YOORA 2:4 - Boy Lonana

⁴ Nam tli gu mbuuru mamba kom ko ndal sa babalira na, coli kay bikim ma njufna min tam ko sa duuna na. Nam ci suu gol jivina ki halaŋ. Kolo kay mbutluɓ ma vi Siyon ta jivira nam vo yara ay ko ndal kura na.

YOORA 2:4 ပူးပေါင်းရင်းမြစ်များ

JEREMI 7:20

Na ɗaŋŋi Bu Suuna Yawe ɓak anaba, yaanda hin li hu li namma kay suu warna u mburina lay, kay ŋgusugi suu duk buburana u vuɗ tlesuu kay ndaŋgarana, ni kura hin ka tew kiɗira.

EZEKIYEL 24:25

Aŋ hum haa, goŋ sanna. Hu buu ma an tlasi saɓakasi kina ni, dlara asi miniɗta, tlegeyesi suu egesi mini mbuuna, furi masira asi furuyuɗ wandara, dlaasira jivira asi laɗta, goryosi suu njufiina u gorɓiina,

JEREMI 21:5

Aŋ maɗ koŋ kiyo u saɓak maŋŋa aŋ taŋga hin li duuna u yara, yara ŋgol cocora.

EZAYI 42:25

Kay ndaɗta nam vo yaamba kay suu Israelna, cukusi suu duuna kasiya, asi ŋgufusi kura ay ki kasi halaŋŋi asi ka wiɗi lay. Ku ndaɗta ŋgalasi ni asi ka caa yasi huɗi lay.

JEREMI 30:14

Suu banayaŋŋa halaŋ maaraŋ kiyo. Humusi ka gasi kaŋ oloɗi. An caŋ poŋga ko ndal poŋ sa babalira na. Ni haɗta eŋ cocora kay maɗ ma aŋ cam bolowna kay dla cora aŋ laɗ ka seŋ dukgi layra.

JOB 6:4

Kay mbuurura vi sa ma Saɓakŋa ka kusi egenu. An musuk ay ki ni ŋgis mbur ndaɗta lay. Ndaa ma Lona sunum ay a vi sana gana ka toki ni kan halaŋ.

NAHUM 1:6

Sa ma hin fi saɓakŋa a col fokomma ni gege? Sa ma hin col fokom a duu u nam hu li ma nam ki mbuɗi yarana ni gege? Yaamba sulul ni ko ku zinana, gogoyra loɗ ha ki fokom lay.

NAHUM 1:2

Yawe ni Lo ma yowmus coco lay, sa sugulum layna. Yawe sa sugulumu, yaamba li suuna ndaana ɦay. Yawe sa sugulum u suu babali mamsina, nam mbuɗ yara eg suu babali mamsina.

EZEKIYEL 36:18

An ɓalak hurun ki egesi ni kay busu ma asi voom ki ga kay mbassana u fuli masi suu asi tokolosi mbuɗ tasi ki njenjerana.

EZEKIYEL 22:22

Ko ndal suuna yoo doonona ga fun zul caffara na. An hin yoorogi ki hu Yerusalemmi na may. Ni agi hin wi ki ana an Yawe gi yaanda ay kagi ni an daŋ may.»

EZEKIYEL 6:12

Sa ma ha ki dayna tuguɗira cam kiyo. Sa ma tokŋa suu duuna camu u suu hinina yasi ki ŋguy u suu duuna gaw may. Asina hin laɓmi ko mayra may ta ta an daɓ yaanda ki egesi halaŋ halaŋ.

EZEKIYEL 5:13

An hin tak yaanda kiyo, takasi hurun ma ɓeŋi egesina kiyo. Asi hin wi ki ana an gasi ni Yawe. An ɓak u hurun ma yara ta ta hin li dla ndaɗta ki may.

YOORA 4:1

Ni nana lorra hin ka liɗi, kawi ma jivina hin ka liɗi, gogoyra teteɗta hin njay ki keŋ hu voɗta ni ge?

YOORA 3:3

Gasi kan anu nam tin um dum kom goɗoɓoŋga kan hu buuna halaŋ.

YOORA 2:5

Bu Suuna mbuɗ tam ki ni ko sa babalira na, nam lik Israel kiyo. Nam bulum zigini maɗsina kiyo, nam tooɗ liiɗ ma saɓakŋa kiyo. Nam zul yoo tara u yoo tara hu ɦoŋzi ma jivi ma Yudana.

JEREMI 36:7

Kala li ni tii masina hin tew ki eg Yawe kala, a gegelay hom ki kay tuɗ mamba cora kay ana yara vi Bu Suunara ta nam a laɗ eg suu asinara ka ŋgol cocoo.»

JEREMI 21:12

Suu vi Davidna, Yawe ɓak anaba, kaɓak ma ɗegeena maɗii hu buuna tew tew, buɗugi suu suu saɓakŋa lasasina kiyo. Li ka naɗi ni yaanda hin mba kagi ko ndal kura na. Ndaɗ hin ŋgal lina, sa ka ndak a caɗ kiɗi, ko dlaasira cora asi laɗta.

JEREMI 4:4

Ҥagi hurugi ki maŋ Yawe. Cukugi dla cora hurugira kiyo, suu vi Yudana u suu Yerusalemma. Li ka naɗi ni yaanda hin njay ki kagi ko kura na. Ndaɗ hin ŋgalagiya, sa ka tew a caɗ kiɗi ni kay dla cora agi laɗta.

EZAYI 63:10

Asi ay may ni ka hum u dlara nam daɗtaɗi, asi mbuɗum Musuk mamba teteɗta yoora. Kay ndaɗta nam mbuɗ hurumu, mbuɗ ay a sa ma duurusina nam duu ay u asi ni namu.

EZAYI 63:6

An tay suuna ki ga u senu, kay hurun ma ɓeŋ kina, an guruɗusi ki u sum yaanda an laɗta, an voosi busuusi ki gaa.

2 DLAŊ MULINARA 34:25

Kay asi noyon kiyo, hin ŋgal mbitla his jivira ki ni maŋ loogi suu ɦawana. Asi ɓalakan hurun ki u sunda asi laɗ u bik kosira. Yaanda hin ndi kay li namma ni ko ndal kura na ka heɓbi.

2 DLAŊ MULINARA 34:21

«Tuɗugi joɓogi Yawe kay u suu Israel suu hin ndena kay suu Yudana kay dla magaara gaɗta ta agi faɗ ay wandara kay yara vi Yawera tok kaygi ni ŋgol cocoo, kay ana somoyoygi li ka u gaɗta vi Yaweraɗi, li ka u dlara ɓiiri hu magaa ndaɗtara belɗi.»

SOOLLA 37:14

Suu cona ka guu si ŋgew masina, gun mbuuru masira a ci sa ma ka ŋga tambina, u sa ma hawra kiyo.

JEREMI 10:20

Mbutluɓ manna ɓeŋ ki wa, a ɓuɗom zewem ki halaŋ lay. Goryon u liin ma kakka ka oloɗi. Sa ka minin mbutluɓ manna kolo oloɗi, a minin liin ma kakka oloɗi.

EZEKIYEL 20:34

An cukugi ha ki duk njaf suuna halaŋ. An tokogi ha ki hu mbassa agi njay ay ki hura. An li dla ndaɗta ni u bik kon ma saɓakŋa u saɓak manna u hurun ma yara lay.

DLAŊ LEVIRA 26:17

An hin pereɗ zagaɗan magiya, suu babali magisina hin cagiya, suu gonok magisina hin lak a mulina kagiya. Agi hin yow liŋŋa ni bay sa ma dikigi ugi lay.

GA 8ATAMBARA 32:22

«Yaanda col ay hurun ko ndal kura na, ŋgal ta ta tuɗ tew ay ki eg lina vi suu miɗina, ndaɗ ŋgal ndaŋgara ki u tlege suu kaɗna halaŋ. Ta ta kura tuɗ tew ay ki eg u ɦinira ay ŋgaari kaŋgara.

1 SAMUEL 28:16

Samuel di ana, «Lini Yawe ɦuɗ tam ki egeŋ day, mbuɗ ki egeŋ cora wa ni aŋ hin joɓonni kay mege?»

JOB 19:11

Yaamba vi ki kura kan cocoo. Nam mbuɗun ki ni a saam ma babalira.

SOOLLA 7:13

Ni kay suu babali mamsina, nam guu si ŋgew mamma. Nam tin deŋ mbuuru mamba a munda.

JEREMI 42:18

Gasi Yawe, ma Saɓakŋa Kom Belna, Lona vi Israel, ɓak anaba, ko yaanda li eg suu Yerusalemma na ni, yaanda hin li egegi hu li ma agi hin tew ha ki Egiptena ni na may. Agi hin mbuɗ ki zolona. Suuna hin li dla cora ni u segi na tew tew. Agi hin ka fagi li namma oloɗi.

YOORA 1:13

Ay kolo day nam sun kura ay duk sokonu. Nammi malanna, nam gunun bayra kaŋga u senu. Nam van ki kaŋga wa, nam mbuɗun ki ko cara hawra tew tew va koɗɗira na.

YOORA 4:11

Yawe tew ki fun yaamba wa, nam mba yaamba ŋgolla ay wa. Nam gi kura hu Siyon bowoɗ zigini maɗsina kiyo.

EZEKIYEL 7:14

Asi hin bu tokolomma. Suuna hin min tasiya. Na may sa ma tuɗ ki a duu kaɗi lay. Kay ana yaanda ɓalak begera hu mbassara ki ni halaŋ.

EZEKIYEL 13:13

Kay ndaɗta Bu Suuna, Yawe, di ana, u hurun ma ɓalakina an hin gagi babaa ma ko bil mbona nana kagiya, yaanda hin sagi mbo lo ma paɗ baŋana cocona ay kagiya, hin sagi dlaŋmagi ma to ziginina kina kagiya.