VUN ŊGOLNA 6:23 - Boy Lonana

²³ Kay gaɗta, ndaɗ ni ko ndal pindilla na. Haɗta ni kiɗikka ni voɗta vi iirira, ni haɗta kay wi yal ma jivina.

VUN ŊGOLNA 6:23 ပူးပေါင်းရင်းမြစ်များ

URA TIN AYRA 39:8

Yosef min ka a buu u ndaɗɗi, nam daɗ ana, «Sa ŋgol manna tlesuu hu ziimma halaŋŋi nam ka joɓ u vaɗi, nam hinin tlegeyem halaŋŋi konu.

SOOLLA 119:105

Boy maŋŋa ni pindilla fok senda, ni kiɗikka hu voɗ mandara lay.

SOOLLA 119:130

Humba hum u boy maŋŋa lira tak kiɗikka cocoo, ndaɗ ɓorow ii dlara ki ko suu hoŋ yasi gaana.

SOOLLA 141:5

An minni gaɗta vi suu ɗegeena lini asi gaɗanu, ka mbul ma vi suu cona vo kanɗi ko cen manda col saɓak fokosiya.

SOOLLA 19:8

Gaɗta vi Yawera ndaɗ pasiyak, ndaɗ ɦal iirira. Dikira vi Yawe sa ndak a li uɗu, ndaɗ mbuɗ sa ma giniŋŋa wi dlara.

VUN ŊGOLNA 10:17

Sa ma hum u gaɗtana tuɗ ni hu voɗta vi iirira, may sa ma ka vi vun saɗina viɗ ki ni tamu.

VUN ŊGOLNA 15:24

Sa ma neeyna tuɗ ni hu voɗta tuɗum hu iirira. Nam hin voɗta tuɗum hu maɗnara kiyo.

VUN ŊGOLNA 15:31

Sa ma tin humum jivi a hum nerana hin cuk ziimmi duk suu wi dlara.

VUN ŊGOLNA 29:15

Tokolora u gaɗta takaŋ yalna, goozoŋ ma hin tam kay saa mamba sak sakŋa mbuɗ sum ki ni zolona.

VUN ŊGOLNA 3:18

Ndaɗ ni guna vi iirira kay suu vaɗ ki kosina, furira ka kay suu vaɗ kosina.

VUN ŊGOLNA 4:13

Col seŋ eŋ kay haɗ maŋga, noyoɗ kiɗi, ŋgomoɗ jiviya, ndaɗ ni iiri maŋga.

VUN ŊGOLNA 4:4

Bun haɗan ay ni ko ndal wanda na, mal huruŋ ki a van boy manna. Hum u gaɗ manda aŋ hin kak iiriya.

VUN ŊGOLNA 5:12

Aŋ hin mbuɗ ɓak taŋ ana, «An hum ka u haɗtaɗi ni kay mege? Hurun vi dla mayra dandara kaɗi ni kay mege?

DI BOLLA 7:26

An wi ni ana cara ganyamba dlaaɗta ni co su miɗna. Huruɗ ni ko ndal bay ma vi tlena na, koɗ ni ko ndal zew ma njun sana na. Sa ma li ndaa Lonna fuɗ tam ki koɗu. Ndaɗ ki ni vii hu dla cora.

DI BOLLA 7:5

Humba hum u gaɗta vi sa ma wi dlara jivi su humba aŋ hum soolla vi sa ma giniŋŋa.

EZAYI 8:20

Dasi asi hum u gaɗta vi Lonara lini asi hum kaɗi ni asi hin ka wi kiɗikkaɗi.

JEREMI 21:8

Maŋ suu asina aŋ hin dasi ana, «Yawe ɓak anaba, an hin tinigi tlena fokogi mba' agi ŋgaɓa, maɗna ɗowba iirira su?

EZEKIYEL 20:11

An ɦasi gaɗ manda takasi neenda ki halaŋ. Ne mayra sana a kak iiri uɗta lini nam li uɗu.

DLAŊ LEVIRA 19:17

«Ŋgay honira huruŋ eg wayaŋaɗi, na may li ndaa kay gaɗta aŋ a gaɗ wayaŋŋaraɗi kay ana ka agi taɓagi ki hu dla cora nam laɗta jakgi.

2 PIYER 1:19

Ami wi gasi boy ma suu jok vun Lona damma, agi wi ki jiviya. Nammi ko lamba weleɗ duk ndufunda na gak gak lina fo kiyo, u ciciwra maɗiira ɓoroŋ lina hurugiya.

WIRA ŊGAYRA 2:5

Humuŋ ka gaŋ kay li ma aŋ ndi ay kaŋga hunaɗi su? Mbuɗ huruŋ kay cooŋga, li ko aŋ li li ay jewra na. Lini aŋ ka mbuɗ huruŋ kay cooŋgaɗi, an hin mba tlaŋ vaaŋ ma gaɓ lamba kamma kiyo.