YOORA 1:10 - Boy Lonana

¹⁰ Babali manna maɗ kom ki kay bege manda bel. Gasi hu voɗ maɗta ndaɗ wi njaf suu daŋŋa mbaya. Ni suu aŋ ka min a asi mbay duk suu maɗsinaɗina.

YOORA 1:10 ပူးပေါင်းရင်းမြစ်များ

GA 8ATAMBARA 23:3

Goo ma vuɗum a mboymora ka kal hu tokka vi Yaweɗi, lini gor ŋgologi mam suu doogona lay ka kal hu tokka vi Yaweɗi.

JEREMI 51:51

Ami hurumi ka furi hu li ma ami hum suuna ŋgulumi naɗi, irimi mbuɗ ki zolona. Suu koyogina sel ay hu li ma teteɗ ma hu Ziŋ Yawerana wa.

YOORA 1:7

Yerusalem humuɗ gaɗ kay buu maɗ ma poyra zolona, kay jiv maɗ ma ay jewna. Hu li ma suu maɗsina puk kaŋga fok suu babali masisina sa ka mbay a njun uɗɗina, suu babali maɗsina waɗu, san uɗ kay maŋi maɗta.

NEHEMI 13:1

Hu coki ndaɗta ni asi ndum magaara vi Moizza ki fok suuna, asi hin fi hu ɓiiri ana sa ma Amonna u sa ma Moabma hin ka kal duk suu vi Lonanaɗi.

MARK 13:14

«Agi hin wi hahawra ŋgolla ka gin a mba kay sa ɗira. Sa ma ndum boy namma humum ki jivina. Hu buu namma suu Yudena hin njay liŋŋa kay ɦinira.

EZEKIYEL 44:7

Agi cukugi koyogi suu ɗiwisi bay cawra kalafi hu Ziinda mbuɗungi Ziinda ki njenjera. Agi ɦangi tiinna, mbulna u busuna kiyo ana, galam manda u agira ɓalak kiyo. Ni u dla coogira agi laɗ zeɗ zeɗta.

EZEKIYEL 9:7

Nam dasi ana, «Mbuɗugi Ziŋ Lonara ki njenjera, cuk suu miɗina oyosi ki vo kurufu hu kaana. Tuɗugiya.» Asi cuk ay ki ci suuna hu ɦoŋzina.

EZEKIYEL 7:22

An ɦasi ŋgoronu, ka min a golosi oloɗi. Suu cona hin ɓalakan mbas manda kiyo. Suu ɦulla hin mba ki huwa asi hin mbuɗuɗ ki njenjera.

JEREMI 52:13

Nam gi kura eg zira vi Lonara eg ziŋ mulnana u zigini suu Yerusalemma halaŋ halaŋ, u ziŋ suu ŋgolo suu sunda lay.

JEREMI 20:5

Tlesuu suuna ɗokosi kolo hu ɦoŋzi nammana, vuɗ sun mayra asi laɗta, tlegeyesi suu jivi cocona, begera vi mul ma Yudana an hin ɦasi ki maŋ suu babali masisina. Asi hin ɦurumusi kiyo, asi hin yowosiya, asi hin tuɗ ki u asi Babilon.

JEREMI 15:13

Bege makka u tlegeyek an ɦasi ki maŋ suuna asi ɦurumusi kiyo. Ni warak ma vi dla cookka kay ndaŋga makka u ŋgoloɗ halaŋ.

EZAYI 63:18

Suu maŋsuu teteɗna cuk hu mbas masira ni wan daŋ tuwa, suu babali mamsina tooŋ Ziŋ Lonara kiyo.

JEREMI 50:28

Vunna ka liya. Suu ŋgay tasina u suu usi hin hu mbassa Babilondana mbay ɓak hu Siyon kay sa sugul ma vi Yawe, Looyginana, sa sugul ma ay kolo huulonana.

GA 8ATAMBARA 23:4

Suu Amonna u suu Moabma li ni nanagelay asina ka kal hu tokka vi Yaweɗi, li ni gor ŋgologi masi suu doogona lay ni ka kal hu tokka vi Yaweɗi.

2 DLAŊ MULINARA 36:18

Nam yow tlesuu hu Ziŋ Lonarana ki halaŋ halaŋ. Suu ŋgolona u suu gorina lay u begera ka hu Ziŋ Lonara lay ta vi mulnara lay, begera vi suu ŋgolo suu sunda lay. Nam tuɗ tle asina ki hu Babilon bel bel.

JEREMI 27:19

Ko ndaɗta na Yawe, ma Saɓakŋa Kom Belna, ɓak kay mbal walakka fun Ziŋ Lonara u mbo lumma ŋgolna, kay doroŋ ma lagaɗam lagaɗina, kay tlesuu sun suu daŋ suu hin ka hu ɦoŋzi nammana halaŋ halaŋ.

JEREMI 27:21

Gasi, gola ni dlara Yawe, ma Saɓakŋa Kom Belna, Lona vi suu Israelna, ɓak kay tlesuu sun suu hin hu zira vi Lonara, hu taraŋga, hu Yerusalem mayna.