YOORA 2:18 - Boy Lonana

¹⁸ Hurusi ka tii eg Bu Suuna. Gulumun ma vi Siyon ta jivirana, hin simi ma irikŋa cuɗ ki ko mbo lum ma ɓaɗna na, faali lay, njeŋge lay. Koɗ tak dukgi, ko tlimiɗ irik so ki u siminaɗi.

YOORA 2:18 ပူးပေါင်းရင်းမြစ်များ

SOOLLA 119:145

Yawe, an yi ni u hurun halaŋ, aŋ hoŋon dira aya, an lini u gaɗ maŋga.

YOORA 2:8

Yawe saa hurum ana nam ɓeŋ gulumun ma vi Siyon ta jivira na kiyo. Nam hin balas lina kiyo. Nam hin ka hoŋ kom ay ki bay ɓeŋ vaɗi. Nam mbuɗ ŋgoo gulumunna u gulumunna ki hahawra, asi loɗ ki ko tasi bel.

YOORA 1:16

An tii ni kay boy namma. Irin simina u dlaɗ jak kay ana sa heɓen hurunna ha ki egen day. Sa hin ɦan saɓakŋana. Gola goryon ki ciya kay sa babalira ni ma saɓak cocona.

JEREMI 9:1

Li ni li ma buu ka gin kan hu fulla duk suu tuɗ koyra ni, an hin suu mansina ki huwa. Asi halaŋŋi suu li zoŋga, suu dlasi cona.

SOOLLA 119:136

Irin ka ɓaɗ simina ko mbona na kay suuna ka li u gaɗ maŋgaɗi.

HABAKUK 2:11

Gasi, gogoyra min gulumunna u ndaɗta hin tiira, gu ma cuki kolo kay yam zirana hin hoŋoɗ dira.

Magaara Vi Sa Jok Vun Lona OZE 7:14

Asi yan ha kolo ni ka u hurusi ma ay kurufu daynaɗi. Hu li ma asi yoo tasi hu liisi ma buuna ni, asi jii tasiya kay joɓ wana u sum veŋ ma wilinara. Asi tak yasira eŋga ki ni egenu.

YOORA 1:2

Ndaɗ tiira, tii duk njeŋgera. Simina kiriŋiɗ na buɗuɗ duk banayaɗna halaŋ lay ni, sa heɓeɗ huruɗ kaɗi. Suu banayaɗna halaŋ gaɗ uɗ kiyo. Asi mbuɗ ki suu babali maɗsina.

JEREMI 14:17

Aŋ hin ɓakasi boy namma, irin ka tii simina njeŋge lay, faali lay, ka soɗi. Dla cora ɓeŋen go tama manda, suu mansina ki wa, ni waɗta ci maɗna.

JEREMI 13:17

Lini agi ka humbi ni, an hin mbuɗ tan ki hahawra hu liinna, kay ana dla ndaɗta ndakan wa, irin hin tii simina, tiira, mbus ki u simina, yoori suu vi Yawena tuɗ ki ni hu daŋgayna.

JEREMI 4:31

An hum ko ndal yoo tara vi cara hu li ma ndaɗ hal a vuɗta na, ko ndal tii ma hahawra vi cara goora na. Tii ma vi Siyon ta jivira, a miɗ kira ka maɗ koɗu. An ki hahawi. An hin tok a miɗ kira, coli fok suu ci suuna kina.