VUN ŊGOLNA 6:17 - Boy Lonana

¹⁷ Gol ii mayra ŋga tara u sinda kaboyna. Ko ma vo busu sa ma ɓalak va kaɗina kina.

VUN ŊGOLNA 6:17 ပူးပေါင်းရင်းမြစ်များ

2 MULINA 21:16

Manase ci suu ɓalak va kaɗina ki cocoo, suluk namma oy ki hu Yerusalem na halaŋ. Suluk ma nam lam eg Yuda halaŋŋa ka ndumbi. Nam li dlara ka ii Yawe jiviɗira cocoo.

2 MULINA 24:4

Olo ni kay busu suu li va kaɗi ma asi voom ki kaŋga ɦawa bay uɗna. Dla co ndaɗta oy ki hu Yerusalem. Yawe ka min zi ma Yerusalem namma oloɗi, ka min a heɓ hurum eg zi nammaɗi.

SOOLLA 10:4

Hu ŋga taamba nam di ana, Lona ka a kaam ɓak kambi, kay «Lona kaɗi». Nam ɓii tam na.

SOOLLA 101:5

Sa ma tum u suuna ŋgay gumuna an hin seŋem vunumu. Ii mayra cora u huu ma mbambana, an ka min suu asinaɗi.

SOOLLA 131:1

Soolla suu tuɗ luu ma vi Lonna gaɗta, vi David. Yawe, hurun ka ŋga tam oloɗi, irin ka gol ha ki na day oloɗi. An ka hal ŋgolla oloɗi lay. Ka hal dlara su saɓakandaɗi lay.

SOOLLA 18:27

Eg suu teteɗna aŋ tak taŋ ki teteɗ may, eg suu li dla cora, aŋ takasi yaaŋga may.

SOOLLA 31:18

Yawe hu li ma an ka yaŋŋa, hinin a mbuɗ zoloɗi. May suu ka waŋ aŋ Lonɗina mbuɗ zolona, seŋesi vunusi, ha ki hu lina vi suu miɗina.

SOOLLA 5:6

Suu ŋga tasina ka col fok Lonaɗi. Aŋ ka ŋgaf u suu las ndarayasinaɗi.

SOOLLA 5:7

Aŋ ba suu kaboyna kiyo. Yawe mbuɗ yara eg sa ma ci maɗna, u sa ma hurum mbambana.

VUN ŊGOLNA 1:11

Lini asi daŋ ana, «Mbay umiya, buuruygi voɗ caygi suuna, aygi tuɗ nduguygi sa ma li va kaɗina.

VUN ŊGOLNA 1:16

Kay sesi liŋŋi kay a li dla cora sak sak, asi ɓaɗ tasi ni a vo busuna kira.

VUN ŊGOLNA 12:22

Yawe ka min suu kaboynaɗi. Nam minni suu may suu li dlara gasira.

VUN ŊGOLNA 14:5

Sa ma diki ma gasina ka kaboyɗi. Sa ma diki ma cona njaɗ ni dlara kaboyna sak sak.

VUN ŊGOLNA 16:5

Suu ŋga tasina halaŋŋi ka ii Yawe jiviɗi. Hu buu ma daɓpa ni nam ka hin bay kaasi ɓakŋa kasiɗi.

VUN ŊGOLNA 17:7

Boy ma jivina ka kal huu sa ma laɓanaɗi. Su olo ni boy ma kaboyna vi mulna kaɗi.

VUN ŊGOLNA 21:4

Ii mayra gol golla ŋga tara u huu ma ŋga tara ɦayna, saɓak ma vi sa ma dlam cona, halaŋ ca ni sulukŋa.

VUN ŊGOLNA 26:28

Ɓeŋ huu sana u boy cona ni ka wam iiɗira, di boy ma ganyamba ni ɓalakka mba ni ndaɗu.

VUN ŊGOLNA 28:17

Sa ma ci maɗ ma ka u busuna kamma, pii liŋŋa ta ta tuɗ tew zulumu. Sa ma vam duk kaɗi.

VUN ŊGOLNA 30:13

Suu daŋŋa kaa ni gol tasi ki ni kolo kay ndarayasina halaŋ, suuna halaŋŋi usi kaŋgaa.

VUN ŊGOLNA 6:16

Tlena ka na karkiya suu Yawe ka minisiɗina, ndak a li kiɗisiya suu ka gol irim jiviɗina.

EZAYI 1:15

Hu li ma agi yow kogi kolo a cenda ni an baa irin kiyo, agi zul cenda coco lay ni an ka humbi. Kogi oyra ni u busuna.

EZAYI 2:11

Hu buu namma ni suu ŋga tasina yasi hoŋ gaa, suu tli yasi kolona halaŋ hin hoŋ ki dagani. Hu buu namma geleɗta hinni maŋ Yawe dew.

EZAYI 3:16

Yawe di ana, boyogi suu Yerusalemma ŋga tasi coco, asi tuɗ ni delesi ki tini kolo na ta, irisira golla mbaɗ suuna coco lay, asi tuɗ ni ɓalaŋga soo sesi na ɦur.

EZAYI 3:9

Irisira golla ka takasi coosira kiyo, asi tak dla coosira ki ko suu Sodomma na, asi ka ŋgayaɗi. Hahawra kasiya, asi mba dla cora kasi ni kay tasiya.

JEREMI 26:15

Agi wi ki kagi ana lini agi can ki wa ni dlara hin vagi ni agiya. Agi tagira lay ɦoŋzi namma u suu hurumma lay. Kay agi ci ki ni sa li va kaɗina. Gasi daŋ may ni Yawe sunun ay ana an dagi boy namma ki agi humumu ni namu.»

Boy Ma Ayra Ma JAŊ Ɓiirimma 8:44

Bugi ni Satanna. Agi min li ni dlara bugi laɗta may. Nam ay ni sa ci maɗna hu ura tin ayra day. Nam ka li gasiraɗi kayme gasagira ka hurumbi. Nam di ni dlara kaboyna, ni dlaamba daŋ may, nam kaboyna kay nammi malaŋ kaboyna.

GA 8ATAMBARA 19:10

Li wa na ni busu sa ma li va ma co kaɗina ka cuk ki ɦawa dukugi hu mbas magira na gor gorɗi, ni mbassa Yawe Loogina ɦagira a jonara, busu namma hin hoŋŋi kagi tok.

GA 8ATAMBARA 27:25

«Sa may ma gus kay sa ma ɗegeena cambi hawana sa namma ba ki wa. Suu halaŋŋa hoŋ dira ana, Amin.

1 PIYER 5:5

Na may agi gorzoŋina humugi u suu ŋgolona, agi halaŋ cukugi lalamba kagiya kay a njun u tagiya tagiya. Kay ɓiira di ana, «Lona hurum ɓeŋ eg suu ŋga tasina, nam ɦal oo mamba maŋ suu hoŋ yasi gaana.»

WIRA ŊGAYRA 22:15

Suu may suu li dlara njenjera, suu li kumuna, suu li zoŋga, suu ci maɗna, suu goɓ fulina u suu may suu kaboyna u vunusi lay u sunda layna, suu asina halaŋ hin lak ha ki doŋ kaana na day.