YOORA 2:9 - Boy Lonana

⁹ Vun grek ma vi Siyonna ŋgaa ki kaŋgaa duk ndaŋgara. Nam ɓeŋ tlena, to vun ziginina kiyo. Mul maɗna u goryom ki duk suuna, gaɗ ka kasi oloɗi. Suu may suu jok vun Lona lay ni ka fi dlara col ay ko Yaweraɗi.

YOORA 2:9 ပူးပေါင်းရင်းမြစ်များ

EZEKIYEL 7:26

Dlara hahawra u yoora zul ha kay taɗ ni zuli na ɗow ɗow. Boy ma wanna mba na ni, ma hiniŋŋa ay dagan gaw. Asi hin joɓ dlara ha fokka ko sa ma jok vun Lona. Muli suu li ɓivunna gaɗta vi Lonara viɗ ki irisi lay. Sa ŋgol ma gaɗ kemba ka oloɗi lay.

Magaara Vi Sa Jok Vun Lona OZE 3:4

Ko ndaɗta na goryoŋ Israelna hin kak buuna bolowo, mul kaɗi lay, ɓivun kaɗi lay, ka ceɗ gogoyɗi lay, ka tli va kosi a tuɗ fok Lona u nambi lay.

NEHEMI 1:3

Asi dan ana, «Suu hin ay u suu yowosi ay ki mbaɓura hu ɦoŋzi ma baginana ni hu hahawra ŋgolla u zolona lay. Gulumun ma Yerusalemma gaɓalam hinni nam ɦawaa, vun grekŋa ki ŋgali halaŋ may.»

2 DLAŊ MULINARA 15:3

Basara ŋgol coco suu Israelna ka wi Lo ma gasinaɗi, ka min a haɗambi lay, gaɗ kaɗi lay.

JEREMI 51:30

Suu saɓak suu Babilonna min ka a duuɗi, asi hal keŋ lina ŋgay tasiya. Asi mbuɗ ki maŋira ko boyogina na. Asi ŋgalaɗ ziiɗ kiyo, vun zigini maɗsina ki tooya.

SOOLLA 74:9

Cemi ami ka wi vaami ma dew oloɗi, sa ma jok vun Lona kaɗi lay, dukumi ni sa ma wi ana dla ndaɗta hin daɓ ki saɓage kaɗi.

GA 8ATAMBARA 28:36

«Yawe sunugi u mul magi ma agi tlam fokogina ha ki maŋ njaf suu somoyogi lay agi tagira lay ka wasiɗina. Ha hu li namma agi sunni loogi suu hawana, gugunina u ɦinira.

EZEKIYEL 17:20

An gunum bay manna ki fokomu. Nam hin vi ni hu bay manna. An hin tuɗum ki hu Babilon. An hin kaam ɓakŋa ha kammi huwa kay dla cora nam landa egenda.

EZEKIYEL 12:13

An hin gun bay manna ki fokomu, an hin vamu, an hin tuɗum ki hu mbassa Babilonda, mbassa vi suu Kaldenara, nam hin miɗ ha ki ni hu mbassa nam waɗ ka dewɗira.

YOORA 4:20

Semeɗ ma sel ay ki cinimina, sa suɗta vi Yawe, hinimi ki mbaɓura hu li ma asi maaram kina, ma aygi di kam ana, Aygi hin kak iirira duk njaf suuna ni u saɓak mammana.

YOORA 4:15

Gol taŋ jiviya, sa cona suuna yasi ay kolo na. Gologi tagi jiviya, gologi tagi jiviya, tinigi kogi egesiɗi. Asi liŋa, asi talalla, na may njaf suuna jok tasi ana, Aygi ka ndak a vasi varaygi a koyogina oloɗi.

YOORA 1:3

Ki mbuɗi zolona, ki hu lassa mbaɓura, Yuda tuɗ ki hu mbaɓura, ndaɗu, ndaɗ kak ki ni duk njaf suuna. Ndaɗ ka fi yal ma mbuɗ saɓakgi. Suu halaɗ dlaɗ a caɗ kina ɦeɓeɗ ki kolo wa.

JEREMI 52:14

Gulumun ma Yerusalemma may ni sa ŋgol ma gol u suu Kaldena ɦasi voɗta asi toom ki kaŋga bel bel.

JEREMI 39:8

Taraŋ ŋgolla u sigini suu jivi cocona suu Kaldena gasi kura ŋgalasi ki may, to gulumun ma Yerusalemma ki kaŋga may.

JEREMI 39:2

Sedesiyas hu basadamba doogo yam dewra hu til ma fiɗina hu buu ma dleeŋena asi gi zulla kay ɦoŋzina.

JEREMI 14:14

Yawe hoŋon dira ana, «Dlara suu jok vun Lona ɓakaɗ u senda ki ni coo. An cukusi ay ka ni anɗi. An joɓosi va kaɗi lay. An dasi dla ha kaɗi lay. Wiisira ni ta kaboyna. Asi di ni boy ma um kaɗina. Dlara njaɗaɗ u yasira, dlara asi faɗ kolo duk ganyam suuna u ndaɗta ni boy ma asi ɓakamma.»

2 MULINA 25:7

Asi ŋgaɗ goryoŋ Sedesiyasna ki kaŋga irimmi na gok gok. Ŋgoo dagan Nabukodonosor hin co ii Sedesiyas ki jak may. Njunum u galina mba tuɗum vo hu Babilon.

JEREMI 23:16

Na ɗaŋŋi Yawe, ma Saɓakŋa Kom Belna, ɓak anaba, Tinigi saaragi kay boy ma suu jok vun Lona dagina naɗi. Asi ganagi ni yagiya. Dlara asi daɗta ni saa masira mbay kay yasira. Dla ndaɗta col ay ka fun Yaweɗi.

Magaara Vi Sa Jok Vun Lona OZE 11:6

Ŋgewra hin gik mberwenna hu ɦoŋzi namma. Ndaɗ hin bulumusi saɓakasi kiyo. Ndaɗ hin casi ki kay dla coosira.

AMOS 1:5

An hin weles vun grek ma Damasna kiyo, suu hu zi ma ci maɗna wani an casi kiyo. An hin ci mulna kiyo, sa ka ti mulla hu Beth Edenna, na ɗaŋŋi suu Syrina hin yowosi tuɗusi ha ki hu Kir, Yawe di na.

GA 8ATAMBARA 28:63

Ko ndal Yawe min a lakagi u furira zulugi coco lay, na lay Yawe min a baagi kiyo, daɓagi ki kay ndaŋgara lay, agi hin yow ki hu ndaŋgara agi tlaɗ ki magi gin wandara.

1 SAMUEL 28:6

Sol joɓ Yawe, may Yawe hoŋom dira kaɗi, ka u doyra diraɗi lay, ka u Urimɓi lay, ka fun suu jok vun Lonaɗi lay.

EZAYI 24:12

Va maa hin ka hu ɦoŋzina oloɗi, vun goŋina halaŋ ki kusiya.