YOORA 1:18 - Boy Lonana

¹⁸ Nam ɗegee, Yawe, ni kay ana an li ka u gaɗ mambaɗi. Humugi ha halaŋ halaŋ suu mansina. Gologi tiitaanda. Gorɓii mansina u gor njufii mansina tuɗ ki mbaɓura wa.

YOORA 1:18 ပူးပေါင်းရင်းမြစ်များ

1 MULINA 13:21

Sa ma jok vun Lona ma maana sawalla kolo eŋga, di sa ma jok vun Lona ma col ay Yudana ana, «Gola Yawe di ana, aŋ ŋgel gaɗta vi Bu Suunara, min ka a li u gaɗta Yawe Looŋŋa daŋgaraɗi.

EZDRAS 9:13

Doli ɗini ŋgoo dagan dlara li egemira halaŋ kay coomirara, dla coomira ŋgolla, ko aŋ taŋga, Loomina, lay ni hinimi coomi taa ki keŋ ɦiw, hinimi umira hin wanda.

NEHEMI 9:26

«Na may asi mbuɗ ki honira, li yara u aŋu. Asi noyoŋ gaɗ maŋga ki ŋgoorosi dagan na day, asi ci suu jokoŋ vunuŋ kina, suu neesi ana asi hoŋ egeŋuna kiyo. Asi li suluk ma ŋgolona egeŋ cocoo.

NEHEMI 9:33

Aŋ taŋga jivi su dlara li egemira halaŋ kay ana aŋ li dlara ni u gasira, may ami tamira li dlara ni u hurumi ma sulukŋa.

SOOLLA 107:11

Kay asi hum ka u gaɗta vi Lonaraɗi, asi ŋgel gaɗta vi ma Kolo Dayna.

SOOLLA 119:137

Yawe aŋŋi sa ma ɗegeena, boy ma aŋ damma nam ɗegee lay.

SOOLLA 119:75

Yawe, an wi ana boy ma aŋ damma ni ɗegee, aŋ hoŋon yan ga ni u voɗoɗu.

SOOLLA 145:17

Yawe ɗegee hu dlaamba halaŋ, ɗegee hu sun mamba halaŋ lay.

KALKIRA 9:27

Faraw yi gi Moiz u Aaron ha dasi ana, «Ndaɗta wanni an li coo Yawe ni sa ma ɗegeena, ami u suu mansina ni suu cona.

JEREMI 12:1

Aŋ, Yawe, aŋ ɗegeere. Na may an min ɓak u aŋ nde. Gasi, an min ci wayra u aŋ kay dla taa ɦiw. Ni kay me suu dlara vasina dlaasira li eg liiɗ ni ge? Ni kay me suu ci suuna suu dlaasi cona kaki u heɓpa ni ge?

JEREMI 32:23

Asi tuɗ hu mbas ndaɗta hin kak huruɗu. Na may asi humuŋ deleŋ kaɗi lay, gaɗ maŋga lay. Asi tuɗ ka uɗɗi. Asi min ka a li dlara aŋ dasi ana asi laɗuraɗi halaŋ. Ni kay ndaɗta aŋ mbaasi dla cora ay kasi halaŋŋi na.

JEREMI 4:17

Ko ndal suu gol senena na, asi sel ay kaɗ ni hu lina halaŋ halaŋ. Ndaɗ li yara ni egenɗi su? Yawe di na.

JEREMI 49:12

Gasi, Yawe ɓak anaba, Goloygiya, suu gin ka a ci gin hu va ma ci ma gasinaɗina, vasi daŋgayna a asi ci huwa, ndak may ni dla hin ka li kak oloɗi su? Ҥawaa, ndak ka li ki bay dla kakgi. Ndak hin ci hu va ma ci ma gasi namma may.

YOORA 1:12

Dla li ka day day egegi agi suu tuɗ hu voɗtanaɗi, gologiya, wagi tiitara ko tiitaanda lan coco wanda, ta kora vi Yawe hu buu mam ma yara na.

YOORA 3:42

Ami mbuɗ tami ki babalira u aŋu. Ami gaŋ vunuŋ kiyo. Aŋ may ni ka wi hahaw saɗi.

YOORA 5:16

Bella kay yamira ndi ki kaŋga wa, ɦii dla cora fami wa, kay ana ami li dla cora wa.

DANYEL 9:5

Ami li suluku, ami li cora, ami mbuɗ ki suu cona, suu duu u Lona, ami noyoŋ gaɗ maŋga ki lay.

DANYEL 9:7

Ɗegeera ni maŋ aŋ Bu Suunara, zolona ka kami hu buu namma, kay suu hu Yudana, suu hu Yerusalemma, kay suu Israelna halaŋ, suu tokŋa u suu ha ki dayna lay, kay yam mbassa halaŋ hu li ma aŋ dikisi ha ki kay cora asi laɗ egeŋga.

AMOS 8:13

Hu buu namma ni gor wayagina u jiv masina, gorzoŋina hin miɗ ki ko laa yona.

SOFONI 3:5

Yawe ka hu ɦoŋzina, nam li ɗegeera, ka li coɗi. Maɗii tew tew nam ka kaɓakŋa, hu buuna tew tew nam ka li va ma coɗi. May sa ma cona ka wi zolonaɗi.

ZAKARI 1:6

Na ni boy manna u gaɗ manda suu an hinisi ka maŋ suu man suu sunda suu jok vun Lona tewegi somoyogi kaɗi su? Na daŋŋi asi hoŋ aya, di u vunusi ana, Yawe, ma Saɓakŋa Kom Belna, col a lasaygi ni kay voɗ maygira u tuɗ maygira cora, nam lasaygi ni na.»

ROMMA 2:5

Aŋ sa ma huruŋ cona ka min a jok huruŋ zeɗɗi, ni kay ndaɗta aŋ tok ɓak ma ŋgolna kaŋ wa, falira Lona hin a kaɓak mamma ɗegeena.

ROMMA 3:19

Aygi wi ana dlara gaɗta daɗta dini maŋ suu li uɗna, vun sa ka mal a di boy ma puruɗ tam kiɗi, kay a suuna halaŋ ɓakŋa vi Lona mba tok kasiya.

GA 8ATAMBARA 32:4

Nammi Ҥinina, sun mamba halaŋ u voɗoɗu, Voɗ mamba tuɗta halaŋŋi ɗegee. Ni Lo ma ɗegeena, dlara guni ka hurumbi. Nammi gasi u ɗegee.

SUU KAƁAKŊA 1:7

Adoni-Bezek yoo tam di ana, «Muli suu asi kaasi gogor kosi u gogor sesi kina na dok-kiɗisiya ay vaa tlesuu tira suu yakki kaŋgana ni u tabul manda, dlara an laɗta Lona hoŋonda kan wa may.» Asi mbaaram ay ki hu Yerusalem. Nam mba miɗ ki ni huwa.

1 SAMUEL 15:23

Na may yara lira ŋgol su kaboy ma kaamma, ciwayra su kumu ma vamma kay ana aŋ noy boy ma vi Yawena kiyo. Nam noyoŋ ki may, aŋ ka mul oloɗi.»