YOORA 2:6 - Boy Lonana

⁶ Nam ɓeŋ senena u li ma asi ŋgaf vok tasi huna kiyo. Nam ɓeŋ li ma asi li luuna huna kiyo. Yawe maa ki kay luu mamma u buu ma Sabbatna. Nam mbuɗ suu mulina u muli suu li ɓivunna ki zolona u yaamba.

YOORA 2:6 ပူးပေါင်းရင်းမြစ်များ

SOFONI 3:18

An tok suu li ay ka li luunaɗina eg tasiya, asi li ay ki ni egen day, Yerusalem zolona li caɗ nekka cocoo.

YOORA 1:4

Voɗta Siyonda mbuɗ ki hahawi. Sa ka mbay a li luuna huɗi. Vun zigini maɗsina ki ɓeŋŋi bel bel. Muli maɗ suu li ɓivunna ka yoo tasiya. Gorɓii maɗsina mbuɗ ki hahawra. Ni dla co me kasi na ɗaŋge?

YOORA 4:16

Yawe kal ay ki kiɗik njayasi kiyo. Nam ka min a wasi oloɗi. Sa ka hum vun muli suu li ɓivunna oloɗi. Sa ka gi yam kaŋga fok suu basina oloɗi.

MALASI 2:9

An may ni hin lasagiya, mbuɗugi ki zolona duk suuna, hu li ma agi ka tuɗugi hu voɗ mandaɗina, hu li ma agi vi vunugi kay dlara wani ka li uɗɗina.

EZEKIYEL 17:18

Nam suu tam ay kiyo, vi galamba kiyo, vi kom ki u nam lay, hin bulum galam ndaɗta kiyo ni nam ka ndakgi, kay nam li ni coo.

YOORA 5:12

Asi ɓal goryoŋ mulinana ki kolo fun guna u kosiya. Suu basina sa ka ŋgaasi oloɗi.

YOORA 4:20

Semeɗ ma sel ay ki cinimina, sa suɗta vi Yawe, hinimi ki mbaɓura hu li ma asi maaram kina, ma aygi di kam ana, Aygi hin kak iirira duk njaf suuna ni u saɓak mammana.

EZAYI 64:11

Yawe, ɓalak ndaɗta na ni aŋ kak na en, ka di vaɗi su? Aŋ ndak seŋ taŋ na gak gak, hinimi ami las tu su? Hin a dlara su ki kami saɓaki tu su?

EZAYI 63:18

Suu maŋsuu teteɗna cuk hu mbas masira ni wan daŋ tuwa, suu babali mamsina tooŋ Ziŋ Lonara kiyo.

EZAYI 43:28

Kay ndaɗta an mbuɗ suu ŋgolo suu li sunda hu ziŋ Lonara ki zolona. An kaɓak ma ba kina kay njaf suu vi Yakobma, an hin njaf suu daŋŋa las suu Israelna.

EZAYI 5:5

Ni an min haɗagi dlara an hin a laɗ eg sene gugutlu mannara haa. Hawaɗagi dlaɓpa kamba ki hin tlena tam kiyo, an min to gulumun ma gi kamma kiyo, hin voɗta duk suuna tayam ki gaa.

EZAYI 1:13

Mbaaran ki ɓivun ma ɦawa namma ay oloɗi, ndoos ma agi ɗusumma an ka minimbi. Luu ma vun tilna, buu ma vi Lonna, tokka tok tagira, an ka ndak a siɓ tle asinaɗi, kay agi ɓalak dla ndaɗta ki u dla coogira wa.

EZAYI 1:8

Yerusalem hinni ko ndal gi ma pam duk sene gugutluna na. Ni ko mbutluɓma pii ŋgoo duk senena ma kuusira na. Ni ko ɦoŋzi ma hin duk suu duuna ŋguyum yam kina na.

SOOLLA 89:40

Aŋ mbuɗ galam maŋga u saaŋ ma sunda kiyo. An cukum jumba mul mambanara ki ga duk doroɓma, mbuɗuɗ nje njee.

SOOLLA 80:12

Koɗ tuɗ ta ta tew mbo lum ma ŋgolna, koɗ ma daŋŋa tuɗ tew mbo lum ma Eufratna may.

SOOLLA 76:2

Suu hu njaf Yudana halaŋ wi Lona, sem yi ŋgol coco duk suu Israelna.

JEREMI 17:27

Lini agi humungi ka kay buu ma vi Lonna ŋgaɓam ki duk ndarayammanaɗi, ka saa kay tlira tli nekka hu buu nammaraɗi lay, kay kalla kal hu vun grek ma Yerusalemma hu buu ma vi Lonnaɗi lay ni, an hin ŋgal kura vun grek namma ndaɗ hin ŋgal zigini suu jivi suu Yerusalemma ki lay, hin ka tew kiɗi lay.

JEREMI 50:28

Vunna ka liya. Suu ŋgay tasina u suu usi hin hu mbassa Babilondana mbay ɓak hu Siyon kay sa sugul ma vi Yawe, Looyginana, sa sugul ma ay kolo huulonana.

DLAŊ LEVIRA 26:31

Ҥoŋzi magi ma ŋgolona an ɓalakam kiyo, an hin bowogi ziigira teteɗta ki gaa, an ka ɦisigi ɦis mbul magi ma ɦis jivi namma oloɗi.

SOOLLA 74:7

Asi ŋgalaŋ Ziiŋ ma Teteɗna ki u kura, asi mbuɗuŋ seŋ ma teteɗna ki nje njera.

EZAYI 5:6

An min hin li namma ki ɦawaa. Sa ka hin horok li namma oloɗi. Tlesuu siina ugi wayara hin day ki huwa. An hin doo ɗugulla ki ka ndaɗ si yona huɗi.

JEREMI 42:18

Gasi Yawe, ma Saɓakŋa Kom Belna, Lona vi Israel, ɓak anaba, ko yaanda li eg suu Yerusalemma na ni, yaanda hin li egegi hu li ma agi hin tew ha ki Egiptena ni na may. Agi hin mbuɗ ki zolona. Suuna hin li dla cora ni u segi na tew tew. Agi hin ka fagi li namma oloɗi.

JEREMI 45:4

Gola ni dlara aŋ hin dambara, Yawe ɓak anaba, Va ma an minimma an ɓeŋem ki ni an lay. Va ma an pamma, an paɗam ki u sarayam halaŋ kay ndaŋgara.