8 Yerusalem li ni dla cora. Gola ndaɗ mbuɗ ki ni didiŋga. Suu li humuɗ vunuɗna mbuɗ ka min oloɗi. Kay ana asi waɗ siili maɗta kiyo. Ndaɗ may ni yoo taɗu pereɗ ŋgoroɗu.
Na may lini agi u goryogi hinin boy manna kiyo, ɦal ŋgorogi manu, lini agi ka li u gaɗ manda an tinigira fokogi wandaɗi, lini agi sun loogi suu ɦawana goɓ kaŋga fokosiya,
ni an hin bulum suu Israelna ki kay yam ndaŋgara halaŋ, kay ndaŋgara an ɦasirara lay. Zira an mbuɗuɗ ki teteɗ a yan sen hura an hin hiniɗ ha ki egen na day. Suu Israelna hin mbuɗ ki ni a njunjunda vi suunara halaŋ.
Asi hin hoŋ dira ni ana, «Ni kay ana asi noy Yawe Loosina kiyo, Lo ma buɗusi somoyosi ay ki hu mbassa Egiptera, asi ɦal tasi ki maŋ loogi suu daŋŋa, goɓ kaŋga fokosiya, sunusi lay. Ni kay ndaɗta Yawe mbaarasi dlara hahawra kasi ni na.»
An hin lasi ki ni a dlara tak mayra mbuɗ suu muli suu kay ndaŋgarana ndaana u ndaɗ halaŋga. Ni kay Manasse ma goŋ Ezekiyasna, mul ma Yudana, dlara nam laɗ hu Yerusalemba halaŋ.
Suuna mbuɗ ki ndaana kay an li ki egesi ni dlara tak ki eg muli suu kay ndaŋgarana halaŋ, ki hu li ma an njayasi ki huna, asi hin mbuɗ ki ni dlara njunjunda suuna san uɗta. Suuna hin dogoɗosi ŋgulla u givunna na dok dok.
Asi tuɗ hu mbas ndaɗta hin kak huruɗu. Na may asi humuŋ deleŋ kaɗi lay, gaɗ maŋga lay. Asi tuɗ ka uɗɗi. Asi min ka a li dlara aŋ dasi ana asi laɗuraɗi halaŋ. Ni kay ndaɗta aŋ mbaasi dla cora ay kasi halaŋŋi na.
Na ɗaŋŋi Yawe ɓak anaba, Agi humun vunun ka kay cukka cuk gorsegina u ndarayagina kira kaɗi ni, an may ni hin vi vunun kagiya, Yawe di na, cagi ki u ŋgewiina, u mayra, tuguɗi bora lay. An hin mbuɗugi ki a va ma tak ma suuna halaŋ u suu muli suu kay ndaŋgarana lay li ndaana komma.
An hum ko ndal yoo tara vi cara hu li ma ndaɗ hal a vuɗta na, ko ndal tii ma hahawra vi cara goora na. Tii ma vi Siyon ta jivira, a miɗ kira ka maɗ koɗu. An ki hahawi. An hin tok a miɗ kira, coli fok suu ci suuna kina.
Suu maɗsina u bolowosi halaŋ yoo tasiya. Asi hal ni funa. Asi ɦal bege masira ki kay tina a mbuɗ tasi saɓakŋa. Gola Yawe, aŋ golon an mbuɗ ki cora ni nana nage?
Kaki kaŋga duk ndaŋgara seŋira na selewen, suu basi suu vi Siyon ta jivirana ko ndaŋgara kay yasiya. Asi cuk baraw bolla egesiya. Gorɓii suu Yerusalemma cok yasi kaŋga ta ta kay ndaŋgara.
Asi lak dlara egek halaŋŋi ii gonokka. Asi hin yowok tlegeyek suu ndak fasina ki halaŋ. Asi hin hinik ki ni siiliya, ka u baraw egek oloɗi. Tak mayra li zoŋga hin hin ki kiɗik ii suuna. Ni dla co mayra ndak laɗta.
Njaf suu ɦawana hin wi ki ana suu Israelna yowosi ha ki ŋgayra ni kay dla coosira daŋ may. Kay ana asi min ka a humun vununɗi. Kay ndaɗta an ŋgay tan ki irisiya, hinisi ki hu duk ko suu babali masisina. Asi halaŋ fi maɗna cocoo.
An min neeŋu gus lor ay yoori u kura gaw, kay aŋ mba mbuɗ begee. Gus baraw ma haɓma a cuk taŋga siilira kay baa zolo maŋŋa. Gus guna kay iriŋu kay aŋ mbuɗ wiya.
Ni kay ndaɗta Yawe Lona vi suu Israelna di ana, gasi an di ana, ziiŋu u ziŋ buŋŋa hin tuɗ fokon a fafaɗta. May cecem wanda Yawe gasi vunna. An tli yam suu ŋgaana kolo may, suu ka mininɗina hin ndi duk dla cora.