YOORA 2:12 - Boy Lonana

¹² Asi joɓ susi ana, Wana u sum veŋŋa arage? Hu li ma asi puk kaŋga ko ndal suu fi dagka ay hu li ma hu ɦoŋzinana na, hu li ma iiri masira seed ki ko somoyosina na.

YOORA 2:12 ပူးပေါင်းရင်းမြစ်များ

JOB 30:16

Cemi ni iiri manda ka ɓaɗ ay ki hurunu. An tluɓi cemi ni duk lassa.

SOOLLA 42:4

Faali lay, njeŋge lay, simina mbuɗ ko vaan ma tira na, hu li ma asi ka dan tew tew ana, «Looŋŋa ka ni arage» na.

SOOLLA 62:8

Suɗ manda u bibiŋil manda ka tok eg Lona, ɦini man ma eŋŋa u liin ma ŋgayra halaŋŋi hu Lona dew.

EZAYI 51:20

Goryoŋ njay ki hu lina halaŋ, ki buuri keŋ voɗta ko mburi suu suuna vasi hu bayna na. Ni u yara vi Yawera, u lassa Looŋŋa lasasira.

EZAYI 53:12

Kay ndaɗta an kakam ki ni duk suu ŋgolona. Nam hin ɓorow tlesuu yowosi ay fun duunana ni ko tam u suu saɓak cocona. Kay nam hoŋ yam ki kaŋga ta ta miɗna. Nam gi tam ki duk suu li dla cora. Nam yow cora vi suu daŋŋa ki kam halaŋ. Nam ka njun kay suu ɓakŋa vasina.

JEREMI 5:17

Asi ti ki ni tlesuu aŋ feɗesina, fuuŋa lay. Asi komoŋ ki ni goryoŋ suu njufiina u gorɓiina. Asi komoŋ ki ni yoori maŋ suu gorina u suu ŋgolona. Asi ti ki ni gugutlu maŋga u tulum maŋŋa. Asi tooŋ liiŋ ma saɓak ma aŋ saa ana aŋ ka kaki hurum u heɓpa hu li ma asi hin mbay u ŋgewegina na.

YOORA 1:11

Suu maɗsina u bolowosi halaŋ yoo tasiya. Asi hal ni funa. Asi ɦal bege masira ki kay tina a mbuɗ tasi saɓakŋa. Gola Yawe, aŋ golon an mbuɗ ki cora ni nana nage?

YOORA 4:4

Sin gogoo ma koloɗina narak ha ki kolo u yirɗim ko laa yora. Gorkemba joɓ funa sa ka ɦasinaɗi.

EZEKIYEL 30:24

Ŋgoo dagan an hin ɦal saɓakŋa maŋ mul ma Babilonna. An hin ɦam ŋgew man ma duuna hu duk komu. An hin kus bik Faraw kiyo. Nam hin yoora, oy tam zamba ko sa ma dagi coco tok a miɗnana na.