YOORA 2:19 - Boy Lonana

¹⁹ Col koloo tii duk njeŋgera, hu li ma ndak col kolo a gol u tlena halaŋ, tin huruk ki fok Bu Suuna ko ndal yona na. Yow kok kolo fokom kay iirira vi goryok suu gori suu miɗ ki ko mayra keŋ lina halaŋ hu voɗtana.

YOORA 2:19 ပူးပေါင်းရင်းမြစ်များ

SOOLLA 62:8

Suɗ manda u bibiŋil manda ka tok eg Lona, ɦini man ma eŋŋa u liin ma ŋgayra halaŋŋi hu Lona dew.

EZAYI 26:9

Duk njeŋgera lay an pereɗ iiri manda ha ni egeŋu, ŋgus manda hurun kurufura halaŋŋi aŋu. Hu li ma ɓak maŋŋa ka ka hu duliyara, suu kay ndaŋgarana halaŋ ka haɗaŋ ɗegee maŋga.

SOOLLA 142:2

An tli delen kolo eŋga eg Yawe, u delen kolo eŋga an cen Yawe.

MARK 1:35

Ŋgarapii i lina ndufun nde nde tu wanni, Yesu col koloo, kal ki buruwa, tuɗ hu fulla a cen Lona hu li namma.

1 SAMUEL 1:15

Ane hoŋom dira ana, «Malanna an ka ni cara yaɗ jak kiraɗi, an ci va kaɗi. Sum veŋ ma guruɗ sa kaɗi. An tii tan fok Yawe ni tiiriya.

SOOLLA 141:2

Ko cen danda li ha fokoŋ ko mbul ma his jivina na, kon yowi kolo fokoŋ u ɓivun man ma fiɗigina.

SUU KAƁAKŊA 7:19

Gedeon u suu ay um kisna mba tew fun kaŋŋa ni duk ŋgikka hin na tok, ni hu li ma suu juɓpa a mbuɗ tasina may. Asi bu tokolomma may, to gegeli suu ay kosina ki ga may.

SOOLLA 42:8

Mbo ma ɓaɗna ka ŋgaf tam ay na ŋgaf ŋgaf. Nam ɓaɗ irim ay ni kan halaŋ, ko mbona tuɗ kaŋga hu li ma zulzulna na.

Boy Ma Ayra Ma LUK Ɓiirimma 6:12

Fali ndaɗta Yesu ɗuŋ kolo kay ɦinira a cen Lona. Nam fo lina ay kay ɦinira a cenda.

MARK 13:35

Agi lay ni kakagi iiri na may, kayme agi ka wi buu ma malaŋ zina hoŋ ay vo hunaɗi. Nam hin hoŋ ay ni fiɗigi kala, duk ŋgikka kala, ŋgarapii kala, maɗii kala, agi ka wiɗi.

MATIYE 14:25

Ŋgarapii ŋgolla wanni, Yesu gi tam tuɗ kay mbona, ɓaɗ suu haɗi mamsina.

SOOLLA 119:55

Njeŋge ni humun ka gan kay seŋu, Yawe, ni kay a li u gaɗ maŋgara.

SOOLLA 28:2

Humun cen manda hu li ma an yaŋ a aŋ njununna, hu li ma an yow kon ha kolo eg ziiŋ ma teteɗna.

EZAYI 51:20

Goryoŋ njay ki hu lina halaŋ, ki buuri keŋ voɗta ko mburi suu suuna vasi hu bayna na. Ni u yara vi Yawera, u lassa Looŋŋa lasasira.

1 TIMOTE 2:8

An min ana hu lina halaŋŋi suuna cen Lona yow kosi kolo kay a cen hu buu ma jivina bay yara u ŋgussa honira hurusiya.

EZEKIYEL 5:16

«An hin lasagi u mayra a daɓagi kira. Mayra hin lagi ni su mburu mayra sana munugi u ndaɗta. An cagi ni u mayra, ɓalakagi tlegeyegi suu agi ŋgayasi a tirana kiyo.

EZEKIYEL 5:10

Hu ɦoŋzi magina ni somira hin kom goryosiya. Gorra hin kom somoyosi may. An hin lagi dlara ti huuna egegiya, ugira hinda an hin njayasi ha ki aragelay halaŋ halaŋ duk njaf suu daŋŋa.

SOOLLA 134:2

Yowogi kogi kolo fok Ziim ma Teteɗna, gagi deɓ maŋ Yawe.

SOOLLA 63:4

Na daŋ may ɗegee maŋga dlaɗ ŋgol su iirira, vunun ka geleɗeŋŋi aŋu.

JOB 3:24

«Yoora hin konni a vaan ma tira. Simina ɓaɗ irinni ko ndal mbona na.

1 SAMUEL 7:6

Asi tok tasi ki hu Mispa. Asi go yona ay voom kaŋga fok Yawe. Asi li laara hu buu namma hin di hu li namma ana, «Ami li sulukŋa eg Yawe.» Samuel kaɓakŋa kay goryoŋ Israelna hu Mispa.

NAHUM 3:10

Ndaɗ taɗta may ɗaŋŋi asi tlaɗ kiyo. Asi hin vaɗ daŋgayna, goryoɗ may ɗaŋŋi asi casi ki keŋ voɗta halaŋ halaŋ. Suu maɗ suu kaɓakŋa asi ɓorowosi ki kosiya, muli maɗ suu ŋgolona asi cukusi galina kelesiya.

SOOLLA 42:3

May Lona kan cocoo, Lo ma iirina, an hin kal kalafi a col fok Lona ni saɓage?

SOOLLA 42:4

Faali lay, njeŋge lay, simina mbuɗ ko vaan ma tira na, hu li ma asi ka dan tew tew ana, «Looŋŋa ka ni arage» na.

SOOLLA 142:3

An mba sek manda ni fokomu, an tak hahaw manda ni fokomu.

JEREMI 9:20

Kay ana maɗna ka ɗiŋ ay kolo ii zi maygira, nam ka kal ay hu ziiygi ma jivina, nam mbay ŋgaɗ gorkemba ki hu voɗta, gorzoŋŋina hu lina may.

JEREMI 14:18

Lini an tuɗ hu senena lay, an fi suu casi ki u ŋgewrana. Lini an tuɗ ni ɦoŋzina lay, an fi suu mayra casi kina lay. Suu jok vun Lona u muli suu li ɓivunna ŋguy hu mbassa lay ka wi u boy kosiɗi.

MISE 1:16

Wel yak kiyo, ŋgaɗ tlimiɗ yak ki kay goryok suu ndak minisina. Mbuɗ yak ki kak ko yam kokolora na, kay ana asi ha ki tuɗi hu mbassa daŋga egek day.