YOORA 1:9 - Boy Lonana

⁹ Zozoɗ maɗta ki eg baraw maɗna lay. Ndaɗ ka saa kay dlara mbay dagandaɗi. ɓeŋ maɗta ki ŋgol cocoo. Sa heɓeɗ huruɗ kaɗi. Gola Yawe ni zolo manna, babali manna wul ni wuliya.

YOORA 1:9 ပူးပေါင်းရင်းမြစ်များ

2 SAMUEL 16:12

Kala, Yawe hin wan hahaw manda ay, hin ɦan jivira ay kala, balam givun mamma karamma.»

2 MULINA 14:26

Yawe wi hahawra vi suu Israelnara. Asi ni goo vuɗ kaɗi lay, mbaɓu kaɗi lay, sa ma njun kay suu Israelna kaɗi.

NEHEMI 9:32

«Cecem wanda Loomina, Lo ma ŋgolna, ma saɓak ma suuna lam ndaaramma, ma tuɗ u galamba fok u ɗegeerana, aŋ gol dlara mba egemira iriŋ ko dlara goora naɗi, eg muli mamisina lay, eg suu malayaŋ ziimina lay, eg muli mami suu li ɓivunna lay, eg suu mami suu jok vunnana lay, eg somoyomi lay, eg suu maŋsina halaŋ col ay eg muli suu Asirina day ta ta karami.

SOOLLA 119:153

Wan hahaw manda, buɗun kiyo, kay an maa ka ki kay gaɗ maŋgaɗi.

SOOLLA 140:8

Lona, Bu Suuna, aŋŋi sa ma suɗunna, aŋ golon ay hu li ma duuna.

SOOLLA 25:18

Golon hahaw manda u las manda, bulumun dla coonda ki halaŋ.

SOOLLA 69:21

Ŋgulla tan hurun cocoo, an mbuɗ ki tuguɗiira, an juɓ ana dla hin li su ni dla li kaɗi, an hal suu ɗilin irinna ni bay fi tu lay.

KALKIRA 3:17

An di ana, an min cukugi ay ki hu lassa Egiptera, tuɗugi ki hu mbassa Kanaanda, ta Hetta, ta Amoreenda, ta Perizira, ta Hivda u ta Jebusenda, ni hu mbas mayra law gi mbiira u mbul yumma.

KALKIRA 3:7

Yawe di ana, «An wi hahawra vi suu mansina hu Egiptera wa halaŋ. An hum asi ka tii ko telekŋa vi suu Egiptena, na daŋ may an wasi las masira wa.

KALKIRA 4:31

Suuna vi boy namma. Asi wi ki ana Yawe mbay a njun kay suu Israelna wa, nam wasi hahaw masira ay wa, asi goɓ ga cen Lona.

DI BOLLA 4:1

Olo ni an ka wi suuna lassa. Suu ndarayasina lasasi ga duk ndaŋgara tanina. Gola suu ka las asina tii cocoo, sa ma ɗilisi irisi kaɗi lay. Saɓakŋa ki ni u suu ka lasasina na ɗow. Sa ma ɗilisi irisi kaɗi.

EZAYI 3:8

Na daŋ may Yerusalem daɓ sem wa, Yuda bow ki ga wa. Dlara asi daɗta u sunda asi laɗ fok bibiŋilla vi Yawe ni ciwayra.

EZAYI 37:17

Tin humuŋu, Yawe, hum haa, mal iriŋ kiyo, Yawe, gola. Hum boy co ma Senakerib dam ma sun suuna ay a ŋgul Lo ma iirina wanna.

EZAYI 37:23

Sa ma aŋ ŋgulum coco, panamma ni gege? Aŋ oo uŋ kolo na ni eg gege? Aŋ ŋga taŋ cocora na ni eg gege? Ni eg sa ma Teteɗ ma vi suu Israelna.

EZAYI 37:29

Aŋ li yara ni egen na ɗow, an humuŋ ŋgul maŋga ŋgulunda lay. Pan ma aŋ pananna cuk ha ki ciniŋu. An hin gaŋ walakka humuŋu, cukuŋ njamara funuŋ may. An hin hoŋoŋ ay hu voɗta aŋ mbay huruɗta.

EZAYI 37:4

Kala, Yawe, Looŋŋa, hum boy ma sa ma ŋgol kaŋŋa vi suu Asirina ma mul mamma damma ayna wa, sunum ay a ŋgul Lo ma iirina, a kaam ɓakŋa kam kay boy ma co ma nam damma ko Yawe Looŋŋa humba na. Aŋ cenem kay u suu hin ka nde wanna.»

EZAYI 40:2

Di suu Yerusalemma, dasi ana buu masi ma wihawra hin daɓa, dla coosira warak ki wa, an hin ɦasi warak masina u tanda, asi fi warakŋa sesi mba' mba' ko Yawe kay dla coosira.

EZAYI 47:7

Aŋ ɓak taŋ ana, «An hin a ti mulla kasi ni a fafaɗta,» dlara li coco wanda aŋ saa ka huruŋ kaɗ na ndeɗi lay, saa ka ana boy li hin mbuɗ dagan kalageraɗi lay.

EZAYI 51:19

Dlara hahawra mbay kaŋ na mba'. Mbas maŋga ɓalak kiyo, may ŋgolla ndi kay suu maŋsina, duuna lay, sa ma hin mba egeŋ a ɗiliŋ iriŋŋa ni gege?

EZAYI 54:11

Bu Suuna di ana, Yerusalem ndak wi hawra cocoo, babaana hawaɗak ki lay, sa ma ɗilik irik kaɗi lay. Gola an min minik gulumun makŋa kolo kay ɦinira gus loɓ cocora. An gam um ga u ɦinira yaɗ ana safira.

JEREMI 13:27

Dla zoŋ makka, yira ndak yi suuna a li zoŋgara, gawlaŋ mak ma bay zolona kolo kay ɦinira, hu senena, an wak dla cookka. Ҥii, Yerusalem, ndak ka ndak a mbuɗ tak ki jivi teteɗ a tuɗ unɗira ni buuna ga ologe?

JEREMI 16:7

Asi hin ka ɦal funa maŋ sa tii maɗna a nam fi saɓakŋa ŋgoo tii maɗnaɗi. Asi hin ka ɦam va ma cira a nam fi saɓakŋaɗi, kay maɗ bumbi lay, kay maɗ sumbi lay.

JEREMI 2:34

Busu suu hahawra, suu li va kaɗina ka tini eg vun barawi maksina. Ni gasi eg tle asina an famu, ka ni eg gulumun ma irim ki cooynaɗi.

JEREMI 48:26

Gurɗugina ki u summa kay nam mbuɗ tam ki ŋgolla su Yawe. Gola nam ka bulum tam kaŋga duk vinimu. Nam mbuɗ ki va sanda wa.

JEREMI 5:31

Suu jok vun Lona ɓak ki ni dlara kaboyna. Muli suu li ɓivunna min li ni dlara a fi huruɗta. Suu mansina hurusi heɓ ki wa. Na may agi hin lagi ni me ŋgoo dagan ologe?

JEREMI 50:29

Yowogi suu wi munda ay kay Babilon, suu u gu mbuurura kosina halaŋ. Minigi tagiya, ŋguyugi ki kaɗu, ka a sa suɗ kiɗi. Warakagira ki kay tuɗ maɗta cora. Lagira egeɗ ni dlara ndaɗ laɗta ndaɗ di boy ma cona maŋ Yawe ɦay, maŋ ma Teteɗ ma vi suu Israelna.

YOORA 1:17

Siyon tak koɗ koloo sa heɓeɗ huruɗ kaɗi. Yawe yow suu babalira ay kay Yakob. Yerusalem dukusi mbuɗ ki ni didiŋga.

YOORA 1:21

Asi humun an yoora, sa heɓen hurun kaɗi. Suu babali mansina hum dla cora li egenda, asi li furira, aŋ li dla ndaɗta ni aŋu. Aŋ mba buu ma aŋ ŋgaam kina ay wa. Ko asi may ni li ni ko an na.

YOORA 2:13

Dlara hin a ɓakaɗ kakka ni tarage? Sa an hin ŋgaam u ndakŋa ni ge ɗaŋge Yerusalem ta jivira? Sa an hin ŋgaam u ndak a heɓek hurukŋa ni ge goo wayra, Siyon ta jivira? Kay ana tora took kira ŋgolla ni ko lum ma ŋgolna na. Sa hin suɗuk kina ni gege?

YOORA 4:1

Ni nana lorra hin ka liɗi, kawi ma jivina hin ka liɗi, gogoyra teteɗta hin njay ki keŋ hu voɗta ni ge?

YOORA 5:1

Tin humuŋ ay kay dlara ka lamira, Yawe. Golla aŋ wi ŋgulla asi ka ŋgulumira gige.

Magaara Vi Sa Jok Vun Lona OZE 2:14

An ɓeŋeɗ sene maɗna kiyo. Ŋgus tulum maɗna ki lay, ndaɗ hin di ana, «Gola, ni warak ma banayanna ɦanna na.» An hin mbuɗum ki bubura, mbuuri suu bagina hin ti ni huwa.

SOFONI 2:10

Va ma asi hin fam kay ŋga ta masira na wan ɗaŋŋa, kay ana asi ŋgul suu vi Yawe, ma Saɓakŋa Kom Belna, wul tasi ni um lay.

Boy Ma Ayra Ma JAŊ Ɓiirimma 11:19

Suu Juifna bolow cocoo mbay eg Mari u wayaɗta Marte a yoorosi kay wayasina.

GA 8ATAMBARA 26:7

Ami hin tii fok Yawe Lo ma vi somoyomina, nam Yawe hin humumi delemiya, nam wi ki ana ami mbuɗ ki hawi, hahaw cocoo, las ɦay lay.

GA 8ATAMBARA 32:27

Va ma an li ndaana dew ni kay suu babali mansina hin ŋga tasi ana, ami su kasi ni u saɓak tamira, ka hin a di ana Yawe li dla ndaɗta ni namuraɗi.

GA 8ATAMBARA 32:29

Lini asi ni suu wi dlaa ni asi ii a hum gini, asi hin saa gin kay iiri masira ha fokka may.

1 PIYER 4:17

Lina ndak wa a ɓak ma vi Lonna gijaŋŋa, nam gijaŋŋa jewni u suu vi Lonna, lini nam gijaŋŋa jew ni u aygiya hin daɓ ha ki u suu bay vi u Boy ma Ayra vi Lona ni ɓak masina hin lini ko menage?

1 SAMUEL 1:11

Ndaɗ suu taɗ fok Yawe ni ko wanda na, «Yawe ma Saɓakŋa Kom Belna, lini aŋ gol hahawra vi goroŋga sunda, humuŋ gaŋ ay kanu ni, humuŋ maa ki kay goroŋga sundaɗi, a ɦaɗ go njufu. An hin hinim ki maŋ Yawe ta ta bu mamma nam kak iirina. Sin vella hin ka tin kay yambi.»