YOORA 1:16 - Boy Lonana

¹⁶ An tii ni kay boy namma. Irin simina u dlaɗ jak kay ana sa heɓen hurunna ha ki egen day. Sa hin ɦan saɓakŋana. Gola goryon ki ciya kay sa babalira ni ma saɓak cocona.

YOORA 1:16 ပူးပေါင်းရင်းမြစ်များ

YOORA 1:2

Ndaɗ tiira, tii duk njeŋgera. Simina kiriŋiɗ na buɗuɗ duk banayaɗna halaŋ lay ni, sa heɓeɗ huruɗ kaɗi. Suu banayaɗna halaŋ gaɗ uɗ kiyo. Asi mbuɗ ki suu babali maɗsina.

YOORA 2:18

Hurusi ka tii eg Bu Suuna. Gulumun ma vi Siyon ta jivirana, hin simi ma irikŋa cuɗ ki ko mbo lum ma ɓaɗna na, faali lay, njeŋge lay. Koɗ tak dukgi, ko tlimiɗ irik so ki u siminaɗi.

YOORA 2:11

Irin cim ki ko simina wa. Hurun haɗ hurun cocoo. Saɓakan ɦoɗ ki wa. Nam ki gii kaŋga duk ndaŋgara. Suu man suu jivi asina ki ciiya. Hu li ma goryosi suu fun ponana ka daw hu li ma hu ɦoŋzinana.

JEREMI 14:17

Aŋ hin ɓakasi boy namma, irin ka tii simina njeŋge lay, faali lay, ka soɗi. Dla cora ɓeŋen go tama manda, suu mansina ki wa, ni waɗta ci maɗna.

JEREMI 13:17

Lini agi ka humbi ni, an hin mbuɗ tan ki hahawra hu liinna, kay ana dla ndaɗta ndakan wa, irin hin tii simina, tiira, mbus ki u simina, yoori suu vi Yawena tuɗ ki ni hu daŋgayna.

SOOLLA 119:136

Irin ka ɓaɗ simina ko mbona na kay suuna ka li u gaɗ maŋgaɗi.

Magaara Vi Sa Jok Vun Lona OZE 9:12

Li ni asi wul gorra lay ni, an hin casi ki jew bay asi mbuɗ ki suu warna. Ni gasi, hahawra ka kasiya hu li ma an hin ɦuɗ tan ki egesina.

YOORA 1:9

Zozoɗ maɗta ki eg baraw maɗna lay. Ndaɗ ka saa kay dlara mbay dagandaɗi. ɓeŋ maɗta ki ŋgol cocoo. Sa heɓeɗ huruɗ kaɗi. Gola Yawe ni zolo manna, babali manna wul ni wuliya.

JEREMI 9:21

Ɓak haa, gola ni boy ma Yawe damma, maɗ suuna cuk kaŋga ko ndal zozoɗta cukuɗ ki hu senenara na. Ko ndal kaya wana suu feɗemma cukuɗ ki ŋgoorosi, sa ka yowoɗ oloɗira na.

JEREMI 9:10

An mbuɗ Yerusalem ki a gogoyra moli kay taɗta, li ma bayakka moli huna, ɦoŋzi ma Yudana ki li ma hahawra. Suu huna casi kiyo.

JEREMI 9:1

Li ni li ma buu ka gin kan hu fulla duk suu tuɗ koyra ni, an hin suu mansina ki huwa. Asi halaŋŋi suu li zoŋga, suu dlasi cona.

DI BOLLA 4:1

Olo ni an ka wi suuna lassa. Suu ndarayasina lasasi ga duk ndaŋgara tanina. Gola suu ka las asina tii cocoo, sa ma ɗilisi irisi kaɗi lay. Saɓakŋa ki ni u suu ka lasasina na ɗow. Sa ma ɗilisi irisi kaɗi.

SOOLLA 69:20

Aŋ wan asi ka ŋgulunu, panan lay, mbuɗun ki zolona, suu babali mansina halaŋ ka njari fokonu.

JEREMI 8:18

Yaanda sa ka faɗ kumu kaɗɗi. Mbalatan halaŋ ki mbuɗi yaa.

SOOLLA 106:42

Suu babali masisina lasasiya, asi ɦeɓesi a asi hum usiya.

EZAYI 54:11

Bu Suuna di ana, Yerusalem ndak wi hawra cocoo, babaana hawaɗak ki lay, sa ma ɗilik irik kaɗi lay. Gola an min minik gulumun makŋa kolo kay ɦinira gus loɓ cocora. An gam um ga u ɦinira yaɗ ana safira.

JEREMI 15:5

Sa wak hahawakŋa ni ge? Ɗaŋ ge Yerusalem, ni ge a lak dla jivira egekŋi ge? Sa hin loɓ tam a humuk dlaakka na ni gege?