YOORA 1:1 - Boy Lonana

¹ Ni nana ndaɗ kak ha ki keŋ ge, ɦoŋzi ma suuna hurum cocona, nama mbuɗ ki ko cara donora na. Ndaɗ mayra li ndumuɗ ay duk njaf suuna a mulla hu ɦoŋzi ma gorinara. Ndaɗ jivira ni a mbaɓura.

YOORA 1:1 ပူးပေါင်းရင်းမြစ်များ

2 MULINA 23:33

Faraw Neko vam ha ki daŋgayna hu Ribla hu mbassa vi Hamatta, dorom ki kay mulla. Faraw Neko tin taara kay suu Yudana, ɦul gursura nekeɗ ii kelew buɓ buɓ hindi, lorra nekeɗ ii kelew dok-hindi may.

2 MULINA 23:35

Joakim taa gursura u lorra ha maŋ Faraw Neko a fi gursura Faraw joɓoɗ ayra ni nam tin taara kay suuna u eŋga. Gegelay nam tinim taa mamba kammi u ndak mamba kay a ɦaɗ ha ki maŋ Faraw Nekora.

2 DLAŊ MULINARA 9:26

Nam kak mulla ni kay muli suu daŋŋa halaŋ col ha fun mbo lum ŋgolna ta ta tew ay ki hu mbassa Filistinda, tuɗ ta ta tew ay ki ii hakara u mbassa Egiptera.

EZDRAS 4:20

Muli suu saɓak coco suu hu Yerusalemma ti kay keŋ lum ma Efratna u fiɗigina halaŋ, asi warakasi taara lay, warak kay voɗta lay.

NEHEMI 5:4

Suu hiŋŋa olo di ana, «Ami yow ki u gursu taara vi mulnara kay sene mamina u gugutlu mamira.

NEHEMI 9:37

Vuɗ tlesuu ŋgol coco asina ki ni maŋ muli suu aŋ tinisi kamina, ni kay suluk mamina. Asi ti mulla kay tamira lay kay yoori mamisina lay ko hurusi minda na, ami tamira ki ni hu hahawra ŋgolla.»

SOOLLA 122:4

Njaf suu Israelna halaŋ ka ni huwa, ni njaf suu vi Yawena, ko gaɗta vi suu Israelna dira na kay a geleɗ sem Yawera.

EZAYI 14:12

Dla ndaɗta li ni ana mege? Aŋ ay kolo huulona ndi ay ki ga wa, vel ma ɓo lina, Goŋ kiɗikkana, asi hin zuɗuŋ ay ki ga kay ndaŋgara ni nanage? Aŋŋi sa ma hoŋ njaf suuna ki dagannaɗi su?

EZAYI 22:2

Ҥoŋzi ma jivina, vun ma dam damma oy hurum cocoo. Suu maŋ suu miɗina casi ka u ŋgewɗi, asi miɗ ka ni vun duuɗi lay.

EZAYI 3:26

Vun grek ma Siyonna hin hawaɗ kiyo, boyogi suu vo hu zinna hin lak ki ni duk ndaŋgara.

EZAYI 49:21

Aŋ hin ɓak taŋ huruŋ kurufu ana, «Suu asina sana vuɗunsina ni gege? An jew ni goo ka konɗi, an ka vuɗɗi lay. An ay ki ŋgayra duk suu daŋŋa, suu ca asina sana wulusi ni gege? Gola an ay kagi ni u dew tanu. Suu asina ay ni arage?»

EZAYI 50:5

Bu Suuna Yawe malan humun kiyo, an may ni ka ci way u Lonaɗi. An ɦuɗ tan ka ki daganɗi lay.

EZAYI 52:2

Col ki koloo, po gugumma ki egeŋu, Yerusalem aŋ buɗ ay ki hu daŋgayna wa, agi suu Yerusalemma halaŋ buɗugi ki wa.

EZAYI 52:7

Jivi coco kay hum sem sa ma di boy ma ayra tuɗ ay kolo kay ɦinira. Nam mbaaraygi ni heɓpa, mba day dlara jivira u suɗta. Nam daŋ ana, «Yerusalem, Looŋŋa ni mulna.»

EZAYI 54:4

Li ndaaɗi, kay dlara zolo ka faŋ oloɗi. Li zoloɗi kay sa ma ndak a panaŋ ka oloɗi. Aŋ hin maa zolo ma laŋ ay u goo taŋŋa kiyo, humuŋ hin maa dono maŋga ay jewra ki lay.

JEREMI 31:7

Na ɗaŋŋi Yawe ɓak anaba, lagi furira u Yakob, lagi tlesuu ti suu jivina maŋ mul ma vi suunana. Lagi furira, ayagiya, dagi ana, Yawe buɗ suu mamsina ki wa, suu Israel suu usi hinna.

JEREMI 40:9

Gedaliya, ma goŋ Ahikamma, ma goŋ Safanna, ɓakasi boy namma u suu masisina ana, «Lagi u dlara vi suu Kaldenara, lagi ndaa koɗɗi. Kakagi hu mbassa, gagi yagi kaŋga u mul ma Babilonna, dlara hin tuɗ jiviya.

JEREMI 42:2

eg sa jok vun Lona, Jeremi, dam ana, «Hinimi voɗta ami tii tami egeŋu. Tii taŋ ha eg Yawe, Looŋŋa, kay umira hin ew wanda. Gasi ami suu hin iirina ni ew ɦawaa, may ami li ay jew ni bolowo. Aŋ wi dla ndaɗta lay.

JEREMI 44:2

Na ɗaŋŋi Yawe, ma Saɓakŋa Kom Belna, Lona vi Israel, ɓak anaba, «Agi wi dla co mayra an mbaaɗ ay kay Yerusalem u Yudara halaŋgi su? Gola asi cecemi bulum ki wa. Sa ka kak hu oloɗi.

JEREMI 44:6

Na ɗaŋŋi yaanda mba kasiya. Kura ko wanda na. Ndaɗ ŋgal ɦoŋzi ma Yudana u voɗta Yerusalemba kiyo. Asi mbuɗ ki ni didiŋga hu jonara, li ma hahawra. Ni dlara ka cecem wanda daŋ may.

JEREMI 50:23

Ni nana do caffa kay ndaŋgarara na halaŋ hawaɗaɗ ki lay, tooɗ ki lay ni ge. Ni nana Babilon mbuɗ ki li ma zolona duk njaf suuna nige.

JEREMI 9:11

Lini sana wi yali ni, nam huma, ɓak dlara vun Bu Suuna dambara kiyo. Ni kay me mbassa ɓeŋeɗ ki nige? Ŋgalaɗ ki ko fulla sa ka jak huɗira na nige?

YOORA 1:19

An yi suu banayanna, asi may ni ganan yanu. Muli man suu li ɓivunna u suu man suu basina miɗ ki hu ɦoŋzina, doli ɗini asi hal ni tiisina a fi saɓakŋa.

YOORA 2:1

Ni nanage, Bu Suuna, u yaamba min a mbuɗ Siyon ta jivira ki zolonage. Nam gik jivira vi Israella ay kolo huulonara ki kaŋga kay ndaŋgara. Nam humum ka gam kay li ma tin semma hu buu mamma yaraɗi.

YOORA 2:10

Kaki kaŋga duk ndaŋgara seŋira na selewen, suu basi suu vi Siyon ta jivirana ko ndaŋgara kay yasiya. Asi cuk baraw bolla egesiya. Gorɓii suu Yerusalemma cok yasi kaŋga ta ta kay ndaŋgara.

YOORA 4:1

Ni nana lorra hin ka liɗi, kawi ma jivina hin ka liɗi, gogoyra teteɗta hin njay ki keŋ hu voɗta ni ge?

YOORA 5:16

Bella kay yamira ndi ki kaŋga wa, ɦii dla cora fami wa, kay ana ami li dla cora wa.

EZEKIYEL 26:16

Muli suu ŋguy fun lumma Mediteranena halaŋ hin dlam masira mulla ki tani lak ki gaa. Asi fok barawi masi suu ŋgolona kiyo, cuk barawi suu cona ki tasiya, lak ki ga duk ndaŋgara. Asi dlak ndaana cocoo, yoo tasi coco kagi agi suu Tirna.

EZEKIYEL 26:2

«Goŋ sanna, suu Tirna san ki u Yerusalem ana, Ha ha vun grek ma vi suu asinana hawaɗ ki wa. Jew ni suu paara tuɗ huruɗ cocoo. Cemi wanda asi mbay ki ni varaygi may ɗaŋ. Aygi varak ɦiz ki may.

EZEKIYEL 5:5

«Gola, Bu Suuna, Yawe, ɓakŋi na, An tin ɦoŋzi ma Yerusalemma ni duk ɦoŋzi ma daŋŋa na gay zi ma vi suunana ŋguyuɗ yaɗ ki na halaŋ.

DLAŊ LEVIRA 26:31

Ҥoŋzi magi ma ŋgolona an ɓalakam kiyo, an hin bowogi ziigira teteɗta ki gaa, an ka ɦisigi ɦis mbul magi ma ɦis jivi namma oloɗi.

DLAŊ LEVIRA 26:33

Agi tagira may ni an hin dikigi ki duk njaf suu daŋŋa, suuna hin mun duuna u agiya, ɦoŋzi magina hin mbuɗ ki ni bagira, zina halaŋ hin hawaɗ kiyo.

SOFONI 2:15

Ҥoŋzi mayma kak gin u furira ana nam dla ka kambina hin li ni ko wanda na, nam mayma ɓak hurum kurufu ana, «Sa daŋ kaɗi ni an doy holona.» Ndaɗ hin mbuɗ ki mbas mayra hahawra ni nanage, li ma mbuurina buu huna ni nanage. Gegelay tli egeɗ wa toko ni feɗ vunum lay, yorok kom lay.

WIRA ŊGAYRA 18:7

Ҥaɗ lassa u wihawra ko ndaɗ ɦal bibiŋilla u ŋgolla maŋ taɗu. Ndaɗ ana an kaki ni ko ca mulla na, an ka cara donoɗi, yara an ka faɗɗi lay.