YOORA 1:13 - Boy Lonana

¹³ Ay kolo day nam sun kura ay duk sokonu. Nammi malanna, nam gunun bayra kaŋga u senu. Nam van ki kaŋga wa, nam mbuɗun ki ko cara hawra tew tew va koɗɗira na.

YOORA 1:13 ပူးပေါင်းရင်းမြစ်များ

HABAKUK 3:16

An hum na ni hurun ɓeŋ ki ni na gaw. Vunun dlak ko vun namma, tan mbuɗ ki maŋira gaw, an kak hu li ma dewna hurun ki ɓeŋiya. Kay an ndak juɓ buu ma ɓeŋga ka ŋgen tan a tuɗ li yara u suu duu u aminaɗi.

JOB 30:30

Bakan mbuɗ ki warra cuk ki kaŋgaa. Sokon ŋgalanu, so ki lay.

EZEKIYEL 17:20

An gunum bay manna ki fokomu. Nam hin vi ni hu bay manna. An hin tuɗum ki hu Babilon. An hin kaam ɓakŋa ha kammi huwa kay dla cora nam landa egenda.

SOOLLA 22:14

Asi mal vunusi ay ki ko ndal dlona na, asi sawalla hal dlara vanda.

JOB 19:6

May wagi ki ana Lona tinin dla ndaɗta kanni namu. Nam van hu bay mamma ni u tamba.

HEBRENA 12:29

Kay Looygina ni kura ŋgalla.

NAHUM 1:6

Sa ma hin fi saɓakŋa a col fokomma ni gege? Sa ma hin col fokom a duu u nam hu li ma nam ki mbuɗi yarana ni gege? Yaamba sulul ni ko ku zinana, gogoyra loɗ ha ki fokom lay.

EZEKIYEL 12:13

An hin gun bay manna ki fokomu, an hin vamu, an hin tuɗum ki hu mbassa Babilonda, mbassa vi suu Kaldenara, nam hin miɗ ha ki ni hu mbassa nam waɗ ka dewɗira.

SOOLLA 66:11

Aŋ hinimi cuk hu bayna, ami fi dlara su kamira lay.

2 TESALONIKŊA 1:8

Nam hin mbay ki duk sin kura ŋgolla a kaɓakŋa kay suu ka wi Lonaɗina, ka vi Boy ma Ayra vi Bu Suuna Yesuɗina.

Magaara Vi Sa Jok Vun Lona OZE 7:12

Hu li ma asi liŋ nana an cukusi bay manna kasiya. An casi ko ndal laygi suu huulonana na. An yowosi hu li ma an humusi delesi asi ka tok tasina.

EZEKIYEL 32:3

Bu Suuna, Yawe, di ana, An hin gun bay manna ki fokoŋŋi hu li ma suuna ka tok ki cocona. Asi hin taɗaŋ ay ki u bay manna.

YOORA 5:17

Gola ni kay ndaɗta mbalatami halaŋ ki tuguɗira. Gola ni kay ndaɗta irimi dug ki wa.

YOORA 1:22

Ko dla coosira halaŋ mbay fokoŋu, aŋ lasi ko aŋ landa na may kay dla coonda halaŋ. Kay ana yoo taanda bolow cocoo, an tan ki tuguɗi halaŋ.

JEREMI 44:6

Na ɗaŋŋi yaanda mba kasiya. Kura ko wanda na. Ndaɗ ŋgal ɦoŋzi ma Yudana u voɗta Yerusalemba kiyo. Asi mbuɗ ki ni didiŋga hu jonara, li ma hahawra. Ni dlara ka cecem wanda daŋ may.

EZAYI 42:17

Suu may suu goɓ tlesuu asi minisina, gu ma asi ceɗemma, yasi a loosinana halaŋ hin mbuɗ ki zolona.

SOOLLA 129:5

Ko suu babali mansina mbuɗ zolona suu may suu kaboyna eg Siyonna halaŋ mbuɗ zolona.

SOOLLA 35:4

Ko suu halanna puk ki gaa, viɗ kiyo. Suu hal a baan iiri mandana, mbuɗ zolona, hoŋ ki dagani.

SOOLLA 31:10

Wan hahawanu, Yawe, an ka hu yoora, irin ka cim ki ko tiina, an ka hu lassa ni tliwin u iiri manda halaŋ.

JOB 18:8

Sem tuɗummi hu bay ma ha guni fokomma na ɗow. Nam tin semmi hu daw ma ka guni gana.

GA 8ATAMBARA 28:65

Ha duk njaf suu asina ni koɗ ta magi kaɗi, agi ka fi li ma na ew a cuk segiraɗi lay. Yawe hin ɦagi hurugi ni huu ma yoora, gol mayra buluguɗ buluguɗ ta ndaana, kak may ma ka kak din dinɗina.

SOOLLA 38:8

Hurun ŋgalan ki ko kura na, tan ka ki na faniɗi.

SOOLLA 140:5

Yawe golon ko suu ka wi Lonaɗina, golon ko suu las suuna. Suu hal a pukun gana.

KALKIRA 12:9

Komom iiriɗi lay, zalam zaliɗi lay, may cufum mi cufi duk kura, ki u yamba lay keweɗta lay u huuna lay.

YOORA 3:11

Nam viɗin voɗta ki irinu. Nam hinin an da wa, u voɗta ka irinɗi.