YOORA 2:11 - Boy Lonana

¹¹ Irin cim ki ko simina wa. Hurun haɗ hurun cocoo. Saɓakan ɦoɗ ki wa. Nam ki gii kaŋga duk ndaŋgara. Suu man suu jivi asina ki ciiya. Hu li ma goryosi suu fun ponana ka daw hu li ma hu ɦoŋzinana.

YOORA 2:11 ပူးပေါင်းရင်းမြစ်များ

YOORA 1:20

Gola, Yawe, an ki ni hu li ma hahawra. Hurun haɗ hurun ɦay. Hurun ki kurufu hurun ɓeŋŋiya kay a suu vunna an suu vunna. Ŋgewna ki kiɗik wanni njafan hin ka li oloɗi, kurufu ni ko ndal vo vi maɗna na.

YOORA 1:16

An tii ni kay boy namma. Irin simina u dlaɗ jak kay ana sa heɓen hurunna ha ki egen day. Sa hin ɦan saɓakŋana. Gola goryon ki ciya kay sa babalira ni ma saɓak cocona.

JOB 16:13

Mbur mamba ŋguyun ki halaŋ. Nam kusun ta ta tew gilisinu. Hahaw ka irimbi. Nam voon mayawan ki kaŋgaa.

JEREMI 4:19

Hurunu, hurunu, an torɗi tan ko tiitara. Mugulun mbuɗ tuɗ na zak zak. Hurun ki mbuɗi yara. An ka ndak a seŋ tanɗi kay ana an hum del tokolom ma duuna.

EZAYI 22:4

Cemi ni an di ana ɦuɗugi ha ki egen na day, hinin an tii cocoo, loɓogi tagi a seŋendaɗi, an tii ni kay ɓalakka vi goora vi suu mansinara.

SOOLLA 22:14

Asi mal vunusi ay ki ko ndal dlona na, asi sawalla hal dlara vanda.

SOOLLA 6:7

An oy cocoo saɓakan daɓ ki wa. Hu njeŋgera yam lay manna laɓ ki u simina.

Boy Ma Ayra Ma LUK Ɓiirimma 23:29

Buu ma hin mba ni, asi hin ana furira kay cara vuɗ goo kaɗira, ta goo caɗ pooɗ kaɗira lay.

JEREMI 44:7

Cecem wanda ɗaŋŋi Yawe ma Saɓakŋa, Lona vi Israel, ɓak anaba, ni kay me agi tuɗ fok u lira lagi dla cora eg tagira na gak gak ge? Ta ta gagi njafaagi ki hu Yuda ge? Njufiina, boyogina, kemba vuɗ wilira u suu fun pona tuna lay, hin sa ka iiri na dewɗi.

JEREMI 14:17

Aŋ hin ɓakasi boy namma, irin ka tii simina njeŋge lay, faali lay, ka soɗi. Dla cora ɓeŋen go tama manda, suu mansina ki wa, ni waɗta ci maɗna.

JEREMI 8:19

Asi hum yira ndaana suu mansina yaɗ ay hu ndaŋgara dayra. Yawe ay ka hu Siyonɗi su? Mul mamma ay ka huɗi su? «Ni kay me asi lan dla cora egen u fuli masisina nige, u dla mayra bay uɗta col ay hu lii daŋŋarage?»

SOOLLA 69:3

An ndi ni hu zulla uɗ doroɓma ka doɗira, va ma van ay kolo kaɗi. An kal ni duk gaalina, mbo ma ɓaɗna ka tuɗ u anu.

SOOLLA 31:9

Aŋ hinin ka ko saan ma babaliɗi lay, aŋ colon sen ki hu li ma jivina.

1 SAMUEL 30:4

David u suu umma mun ki tiina asi tii ta ta saɓakasi ma tiina ka oloɗi.

EZAYI 38:14

Tii manna mbuɗ ni ko ndal ma vi dlemerekŋana na, an tii ko ndal gugukka na. Irinda gol ha kolo egeŋga ka tew oloɗi. Bu Suuna an ki ni gulukiya, mbay njun kanu.

JOB 30:27

Hurun ka ni u yoora tew tew ka buu senɗi. Hu buuna halaŋ lassa ka mba kanu.

SOOLLA 38:8

Hurun ŋgalan ki ko kura na, tan ka ki na faniɗi.

SOOLLA 119:82

Irin loɓ ki ko halla halaŋ gaɗ maŋgara, an ɓak tan ana, «Aŋ hin ɗilin irinni saɓage?»

YOORA 5:17

Gola ni kay ndaɗta mbalatami halaŋ ki tuguɗira. Gola ni kay ndaɗta irimi dug ki wa.

EZAYI 51:20

Goryoŋ njay ki hu lina halaŋ, ki buuri keŋ voɗta ko mburi suu suuna vasi hu bayna na. Ni u yara vi Yawera, u lassa Looŋŋa lasasira.

YOORA 1:11

Suu maɗsina u bolowosi halaŋ yoo tasiya. Asi hal ni funa. Asi ɦal bege masira ki kay tina a mbuɗ tasi saɓakŋa. Gola Yawe, aŋ golon an mbuɗ ki cora ni nana nage?