YOORA 1:21 - Boy Lonana

²¹ Asi humun an yoora, sa heɓen hurun kaɗi. Suu babali mansina hum dla cora li egenda, asi li furira, aŋ li dla ndaɗta ni aŋu. Aŋ mba buu ma aŋ ŋgaam kina ay wa. Ko asi may ni li ni ko an na.

YOORA 1:21 ပူးပေါင်းရင်းမြစ်များ

YOORA 1:8

Yerusalem li ni dla cora. Gola ndaɗ mbuɗ ki ni didiŋga. Suu li humuɗ vunuɗna mbuɗ ka min oloɗi. Kay ana asi waɗ siili maɗta kiyo. Ndaɗ may ni yoo taɗu pereɗ ŋgoroɗu.

YOORA 2:15

Asi ko kosi uku, suu jak hu voɗtana halaŋ. Asi feɗ vunusi may kizik yasi may u Yerusalemba jivira. Wanni ɦoŋzi ma agi hin di gin kam ana ni jivira fafaɗtana, furi mayra kay ndaŋgara halaŋgaɗi su?

YOORA 1:22

Ko dla coosira halaŋ mbay fokoŋu, aŋ lasi ko aŋ landa na may kay dla coonda halaŋ. Kay ana yoo taanda bolow cocoo, an tan ki tuguɗi halaŋ.

YOORA 1:16

An tii ni kay boy namma. Irin simina u dlaɗ jak kay ana sa heɓen hurunna ha ki egen day. Sa hin ɦan saɓakŋana. Gola goryon ki ciya kay sa babalira ni ma saɓak cocona.

JEREMI 50:11

Gasi furiyugiya, lagi furira gasi, agi suu ɓeŋengi joonna kina, gasi luurugi njoŋŋa ko ndal mbutla wayra daɓaa hu fullara na, bayagi kolo ko gor kulumina na.

SOOLLA 35:15

Hu li ma an puk kaŋga wa ni, asi halaŋ furiya, suu gugufura tok tasi kan halaŋ a pananda. An ka wi dlara asi lan kaɗtaɗi lay, asi ka kak dukgi kay lasanda gak gak.

YOORA 1:4

Voɗta Siyonda mbuɗ ki hahawi. Sa ka mbay a li luuna huɗi. Vun zigini maɗsina ki ɓeŋŋi bel bel. Muli maɗ suu li ɓivunna ka yoo tasiya. Gorɓii maɗsina mbuɗ ki hahawra. Ni dla co me kasi na ɗaŋge?

YOORA 1:2

Ndaɗ tiira, tii duk njeŋgera. Simina kiriŋiɗ na buɗuɗ duk banayaɗna halaŋ lay ni, sa heɓeɗ huruɗ kaɗi. Suu banayaɗna halaŋ gaɗ uɗ kiyo. Asi mbuɗ ki suu babali maɗsina.

JEREMI 51:24

An warak Babilon u suu Kaldena halaŋ ki kay dla cora asi laɗ eg suu Siyonna ki ni irigiya. Yawe di na.

WIRA ŊGAYRA 18:6

Lassaɗ ko ndaɗ lasagira na may, warakaɗ sem mba' u dlaaɗta ndaɗ laɗta, oyoɗ kop maɗna sem mba' u sum ma yara sum ma ndaɗ ɦagina na.

EZEKIYEL 26:2

«Goŋ sanna, suu Tirna san ki u Yerusalem ana, Ha ha vun grek ma vi suu asinana hawaɗ ki wa. Jew ni suu paara tuɗ huruɗ cocoo. Cemi wanda asi mbay ki ni varaygi may ɗaŋ. Aygi varak ɦiz ki may.

JEREMI 51:49

Suu casi ki kay ndaŋgarana halaŋ dlaasira cukuɗ ni kay Babilon. Babilon may ɗaŋŋi hin ndi ni kay suu Israel casi kina.

JEREMI 50:31

Duk ɦoŋ tami mba', ni boy cona, Bu Suuna Yawe ma Saɓakŋa Kom Belna, di na. Buu makŋa mba wa. Ni li ma ndak hin ɓak dlaakka kina.

JEREMI 50:29

Yowogi suu wi munda ay kay Babilon, suu u gu mbuurura kosina halaŋ. Minigi tagiya, ŋguyugi ki kaɗu, ka a sa suɗ kiɗi. Warakagira ki kay tuɗ maɗta cora. Lagira egeɗ ni dlara ndaɗ laɗta ndaɗ di boy ma cona maŋ Yawe ɦay, maŋ ma Teteɗ ma vi suu Israelna.

JEREMI 50:15

Yagi kolo u delegira duuna ŋguyuɗ yaɗ kiyo, ndaɗ hin ndi kaŋgaa, gulumun maɗna hin to ki kaŋga lay. Zigini maɗsina hin bow ki kaŋga lay. Ni sa sugul ma vi Yawena, saagi sugulugi u ndaɗu. Agi laɗ egeɗ ni dlara ndaɗ laɗta.

JEREMI 48:27

Israel mbuɗ ka ki iriŋ va sanda gasiɗi su? Aŋ faɗ ay duk suu kulla a aŋ ɓakaɗ dlaaɗta tew tew u kisikka kisik yaŋga su?

JEREMI 30:16

Na ɗaŋŋi suu caŋ kina hin casi ki may. Suu babali maŋsina halaŋ dukusi sa ka hin kiɗi, hin tuɗ ki ŋgayra. Suu ɦurumuŋŋa hin ɦurumusi ki may. Suu ɦurumuŋŋa halaŋ an hin suuna ɦurumusi ki may.

SOOLLA 38:16

An tin saa manda ni kaŋu, Yawe, aŋ hin hoŋon dira, Bu Suuna, Loonna.

SOOLLA 37:13

Na may Bu Suuna ka san umu, kay nam wi ana buurum hin tok.

EZAYI 14:5

Yawe kus tokolora vi suu dlasi cona ki wa, tokolora vi suu ti mulla kay suuna ka oloɗi.

EZAYI 14:6

Sa may ma hurum u yara las suuna cocona, sa ma waɗ suuna kom ka vi kay saɗina, sa ma u yaamba hom yam njaf suuna ki um ga halaŋŋa, digisi usi na gak gak ka hinisi a koɗ tasiɗi lay.

YOORA 2:16

Asi ŋgo vunusi kolo uku, suu babali maksina. Asi feɗ vunusiya muɗ siisiya. Asi di ana, Aygi ki likiya. Na ɗaŋ, gola buu ma aygi juɓumma mba wa. Aygi fam wa, aygi wam wa.