YOORA 2:22 - Boy Lonana

²² Aŋ hin yi suuna ko ndal hu buu ma luuna na. Suu ŋguy kan mbuɗun ndaanana, hu buu ma yara vi Yawena sa hin ka hin iiriɗi, ka suɗɗi lay. Suu an haɗasina, wulusina, sa babali manna daɓasi kiyo.

YOORA 2:22 ပူးပေါင်းရင်းမြစ်များ

2 DLAŊ MULINARA 36:17

Nam min mul ma Babilonna ndugusi mbas masira, ɦasi ki hu duk kom halaŋ. Mul namma ci asgaa suu duuna ki ta ta tew ay ki hu Ziŋ Lonara. Nam ka hin gozoŋgi lay, ka hin go tamaɗi lay, hin sa ŋgolɗi lay, ma maaɗi lay.

SOOLLA 31:13

Asi maaran ki ko sa ma ki miɗina na, anni ko tlesuu cukusi ki del buɗna na.

EZAYI 28:19

Hu li ma ndaɗ mbana halaŋŋi hin vagiya. Kay ana ndaɗ hin tin koɗ ki kagi hu buuna tew tew, faali lay, njeŋge lay. Hin li ni ndaa ma cocona ma a tak dlara ŋgayra kina.

JEREMI 11:11

Na ɗaŋŋi, Yawe ɓak anaba, an hin mbaasi dla cora ay kasiya, asi hin ka ndak a taɗ tasi kiɗi. Asi hin yan ay ana an mbay njunusiya, an hin ka humusiɗi.

JEREMI 14:19

Aŋ noy Yuda ki wa su? Aŋ ka min Siyon oloɗi su? Ni kay me aŋ waɗami u dla cora ka daɓbi lay ni ge? Ami juɓumi ni heɓpa may, ndaɗ ka mbaɗi. Ami juɓ li ma ami a fi garaɗta hurumma may ndaana mbay kamiya.

JEREMI 20:3

Vin wan ɗaŋŋi hu li ma Pasehur mbay a buɗum kira, Jeremi dam ana, «Yawe ka yaŋ ana Pasehur oloɗi may, hin yaŋ ana Ndaana hu lina bel bel.»

JEREMI 21:7

Ŋgoo dagan wanni, Yawe di ana, an hin ci Sedesiyas, mul ma Yudana, ki u suu mam suu sunda u suu hin bay miɗ ki ko tuguɗi bora hu ɦoŋzi nammana ki u ŋgewna, baktarra lay. An hin ɦasi ki ko mul ma Babilonna, ko suu babali masisina lay, ki ko suu min a casi kina lay. Asi hin casi ki bay saara, bay wasi hahawasi lay, bay oora hurusi lay.»

JEREMI 44:7

Cecem wanda ɗaŋŋi Yawe ma Saɓakŋa, Lona vi Israel, ɓak anaba, ni kay me agi tuɗ fok u lira lagi dla cora eg tagira na gak gak ge? Ta ta gagi njafaagi ki hu Yuda ge? Njufiina, boyogina, kemba vuɗ wilira u suu fun pona tuna lay, hin sa ka iiri na dewɗi.

JEREMI 46:5

Ni mege? An wi ni mege? Asi ki mbuɗi ndaana. Asi hoŋ dagan suu duu suu saɓak cocona asi palawasi kiyo. Asi yow liŋŋa ki njay na dew dew ka gol irisi ŋgorosi daganɗi. Asi mbuɗ ki ndaana bel bel. Yawe di na.

JEREMI 6:25

Kal ki ŋgoo bagiɗi. Kal ki hu voɗtaɗi, kay ana ŋgew ma vi sa babalinana ka ki hu lina bel a ci suuna.

GA 8ATAMBARA 28:18

Gor kem magira zuli cocora hin hoŋ ki dagani, ndaŋgara ka jivigi tlena oloɗi, dogoni mbutlugi magisina u timigiina hin miɗ kiyo.