi tlena u furira. Poogi sene ma wilina, cecemmi ni li ma hal Yawena ta ta nam mba njayaygi ɗegee mamba kaygiya.

EZAYI 64:4

Aŋ mbay ŋgaf vok suu may suu li min maŋgana, suu laɗ u furira, suu saa a tuɗ hu voɗta aŋ takaɗta. Li ni aŋ mbuɗ ya lay ni kay ami li cora, na may ami hin suɗ ki ni kay ami ka tuɗ hu voɗta tew tewra.

2 DLAŊ MULINARA 15:2

Nam kal ki tuɗ fi Aza dam ana, «Mulna Aza, agi suu Yudana u njaf suu vi Benjaminna halaŋ, humungi vunun haa. Yawe ka u agi ni hu li ma agi ka u nam mayna. Lini agi halamu ni nam hin tak tam irigiya. Lini agi noyom ki wa ni, nam noyogi ki may.

EZAYI 55:6

Halagi Yawe kay nam tak tam irigi wa. Yagina kay nam ka ni na tok daŋ.

SOOLLA 61:5

An min kak hu ziiŋŋa na gak gak, an min ŋgay tan u garaŋaŋu.

SOOLLA 39:7

Sana ni ko va ma ɦawana na. Nam ka loɓ tammi ɦawaa. Nam ka tok yam begera, may ka wi sa ma hin bas bege ndaɗta kanaɗi lay.

SOOLLA 27:8

An saa ni kay Boy maŋŋa, «Aŋ halanu.» An ka halaŋŋi aŋ may, Yawe.

SOOLLA 25:8

Yawe jiviya, nam ɗegee, nam tak voɗta maŋ suu li dla cora.

1 DLAŊ MULINARA 28:9

«Aŋ taŋga, goronna, Salomon, wi Lo ma vi buŋŋa kiyo, lam sunda u huruŋ ma dewna u musukuŋ toki dew, kay ana Yawe wi huuna, wi saara huu sanara halaŋ lay. Lini aŋ halamu ni aŋ hin famu, lini aŋ noyom kiyo ni, nam hin noyoŋ ki a fafaɗta.

SOOLLA 119:2

Furira kay suu hoŋ tasi ga u gaɗ mambana, asi ka halam u hurusi halaŋ.

URA TIN AYRA 49:18

An ka juɓuŋŋi suɗ maŋga, Yawe.

1 TESALONIKŊA 1:10

Agi ka juɓum goromma hin mbay kolo huulona ni goromma Yesu ma nam paɗam ki kolo iiri duk suu miɗinana, ma hin buɗuygi ki hu yara vi Lona ta hin mbay wan daŋga.

SOOLLA 22:26

An min li dlara an vi vunun kaɗta. An min ŋgaaŋ ki fok suu tokina halaŋ, suu laŋ ndaaraŋŋa.

SOFONI 3:8

Yawe di ana jiviya, juɓungi haa, juɓungi ha hu buu ma an hin col ay kolo a kaɓakŋana. Saa manda ana an bulum suuna kiyo, tok mulina kay tasiya, cukusi yaanda kasiya, cuk tiitara vi yaandara kasi halaŋ kay ana yam ndaŋgara halaŋ an hin ŋgalaɗ ki u kura.

EZAYI 26:9

Duk njeŋgera lay an pereɗ iiri manda ha ni egeŋu, ŋgus manda hurun kurufura halaŋŋi aŋu. Hu li ma ɓak maŋŋa ka ka hu duliyara, suu kay ndaŋgarana halaŋ ka haɗaŋ ɗegee maŋga.

SOOLLA 105:3

Lagi furira kay sem ma teteɗna, agi suu hal Yawena furiyugiya.

SOOLLA 61:1

Soolla vi sa ma fok suu gi soollana, soolla vi David, gaɗ u diŋŋa.

SOOLLA 69:32

Ni va ma jivi ii Yawe su mbutl ma sana ŋgaɗamma, su bolo mbutl ma mekem fiyeki cocona.

2 DLAŊ MULINARA 30:19

Maŋ suu tin hurusi a hal Lonana halaŋ, Yawe, Lo ma vi somoyosina, li ni tasi ka ki teteɗ ko gaɗta dira naɗi lay.»

2 DLAŊ MULINARA 19:3

Doli ɗini dlara jivira ka huruŋu, kay aŋ ŋgal gu ma teteɗ ma asi pam maŋ Aserana ki hu mbas maŋga bel bel. Aŋ vi u huruŋ halaŋ a hum vun gaɗta vi Lonara.»

EZDRAS 8:22

Kay an li zolona joɓ mulna ka nam ɦaygi suu kulumina doo suu bablira ki kaygi hu voɗtaraɗi, gasi daŋ may aygi di mulna ana, «Ko Lona ma jivina ka kay suu halamma halaŋ may, yaamba ŋgol coco kay suu noyom kina.»

SOOLLA 71:14

An may ni hurun tinira ni kaŋu, an so tan a geleɗeŋŋi aŋ dew.