YOORA 2:17 - Boy Lonana

¹⁷ Yawe li ni dlara nam daɗ kira. Nam faɗ ki ni vun dlara nam daɗ ay ki hu buu ma ki fok jew daynara. Nam hawaɗ tlena ki ni ka saaɗi. Nam cukuk suu babalira ay kaku. Nam mbuɗ suu babali maksina saɓak suuku.

YOORA 2:17 ပူးပေါင်းရင်းမြစ်များ

EZEKIYEL 5:11

«Kay ndaɗta, an Bu Suuna Yawe, Lo ma iirina, agi mbuɗun ziinda teteɗta ki njenjera u fuli magisina u sun magira cora halaŋ. Kay ndaɗta an hin dik zina ki halaŋ. An ka wagi hahawagiɗi, ka gol sa irin hahawɗi lay.

SOOLLA 89:42

Suu jak hu voɗta ɦurum tlena kiyo, suu mam suu vok zina ka panamu.

EZEKIYEL 8:18

An may ni hin li dlara ni u hurun ma ki ɓeŋina. An ka wi hahaw saɗi. An hinni hahaw sa ka irin oloɗi. Asi hin tiira, may ni an ka humusi tii masi nammaɗi.»

YOORA 1:5

Suu babali maɗsina su kaɗu. Suu babali maɗsina dla ka kasiɗi, kay ana Yawe mbuɗuɗ ki hahawra ni namu. Ni kay nek dla cooɗta, goryoɗ suu gorina tuɗ ki mbaɓura fok suu babali maɗsina.

MISE 2:3

Ni kay ndaɗta Yawe di ana, gola suu ko ndaɗta nana an tinisi hahawra kasiya. Agi hin ka ndak a paɗagi delegi kiɗi, ka a tuɗ yagi kolo tliɗi lay, kay ana li namma hin li ni li ma hahawra.

EZEKIYEL 9:10

Kay ndaɗta irin ka a wi hahaw sa oloɗi. An ka saa kay sa oloɗi. An tinisi kasi ni nek poy masira cora.»

YOORA 2:8

Yawe saa hurum ana nam ɓeŋ gulumun ma vi Siyon ta jivira na kiyo. Nam hin balas lina kiyo. Nam hin ka hoŋ kom ay ki bay ɓeŋ vaɗi. Nam mbuɗ ŋgoo gulumunna u gulumunna ki hahawra, asi loɗ ki ko tasi bel.

JEREMI 18:11

Cecem wanda aŋ tuɗ di suu Yudana u suu Yerusalemma, Yawe ɓak ana, «An hin tinigi dla cora kagiya. An hin faɗ vun dlaanda ki egegiya. Gegelay hom dla coomba ki gasi, mbuɗugi tuɗ magira jiviya, mbuɗugi dlaagira agi laɗta ki jiviya.»

SOOLLA 38:16

An tin saa manda ni kaŋu, Yawe, aŋ hin hoŋon dira, Bu Suuna, Loonna.

SOOLLA 35:24

U ɗegee maŋga doo kanu, Yawe, Loonna, hinin a asi furi kanɗi.

SOOLLA 35:26

Hinisi asi halaŋ mbuɗ zolona, suu furi kay las mandana halaŋ. Suu asina hinisi zolona tok kasiya, u suu hal a su kanna halaŋ.

EZAYI 14:29

Agi suu Filistinna halaŋ furiyugi tuɗi. Di ana tokolora waɗagira kus ki wa naɗi, lini guyra miɗ ki wa ni, makira hin varak ay balamaɗu. Balam makira may ni dragoŋ ma pii piirina hin mbaa.

JEREMI 4:28

Ni kay ndaɗta ndaŋgara ka ni hu hahawra. Kolo wanni huulona mbuɗ ki ndufunda kay ana an kaɓakŋa ki kay dla ndaɗta, an vi ki kan a li dla ndaɗta. An hin ka hoŋ vunun ki daganɗi.

YOORA 3:43

Aŋ huruŋ mbuɗ ay yara wa ni aŋ lasamiya. Aŋ cimimi ki ka saa kamiɗi.

YOORA 4:11

Yawe tew ki fun yaamba wa, nam mba yaamba ŋgolla ay wa. Nam gi kura hu Siyon bowoɗ zigini maɗsina kiyo.

DANYEL 9:12

Lona li ki ni dlara nam ɓakaɗ ki kamira, kay suu ti mulla kamina, hoŋomi dla cora ŋgolla ay kamiya, dla ndaɗta ka bay li hu li ma daŋ kay yam mbassa ko ndaɗ li hu Yerusalemba na tuwa.

ZAKARI 1:6

Na ni boy manna u gaɗ manda suu an hinisi ka maŋ suu man suu sunda suu jok vun Lona tewegi somoyogi kaɗi su? Na daŋŋi asi hoŋ aya, di u vunusi ana, Yawe, ma Saɓakŋa Kom Belna, col a lasaygi ni kay voɗ maygira u tuɗ maygira cora, nam lasaygi ni na.»

1 MULINA 9:7

ni an hin bulum suu Israelna ki kay yam ndaŋgara halaŋ, kay ndaŋgara an ɦasirara lay. Zira an mbuɗuɗ ki teteɗ a yan sen hura an hin hiniɗ ha ki egen na day. Suu Israelna hin mbuɗ ki ni a njunjunda vi suunara halaŋ.

SOOLLA 89:43

Aŋ ɦal saɓakŋa maŋ suu babali mamsina, suu gonok mamsina halaŋ ka furiya,

JEREMI 40:3

Yawe mba dla ndaɗta aya. Nam li ni ko nam di kaɗ a laɗta na daŋ may. Ni kay ana agi li cora eg Yawe, kay ana agi humum delem kaɗi, dla ndaɗta mba ni na.

SOFONI 1:2

An hin bulum tlesuu kay ndaŋgarana ki halaŋ halaŋ, Yawe di na.