Ami gi ŋgoɓpa ko bosogona na. Ami lak u tiina tew tew ko ndal gugukka na. Ami saa ana Lona hin mba njun kami su? Ni kaɗi lay. Ami ka juɓumi suɗta ni ndaɗ ɦuɗ taɗ ha ki egemi na day.
Kay ana ki jew buu namma ni suuna ka fi vaɗi, mbuurina ka li va jiviɗi lay. Kay suu tuɗ duk cowcow na, sa njun kasi a doo suu duu u asina kaɗi. Kay ana an cuk suuna halaŋ halaŋ eg tasi wa.
An tii ni kay boy namma. Irin simina u dlaɗ jak kay ana sa heɓen hurunna ha ki egen day. Sa hin ɦan saɓakŋana. Gola goryon ki ciya kay sa babalira ni ma saɓak cocona.
Gasi Yawe ɓak anaba, kal hu zira suuna tok tasi huruɗ a tii maɗnaraɗi. Tuɗ tii maɗnaɗi. Saa kay suu asina a lasi dlara jivi egesiɗi, kay ana an hoŋ begera an ɦaɗ maŋ suu asinara ki yowra wa, ɗegeera u heɓba. Yawe di na.
Aŋ noy Yuda ki wa su? Aŋ ka min Siyon oloɗi su? Ni kay me aŋ waɗami u dla cora ka daɓbi lay ni ge? Ami juɓumi ni heɓpa may, ndaɗ ka mbaɗi. Ami juɓ li ma ami a fi garaɗta hurumma may ndaana mbay kamiya.
Lini ɦinira jok uɗ ki hin liiɗ ka lay, lini lii kolo mbuyna geŋeɗ lay, bana manda u agira ka jokgi. Galam manda vaɗ u agira ka bulum kiɗi. Galam manda an ɦagi heɓpara ka daɓ kiɗi. An daŋ boy namma ni an daŋ may, an Yawe hurun oy u mind tew tew.
